Қаралды___________
«Балдырған» МдҰ әдіскері:
.
Ұйымдастырылған ашық оқу іс-әрекетінің технологиялық картасы.
«Айгөлек» ортаңғы тобы
Тәрбиеші: Сакпаева Г.С
Күні:
Білім беру саласы: Таным. Қатынас. Шығармашылық.
Ұйымдастырылған оқу іс-әрекеті: Қоршаған ортамен таыстыру.
Тақырыбы: «Жауған қарды бақылау».
Мақсаты: Қыс туралы суреттерді әңгімелеуге үйрету; табиғатты қорғауға, табиғат әсемдігін сезінуге тәрбиелеу; қыс мезгілінің белгілері туралы білімдерін тереңдету; осы мезгілге тән құбылыстармен таныстыру; байланыстыра сөйлеу дағдыларын дамту; тілдік-сөздік қорын байыту; табиғатты сүюге, қорғауға тәрбиелеу;
Көрнекіліктер: Оқу іс-әрекетінің презентациясы. Қыс туралы мазмұнды суреттер;
Қажетті құрал-жабдықтар: Үлестірмелі құралдар; жұмыс дәптері; түрлі-түсті қарындаштар;
Сөздік жұмыс: Аяз, қар борады, қысқа күн;
Әдіс-тәсілдері: Көрсету, түсіндіру, сұрақ-жауап.
Билингвальді компонент: қыс-зима, қар-снег, қысқа күн-короткий день, ұзақ түн-долгая ночь
Іс-әрекет бөлімдері
Тәрбиешінің
іс-әрекеттері
Баланың
іс-әрекеттері
Мотивациялық
қозғаушы
Балаларды ұйымдастыру.
Кел, балалар күлейік,
Күлкіменен түлейік.
Күлкі көңіл ашады,
Күліп өмір сүрейік.
Жүректен-жүрекке жылы лебіздер:
Жұмбақ:
Мамықтай ұлпа,
Қанттай ақ.
Қыста жер бетін басады,
Жазда сайға қашады.
Көзіңе көрінбейді,
Тоңдырып қызартады.
Күні-түні ерінбейді,
Өзенге мұз артады.
Балалар шеңберге тұрып, тәрбиешінің соңынан қайталайды.
Балалар бір-біріне жылы лебіздер айтады.
Қар.
Аяз.
Ізденуші
ұйымдастыру-шы
Қыс туралы өлең оқу:
Далада қар борайды,
Ақ мамыққа орайды.
Мұз болады қатады,
Жып жылтыр боп жатады.
Аралайды бақшаны,
Үзілмейді жақсы әні.
Жауса-жаусын ақша қар,
Гүлдене бер бақшалар.
-Балалар,өлеңде жылдың қай мезгілі туралы айтылған?
-Қазір жылдың қай мезгілі?
-Қыс айларын атайық?
-Қыста адамдар қалай киінеді?
-Қыста қандай ойындар ойнаймыз? Қыстап қалатын қандай құстарды білесіңдер?
Қыстап қалған құстарға қалай көмектесеміз?
«Жауған қарды бақылау» суретін әңгімелеп береді.
[pic]
Мына суретте жылдың қай мезгілі бейнеленген?Адамдар қалай киінген? Адамдарға есімдер қойып олардың іс-әрекетін айтыңдар. Далада не жауып тұр? Қардың түсі қандай? Қарды сипаттап беріңдер? Терезеге назар салайық, далада не жауып тұр? Қар жапалақтап жауып тұр ма, әлде ұшқындап жауып тұр ма?
Топ ішіндегі «Табиғат бұрышына» саяхатқа шығып, өзгерістерді бақылау.
Дәптермен жұмыс: «Ажарлы қыс».
[pic]
Сергіту жаттығуы:
Жүріңдер балалар, сырғанақ тебеміз!
Құрыспай, құрыштай шынықсын денеміз.
Таяққа бау тағып, шаңғыңды байлап ал,
Биалай, малақай, бәрінде сайлап ал.
Дидактикалық ойын:
«Қыс мезгіліне сәйкесін тап»
[pic]
Балалар қыс туралы өлеңді мұқият тыңдайды.
-Қыс мезгілі айтылған.
Балалардың түрлі жауаптары.
Балалар берілген суретті әңгімелейді.
Топ ішіндегі «Табиғат бұрышына» саяхатқа шығып, ондағы өзгерістерге зер салады.
Балалар дәптердегі екінші аққаланың суретін толықтырып салады.
Б.Соқпақбаевтың «Шынықсын денеміз» деген өлең ырғағына қимыл әрекет арқылы сергіту жаттығуын жасайды.
Берілген кәртішкелер ішінен қыс мезгіліне сәйкес сурет табады.
[pic]
[pic]
Рефлексивті
коррекция-
лаушы
Жұмбақтар:
Қоймасын қыс ақтарып,
Жерді жапты ақ мамық.
Мамықтай ұлпа,
Қанттай ақ.
Қыста жер бетін басады,
Жазда сайға қашады.
-Қардың түсі қандай?
-Қарды сипаттап беріңдер?
-Қардан не жасауға болады?
-Қысқы ойындарды еске түсірейік.
-Қыстап қалатын құстарды атаңдар?
Жұмбақтар шешеді.
Қар.
Қар.
Балалардың түрлі жауаптары.
Күтілетін нәтиже:
Білуі керек: Жыл мезгілдерін: көктем, жаз, күз, қыс. Жыл мезгілдерінің ерекшеліктерін, құбылыстарын.
Болуы керек: Танымы, тілдік қоры, байланыстыра сөйлеуі, ойлауы, зейіні т.б.
Баланың қолынан келуі: Сұрақтарға жауап беру. Өз ойын айту. Суреттерді әңгімелеу. Жұмбақтар шешу. Берілген тапсырмаларды орындау.
