Бекітемін:
Оқу тәрбие ісі жөніндегі орынбасары:____________ Қ.Баянғалиев
Сабақтың тақырыбы: «Денсаулығымызды дәрі-дәрмексіз нығайтайық»
Сабақтың мақсаты:
Білімділігі: Дені сау адамдарды салауатты өмір салтын ұстана отырып, денсаулығымызды дәрі дәрмексіз қалай нығайтуға болатындығын түсіндіріп, жастарды өзіндік және қоғамдық денсаулықты қалыптастыруда белсенділікке үйрету.
Тәрбиелігі: «Бірінші байлық – денсаулық» деген ұғымды кеңінен түсіндіре отырып, салауатты өмір салтын насихаттау. Оқушыларға денсаулықтың қадірін түсіндіріп, оны сақтауға, түрлі аурулардың алдын ала білуге үйрету. Зиянды әдеттерді зияны туралы айта отырып, одан бойын аулақ ұстауға тәрбиелеу.
Дамытушылығы: Ауырып ем іздегенше, ауырмаудың жолын іздеген әлдеқайда тиімдірек екендігін ұғындыру, дене тәрбиесіне, салауаттылыққа дағдыландыру. Сонымен қатар, есте сақтау қабілетін дамытып, өмірге деген қызығушылығын, өзін қоршаған ортаға деген жақсы көзқарасын қалыптастыру.
Сабақтың әдісі: Ашық сабақ
Көрнекілігі: буклеттер, плакаттар, слайд, жеміс-жидектердің муляждары.
І. Ұйымдастыру кезеңі.
ІІ. Өткен сабақты қайталау.
Жалпы медицина дегеніміз - (дәрігерлік, емдік) — адамдардың денсаулығын сақтау мен нығайту, сырқаттарды емдеу мен аурудың алдын алу, денсаулық және жұмысқа қабілеттілік жағдайында, адамзат қоғамында ұзақ өмір сүруге жетуді көздейтін тәжірибелік іс-әрекеттің және ғылыми білімдердің жүйесі. Өткен тақырыбымызда біз медицинаның даму тарихын оқи отырып, әйгілі Гиппократ анты жөнінде де толық мағұлмат алған болатын быз. Ендеше сол тақырыптан түйгенімізді пысықтай отырып, қайталау сұрақтарына жауа берейік. Ең бірінші тақтада ілініп тұрған теректегі стикерлерді алып, ондағы жасырынып тұрған сұрақтарға жауап берейік.
Медицицна дегеніміз не?
* (дәрігерлік, емдік) — адамдардың денсаулығын сақтау мен нығайту, сырқаттарды емдеу мен аурудың алдын алу;
2. Медицина ғылымында елеулі із қалдырған энциклопедист-ғалымдарды ата?
* [link] , қабығында – эфир майы болады. Лимон жемісі тұрмыста аспаздықта кеңінен қолданыс тапқан. Одан кондитерлік тағамдар, мармелад, джемдер, шараптар, түрлі иістендіргіштер жасалады. Суық тигенде лимонды шайға салып ішеді. Сонымен қатар лимон шырыны косметикада да қолданыс тапқан. Оның шырыны теріні тазартып, ағартатын қасиетке ие.
Грек Жаңғақ бүйректі қуаттандырып, өкпені тазалап, ішекті дымқылдандырады және дене әлсіздігіне, бел сыздап ауырғанда, бас айналып, құлақ шыңылдағанда да пайдалы. Ол үшін жаңғақ дәнінен 600 грамм, қара бұршақтан 300 грамм талқандап, балға араластырып, күніне 2 реттен ішеді.
Шабдалы - Ароматерапевтердің зерттеуі бойынша шабдалы адамды күйзелістен құтқаратын, көңіл-күйді көтеретін, ойлау және есте сақтау, зейін аудару қабілеттерін арттыратын адам денсаулығына пайдалы дәрмек. Ал Қытай ғалымдары шабдалы өмірді ұзартатын ең тиімді жеміс екенін дәлелдеген. Жүрек бұлшық етін нығайтады, Асқорытуды жақсартады, Иммунитетті көтереді.
Банан – Көңіл-күйді реттейтін В6 дәрумені басқа жемістерге қарағанда бананда көп болады.
Қызығы - банан диетасы да бар. Алайда оның нәрлілігі картопқа қарағанда бір жарым есеге көп. Егер бананды кептірсе, калориясы 5 есеге дейін өседі.
Сондай-ақ, оның құрамында калий болады. Ол адамның қалыпты қысымда жүруі үшін өте қажет. Сонымен қатар, калий жүрек бұлшық етін қатайтады.
Сүт өнімдері – кальций
Газдалған су – Артық салмақ, тіс кариесі... Сәйкестендіру кестесі.
3 тапсырма «Баяндаушылар» 2 сөздің мағынасын ашу.
Оң жақтау «Денсаулық зор байлық»
Сол жақтау «Өмірің өз қолыңда»
IV. Сабақты бекіту.
Әдісі: «Мина» ойыны және сергіту сәті
Оқушылар шеңбер болып тұрады. Ортаға сұрақтар жазылған қағаздар тасталады. Бір оқушының көзі байланып ортадағы қағаздардан аттап өту керек. Аяғы тиіп кеткен қағазды алып, сұраққа жауап беру керек, солай кезектесіп береді. (Сұрақтар)
Сабақты қорытындылау: (мына 2 қорапқа алдымызда берілген, заттардың қайсысы денсаулығымызға пайдалы және зиянды екенін ажыратып, тиісті қорапқа салайық)
V. Оқушылар білімін бағалау.
VІ. Үйге тапсырма. «Дені саудың – жаны сау» тақырыбында шағын шығарма жазу.
VІІ. Қорытынды
Ұлы ойшыл Сократқа кезіңде мынадай сұрақ қойылыпты: «Адамға өмірде не қымбаттырақ байлық па, әлде атақ па?» депті. Сонда Сократ «Байлық та, атақ та, даңқ та адамды шын бақытты ете алмайды. Дені сау кедей, ауру патшадан бақыттырақ» деп жауап беріпті. Яғни адам бақытты болу үшін оған денсаулық керек, ал денсаулықтың кепілі салауаттылық.
Отанымыздың ертеңгі жағдайы сендердің қандай азамат болып өскендеріңе байланысты. Ертеңгі күн әрқайсысың мемлекетті құрайтын адам, әр мамандықтың иесі боласыңдар, қызмет атқарасыңдар. Сол қызмет барысында халыққа, мемлекетке қызмет етесіндер. Сондықтан жаман әдеттерден аулақ болып төзім, табандылықпен білім сатысынан көрініп саналы, сауатты, салауатты азамат болып, қазақ елінің жарқын болашағын кұрайтын жастар болып өсе беріңдер.
Өмірің болсын десең сенің сәнді
Ойланып, айналаңа қара мәнді.
Адам бол! Білімі тасқан, өнері асқан
Өзіне сүйсіндірер басқа жанды.
Салауатты мақсатың — өмір сүру,
Өмірдің мағынасын керек білу.
Ішімдік, нашақорлық сенің жауың,
Пайдасы сол – бұл жолдан аулақ жүру
Ел, жер аман болса, сіздер де, мен де аман, оқушылар. Осымен сабағымыз аяқталды.
