Білім беру саласы: Таным. Тәрбиешінің аты – жөні:
Ұйымдастырылған оқу – іс әрекет түрі: Экология
Тақырыбы: Су туралы не білеміз?
Мақсаты: балаларды су қасиетімен, құрамымен таныстыру (дәмі, түсі, иісі); судың тіршілік иесі үшін мәні, қажеттілігі туралы түсінігін кеңейту;суды үнемдей білуге тәрбиелеу.
Қажетті құрал жабдықтар: әр балаға төрт стақан су, езілген бояу түрлері, қант немесе тосап.
Әдіс – тәсілдер: сөздік, көрнекілік, практикалық.
Балалар, далада күн жылынды. Бұл көктемнің белгісі. Қазір бәріміз бірігіп, қиял арқылы саяхатқа шығайық. Ол үшін денелеріңді бос ұстап, көздеріңді жұмып, епкін отырайық (баяу музыка ойналады). Біз гүлдері мен шөбі жайқалған көгалға саяхат жасаймыз. Көгалда жасыл шөп, сылдырлап аққан бұлақты көреміз. Құстардың даусы қандай әсем!
Енді көздеріңді ашуларыңа болады
саяхатқа шыққанда тас – тастың арасымен не ағып жатты?
Су туралы сендер не білесіңдер?
-Сендер су туралы біраз біледі екенсіңдер? Ал судың түсі, дәмі туралы не айтасыңдар?
Балалар, судың түсі, дәмі туралы біз тәжірибе жасаймыз. Мен не істедім? (Суды төгеді, кранды ашып суды ағызады).
Сендер алдарыңда тұрған кіші стаканды суды тәрелкеге құйыңдар?
Енді губканы суға батырып, бір қолмен ақырын ғана сығыңдар, не байқадыңдар.?
-Балалар суды төгуге де болады. Ол ағады, тамшылайды, суды бір ыдыстан екінші ыдысқа құюға болады
-Яғни су сұйық екен?
-Сендер тағы қандай сұйық заттарды білесіңдер.?
-Сүттің түсі қандай?
(Ақ)
-Судың түсі қандай екен, ыдыстағы суға қараңдаршы?
-Дұрыс айтасыңдар, су түссіз. Ал сендер судың түсін өзгерткілерің келе ме? Олай болса алдарыңдағы бір ыдыстағы суға өздеріңе ұнаған бояуды қосыңдар.
-Демек, балалар, судың түсі, оған қоспа қосқанда ғана өзгереді екен. Енді үшінші стақандағы таза суды ішіп көріңдерші, дәмі қандай екен?
-Судың дәмін қалай өзгертуге болады?
Дұрыс айтасыңдар, олай болса алдарыңда тұрған қантты суға салып араластырыңдар.
-Судың дәмі қалайша тәтті болып кетті.
-Ал суға тұз қосса, дәмі қандай болар еді?
-Яғни, балалар, суға белгілі бір дәмі бар затты қосқанда ғана оның дәмі болады екен.
Енді төртінші стақандағы суды алып иіскеп көріңдерші, иісі қандай?
-Демек, судың иісі болмайды екен. Суға иіс май қосса ғана оның иісі шығады.
Біз бүгін балалар, су туралы біраз әңгімелестік, тәжірибе жасадық. Енді айта қойыңдаршы, су не үшін керек, су болмаса не болар еді.
Жарайсыңдар, балалар, енді жаңа өздерің жасаған тәжірибелеріңді естеріңе түсіріп, су туралы айтып беріңдерші.
Ал сендер суды үнемдеу керектігін білесіңдер ме?Суды үнемдеу дегенді қалай
түсінесіңдер?
Дұрыс айтасыңдар, бостан - босқа төгіп, қалай болса солай пайдалана беруге
болмайды екен.
Тәрбиеші балалардан бүгінгі жиыннан алған әсерлерін, көңіл күйлерін, немен айналысқандарын, не үйренгендерін сұрайды.Бүгінгі жиыннан түйінді ойы немесе тақырыбы жайлы өздеріне түсіріп, сұрақтар қойып пысықтайды.
Күтілетін нәтиже:
Біледі: судың сұйық, иісі, дәмі жоқ, түссіз екендігін білуі керек; судың адамдар, өсімдіктермен жануарлар үшін қажеттілігін.
Игереді: судың сұыйық, иісі, дәмі жоқ, түссіз екендігін біледі;
Оның түсі, дәмі және иісінің қоспалар арқылы өзгеретіндігін; өсімдікткр мен жануарлар үшін қажеттілігін.
Меңгереді: судың қасиеті туралы, суды үнемдей білуді.
