Пераказ: Каля Нёмана - Экзаменационные изложения и пересказы для 9 класса по белорусскому языку.

Пачынала развідняцца. Прыбярэжныя кусты ўсё больш і больш вырысоўваліся, выплывалі з раніш- няга змроку, святлелі і шырэй разгортваліся прыгожыя краявіды, поўныя радаснага спакою і маўк лівага задумення.

Дарога павярнула ўлева, шчыльней тулячыся да Нёмана, дзе ён апісваў вельмі зграбную луку. Уся гэта лука выглядала пышным старасвецкім садам, дзе замест пладовых дрэў раслі разложыстыя дубы, убраныя чорнымі шапкамі буславых гнёздаў. Ча самі гэтыя гнёзды, заціснутыя ў разваліны стромкіх аголеных шпянёў, высока ўзнятых над зялёнаю ка ронаю дуба, што пачынаў сохнуць зверху, здавалі ся нейкімі дзіўнымі падвескамі над дубамі.

Не даходзячы да лукі, выгнуўшыся яшчэ раз каля лесу вельмі прыгожаю дугою, Нёман забіраў управа, пралёгшы паміж лугамі і полем. На адным канцы дугі стаялі кучаравыя пышныя хвоі, звесіў шы над вадою махрастыя галіны і аплёўшы пясча ны бераг цэлаю сеткаю смаляных карэнняў. За імі пачыналіся маладыя сакавітыя баравіны, перамешаныя са старым лесам. I гэты малады хвойнік, і гэты лес, і гэтыя хвоі зліваліся ў адну сцяну лесу, вырысоўваючы прыгожую вычварную лінію пава ротаў, разгортваючы сваё цёмна-зялёнае крыло і ахопліваючы пясчанае поле. А над усім гэтым ля жалі цішыня і спакой раніцы. (173)

Міністэрства адукацыі Рэспуолікі Беларусь. Зборнік экзаменацыйных матэрыялаў па беларускай мове за курс базавай школы (тэксты дыктантаў). 2-е выданне. Дапушчана Міністэрствам адукацыі Рэспублікі Беларусь. Мінск, 2004

Отсканировано и вычитано Андреем Суворовым