Аналар мерекесі .
Дарина : Қайырлы күн құрметті асыл аналар , асыл әжелер .
Сіздерді бүгінгі мерекелеріңізбен құттықтаймыз .
Ғибрат : Ақ тілекті ағытып бір тастайық , Аналардың мерекесін бастайық
Ән мен жырға тамсандырып ананы , жылы – жылы лебіздерді айтайық .
Көркем : - Қош келдіңіздер құрметті аналар мен әжелер .
Мерекелеріңізбен құттықтай отырып өмірдің шапағатын тілейміз .
Дарина : -Ана , ана , ана осы сөздің өзі адамға қандай күш береді .
Жақсылық атаулының бәрі ана алақанынан нәр алған .
Ғибрат : - Дұрыс айтасың Дарина .Адам баласы үшін ең аяулы ең қастерлі сөз ана . Бала дүниеге келген күннен бастап , өзінің жұмсақ алақаны жылы жүзі , ыстық құшағы мейірім толы көзқарасы арқылы бар махаббатын береді .
Музыка ойналып күннің көзі кіреді .
Күннің көзі : -Сәлеметсіңдер ме балалар ! мені таныдыңдар ма ? Әрине мен күннің көзімін .Мерекеге аяулы әжелер мен аналарды және сүйкімді қыздарды құттықтауға келдім .
Көркем : - Рахмет сізге күннің көзі .Сіз көктемде шуағыңызды мейірлене төгіп жер жүзін жылытасың , сіздің нұрыңыздан табиғат қысқы ұйқысынан оянады , қайта түлейді . Мерекеге әжелер де келіп қалыпты ендеше әжелерді де құрметтеп өлең жолдарын сыйға тартайық . / Әже туралы тақпақтар . /
Жанайым : Өзің мені өсірген , айналайын ақ әжем
Тентек болсам кешірген , Ауырмашы - ай әжем
Айлана : Әжемді ерекше сыйлаймын , әттеген - ай дегізбей
Кәрілікке қимаймын , ақылы оның теңіздей
Еркежан : - Әжем менің мейірімді , әлпештейді көңілімді
Әке , шешем анасы ол , Әркез тілер өмірімді .
М.Жасмин : - Әлпештеген аялаған , Ақ сүт берген апатайым
Сәлем жазып бүгін саған , мейрамыңмен құттықтаймын .
Сезім : - Аналарды сүйеміз , сөзін ойға түйеміз , әжені де ардақтап , әдеппен бас иеміз .
Күннің көзі : - Жарайсыңдар балалар , мен де ән салғанды , би билегенді ұнатамын.Бірақ сендермен ойын ойнағым келіп тұр .
Ойын : «Күн шуақтары »
Дарина : - Білесің бе, Ғибрат жан ана деген өзі керемет асыл жан ,
менің анам түнде шөлдесем тұрып шырын береді .
Ғибрат : - Ал менің анам ұйықтағанда ән айтып ,
ертегі айтып жүрегіңе жылу беретін сөздер айтады .
Ән «Ақ мамам» .
Күннің көзі : - Шат көңілді көтеріп , ойын сауық құрдық біз .
Әзіліміз жарасып қоштасатын сәт келді .Аспанға мен оралайын .Сау болыңдар .
Көркем : Тіршілікке нәр берген ана сүті қандай құдіретті . Әлемдегі жақсылық көзі адамдық қасиет , ақ тілек бәрі - бәрі ана сөзімен астасып жатыр . Ендеше балалардың ана туралы өлең жырларын тыңдаңыздар . Тақпақтар .
Ерасыл А: - Үн қатасың бал тілмен , еркелеймін әр күн мен
Құттықтаймын анашым , сегізінші наурызбен .
Әділ : - Ана өмір жарығы , ана өмір бұлағы ,Бесігімнің жыр әні , жүрегімде тұрады .
С .Ерасыл : - Апа мама тәтені , қарындас пен әпкені .
Құтттықтаймыз мейраммен , ақылшы дана әжені .
Ерназар : - Сеннен өскен балалар , сеннен өскен даналар .
Құттықтаймыз мейраммен , құрметті асыл аналар .
Алихан : - Еркелесем күлімдейтін , ұрысқаны білінбейтін .
Маңдайымнан иіскеп менің , құлыншағым күнім дейтін
Жантөре : - Аялаған баптаған , Асыраған сақтаған .Сақтандырып күнде еппен ,
Айтып бәрін үйреткен , аналарға мың алғыс .
Көркем : -Ал балалар олай болса мерекенің қадірлі қонағы көктем ханшайымын шақырайық .
Балалар : - Көктем , көктем , көктем өлкемізге кел . музыка ойналып көктем ханшайымы билеп кіреді .
Балалар : - Аналар дың , әжелердің , тәтелердің , қыздардың мерекесі .
Көктем : - Бәсе - бәсе , өзім де ерекше күн екенін бірден сездім . Олай болса құрметті асыл аналар , ардақты әжелер сұлу қыздар мерелерің құтты болсын .
Дарина : -Адал жақсы ниетпен , аналарға бақ тілеп ,
жарып шыққан жүректен , сөздің бәрі ақ тілек .
Ғибрат : - Құрметті аналар күніміз ашық , түніміз тыныш болсын
Би «Гүлдер»
Айша : -Дүниедегі ең керемет сөз ана
Дүниедегі ең жақсы ана менің анам
Бала анасыз өмір сүре алмайды
Менің анам үнемі күліп жүреді
Ол күлген кезде өте мейірімді
Мен анамды өте жақсы көремін
Зейнегүл : -
Жиренше шешен бір баладан –балам не тәтті десе бала бал тәтті дейді. Не жұмсақ десе –мамық жұмсақ дейді .Қасындағы екінші бала - мен айтайын - дейді . Тәттіде ананың сүті , жұмсақта ананың алақаны жұмсақ деген екен . Ендеше ананың ақ сүтін ақтай білейік .
Көрініс : - атасы : - үйдің алтын қазығы кім ? баласы – үйдің алтын қазығы бала7 атасы : - жоқ балам үйдің алтын қазығы ана , ана ақылды болса , бала дана болады .ана тәрбиесі қызға үлгі , ана мейірімі көзінде ,ықыласы көңілінде , ақылы сөзінде .Атасы : - жоқты бар , ашты тоқ ететін кім ? Баласы : - мейірімді әке .атасы : - жоқ балам әке қанша мейірімді болса да ананың жөні бөлек . Жоқты бар , ашты тоқ ететін ана .Анасыз бала ұйықтамайды . Қатықсыз айран ұйымайды .
Көктем : - ой балалар сендер сондай өнерлі екенсіңдер , ана жайында білетіндерің де көп екен . Мен де табиғат анадан жаратылғанмын .
Би «Ырғақты би » ұлдар .
Ғибрат : - Барлық ана баласымен бақытты , барлық бала анасымен бақытты .
Дарина : - Біз сіздерге ыстық лебізімізді ән мен жыр арқылы жеткіземіз .
Тақпақтар :
Қ.Арлан : - Бәрімізге анасың , маған күн боп жанасың
Құтты болсын мерекең , айналайын анашым .
Еркежан : Сегізінші наурыз келді , шаттық сезім ой келді .
Қуанышты бұл күні , құттықтаймыз сіздерді .
Ақниет : -Анашым ақ таңым , ақ сүтін ақтаймын .Жүректе атыңды Тұмардай сақтаймын
Зейнегүл : Жанымызды жайнатқан , Сіздерсіз ғой аналар
Зор денсаулық мол бақыт , тілейміз біз балалар .
Дария : - Алтын анам ол менің , мені жақсы көрееді
Үйретеді ол өлеңін , ертегі айтып береді .
Жамбылхан:Мен үшін жан асыл , тек өзің ғанасың , қартайма жүз жаса , апатай анашым
Рамазан : -Ана біздің күніміз , Ананың біз гүліміз
Ұландарды қуантып , ұзақ өмір сүріңіз .
Данил : - Апатай анашым , ақылы мол данасың , қамқоры сен сәбидің Гүлі де сен әр үйдің
Ән «Ақ әжем »
Дарина : Дүниеде ең кемеңгер дананы, Ана бізді аялайды бағады .
Ғибрат : Сол үшін де құдіретіне бас иіп , құрметтейік қасиетті ананы
Көктем : -Иә , дұрыс айтасыңдар балалар , аналарыңды құрметтеңдер , Сендердің бүгінгі өнерлеріңе риза болдым , Мен енді жүрейін , сендер сияқты аналарын құрметтеп жатқан балалардың мерекесіне барайын , кездескенше сау болып тұрыңдар .
Ойын : Ата - аналармен
Б.Ерасыл : - Көктем келді балалар , Жердің беті жаңарар
Ақ сүт беріп өсірген , аман болсын аналар .
Ділназ:Ақ сүтіңнің нәріне , тойып өстім ақ анам , төзе білген бәріне , ақ анамдай бар ма адам
Айлана : -Мәпелейсің мені анам , қолыңдағы құсыңдай , құлпыра өсіп дем алам ,
құшағыңда қысылмай .
Азиза : - Таңдай қағар тамсана , тіршіліктің басы ана , құттықтаймыз мейраммен , бар әлемге мақтана .
Айша : - Жылылықтан жаралған , құшағы оның таң мекен , менің айдай анамнан.
Асқан сұлу бар ма екен .
А.Жасмин: Құшағыңа кіргенде жылынамын бір демде ,не жетеді көзіңе мейірімді күннен де Аружан : - Аяулы менің анашым , Өзіңсің маған жанашыр ,
Қажетіңе жарасам . Риза болып қаласың .
Би : « Көңілділер »
Аруна : - Тәрбиені береді , ақыл кеңес себеді .Анашым мені аялап , мейірімін төгеді .
Б.Арлан : Анам менің данасың ,арқа тұтар панамсың Еңбегіңді ақтайын ,
құрметті асыл анашым.
Тамина : - Бізді өсірген апатай , еңбеғің де зор екен .
Құтты болсын апатай , құтты болсын мерекең
Ануар : - Мереке күніңмен , қарсы алам өзіңді , сәбилік үніммен , арнаймын сөзімді .
Ақылжан: - Жүреді олар арман боп , тұрады олар маржан боп ,
балалары бақытты аналарда арман жоқ .
Ән «Күшігім »
Дарина : - Құтты болсын осы шаттық күніңіз , бақытты да ұзақ өмір сүріңіз
Ғибрат: Қуанышты жүзіңізбн әрдайым , бұл өмірде күліп қана жүріңіз .
Көркем : -Жақсылыққа құмармыз , жақсы адам боп шығамыз , таза сәби жүректен анамызға мың алғыс .
Аналарға сыйлықтар беріледі .
