Икенче кечкенәләр төркеме өчен математика шөгыленнән конспект
Тема: «Болынга сәяхәт»
Максат: бер-күп, зур-кечкенә, киң-тар, геометрик фигуралар: түгәрәк, квадрат,
өчпочмак,тәүлек өлешләре: көн-төн турында белемнәрне ныгыту; төсләрне аеруны кабатлау; шөгыльгә кызыксыну уяту.
Җиһазлау: кызыл-коңгырт, зур-кечкенә төсле кәгазьдән кисеп ясалган гөмбәләр,
җиләкләр, киң-тар альбом битләреннән буяп ясалган елга, уенчык үрдәк, кояш,күбәләк, болын өчен яшел төстәге материал, кояш, йолдызлар, ай сурәтләнгән рәсемнәр, геометрик фигуралар: квадрат, өчпочмак, түгәрәк.
Шөгыль барышы
Балалар, без сезнең белән бүген сәяхәт итәбез. Ә кайда икәнен хәзер әйтәм.
- Кем белә, безнең үсемлекләр кайда үсә? (урманда)
- Ә без нинди үсемлекләр беләбез соң?
Балалар, үсемлекләр урманда гына түгел, болында да үсә. Без сезнең белән болынга үсемлекләр янына кунакка барырбыз. Әйдәгез, минем белән.
- Карагыз әле, юл кырыенда нәрсәләр үсеп утыра?(гөмбәләр)
- Ничә гөмбә?(күп)
- Ә монда ничә гөмбә?(бер)
- Балалар, гөмбәләр размерлары буенча нинди? (кечкенә)
- Алар нинди төстә?(кызыл)
Баруыбызны дәвам итәбез. Менә безнең каршыдан елга ага. Әйдәгез, елганы сикереп кенә узыйк әле.Бөтенебез сикерәбез. Сикердек.
- Ә без елганы ни өчен сикереп чыга алдык?
- Елга нинди?(тар),шуңа сикереп чыга алдык.
Юлыбызны дәвам итәбез.
- Карагыз әле, безгә тагын нәрсә очрады?(гөмбә)
- Ничә гөмбә үсеп утыра?(бер)
- Бу гөмбә нинди?(зур)
- Нинди төстә?(коңгырт)
Гөмбә елга кырыенда үсеп утыра.Безгә кабат елганы узып китәргә кирәк.Кабат елганы сикереп чыгып карыйк әле.
- Сикереп чыга алырбызмы?(юк)
- Ни өчен?(чөнки бу елга киң, аны сикереп чыгарга ярамый).
- Елгага карагыз әле, анда нәрсә йөзә?(үрдәк)
- Ул нинди төстә?(сары)
- Ничә үрдәк йөзә?(бер)
Молодцы, балалар! Киттек алга таба.Балалар, менә без сезнең белән болынга килеп тә җиттек.
- Карагыз әле, болыныбыз нинди төстә?(яшел)
- Ни өчен яшел?(чөнки болын үлән белән капланган)
- Үләннән башка болыныбызда тагын нәрсәләр үсә? Әйдәгез, санап китик
әле(җиләкләр, чәчәкләр, гөмбәләр)
- Болында болында үсемлекләр күпме, азмы?(күп)
- Карагыз әле, болар нәрсәләр?(гөмбәләр)
- Гөмбәләр нинди?
- Нинди төстә?
- Гөмбәләр янында тагын нәрсәләр үсә?(җиләкләр)
- Зурмы, кечкенәме?
- Нинди төстә?
- Чәчәкләре нинди төстә?
- Тагын без нәрсәләр күрәбез?(чәчәкләр)
- Чәчәкләр биек булып үскәннәрме, тәбәнәкме?
Молодцы,балалар!Күрдегезме болында нинди генә үсемлек юк.Инде балалар, караңгы да төшә башлады.
- Караңгы төшкәч нәрсә була?(кич була)
- Кич белән күктә нәрсәләр барлыкка килә?(йолдызлар, ай сурәтләре күрсәтелә)
- Ә без болынга килгәндә нинди вакыт иде?(иртә)
- Иртә белән күк йөзендә нәрсә үзенең нурларын сибә иде?(кояш сурәте күрсәтелә)
Хәзер ял итеп алыйк.
Физкультминутка: “Бакалар...”
Чәчәкләрнең дә, гөмбәләрнең дә, җиләкләрнең дә инде ял итәселәре киләдер. Әйдәгез, аларга өй төзик әле.
- Безгә аның өчен нәрсәләр кирәк булачак. Ничек уйлыйсыз?(геометрик фигуралар)
- Без нинди геометрик фигуралар беләбез?(квадрат, өчпочмак, түгәрәк)
- Бу нинди геометрик фигура?(квадрат)
- Нинди төстә?
- Зурмы, кечкенәме? Нәрсәгә охшаган? Өйнең кайсы өлешен ясау өчен кулланыла?
- Бу нинди геометрик фигура?(өчпочмак)
- Нинди төстә?
- Зурмы, кечкенәме?
- Нинди предметка охшаган? Өйнең кайсы өлешен ясау өчен кулланыла?
- Ә бу нинди геометрик фигура?(түгәрәк)
- Нинди төстә?
- Зурмы, кечкенәме?
- Нинди предметка охшаган? Өйнең кайсы өлешен ясау өчен кулланыла?
Менә өйне ясап та куйдык. Ә хәзер безгә төркемебезгә кайтырга да вакыт җитте. Без бүген сезнең белән болынга үсемлекләр янына кунакка бардык.
- Анда нәрсәләр күрдек? (балалар җавабы).
