ҚМКҚ «Қызғалдақ» бөбек-жай балабақшасы
[pic]
«Төрт түліктің пайдасы»
(aшық сабақ)
«Ақ көгершін» тобының тәрбиешісі:
Әміржанова Меруерт Сабыржанқызы
Мұқыры ауылы
2016 жыл
Білім беру саласы:"Қатынас"
Ұйымдастырылған оқу іс -әрекеті: Тіл дамыту
Тақырыбы: «Төрт түліктің пайдасы»
Мақсаты:
Білімділік: Балаларды үй жануарлары және оның төлдерімен, тіршіліктерімен таныстыру. Не қалай дыбыстайтынын айтып, тілдерін дамыту.Балалардың үй жануарлары туралы білімдерін толықтыру.
Дамытушылық: Олардың түрлерін бір – бірінен ажыратуға, зейін қойып тыңдауға үйрету,үй жануарларына байланысты тақпақтар мен мақал мәтелдер айтқызу, сұрақтарға жауап беруге дағдыландыру, жұмбақ шешу арқылы тіл байлықтарын дамыту.
Тәрбиелік: Жануарларды күтіп баптауға, қамқорлық жасауға тәрбиелеу.
Әдіс - тәсілі: Сұрақ - жауап, түсіндіру, көрсету.
Көрнекілік: Үй жануарларының суреттері, слайд.
Ұйымдастыру кезеңі:
Балалар, «Амандасу - адамгершіліктің, әдептіліктің баспалдағы»
сондықтан да, алдымен қонақтармен амандасып алайық.
Жылулық шеңбері:
Қуан, шаттан, алақай,
Қуанатын күн бүгін!
Қайырлы таң қонақтар,
Қайырлы таң достарым.
Сабақтың барысы:
- Балалар, бір жылда неше мезгіл бар?
- Қазір жылдың қай мезгілі?
- Бүгін ауа райы қандай?
Өткен сабаққа шолу
Жаңа оқу іс-әрекетінің тақырыбын ашу мақсатында жұмбақ жасыру:
Кішкене ғана бойы бар
Айналдырып киген тоны бар. (Қой)
- Иә дұрыс айтасыңдар,балалар-қой. Қой бәріміздің үйімізде бар. Ол-үй жануары. Яғни бүгінгі оқу іс-әрекетімізде біз үй жануарларымен танысамыз.
Тәрбиеші:
Балалар, үй жануарларына қандай жануарлар жататынын білеміз ба?
Ал олай болса балалар үй жануарларын атайық(балалар үй жануарларын атайды). Бейнетаспа көрсету.
Тосын сәт:
(Музыка ойнайды, түйенің дыбысы шығады). –Балалар, ненің дауысын естіп тұрмыз? Қарайықшы, қанеки бізге кім келе жатыр екен?
Түйе келеді. «Балалар, маған көмектесіңдерші? Менің үйіме қарақшылар келіп, достарымның суретін жыртып кетіпті. Сендер маған суреттерді құрастырып беріңдерші»,-деп төрт топқа сурет қиындыларын береді.
Балалар суретті құрастырып болғаннан кейін, өздері құрастырған суреттері туралы тақпақтарын айтады, түйе алғысын білдіреді.
Түйе: «Жарайсыңдар,балалар, сендерге көп рахмет. Сендер маған көмектестіңдер мен де сендерге сыйлық алып келгенмін»-деп сыйлығын беріп балалармен қоштасып шығып кетеді.
Сергіту сәті: Бейнетаспа арқылы
Қорытынды:
(Алдын ала тақтаға үй жануарларының суреттері ілінеді).
Балалар, тақтадағы суреттерге назар аударайық. ( телефоннан үй жануарларының дыбыстарын естірту).
Қойдың дыбысы: -Ненің дыбысын естідік? Әрине қой. Қойдың төлі қалай аталады? Қозыны анасының қасына апарайық.
Мысықтың дыбысы: -Ненің дыбысын естідік? Дұрыс айтасыңдар мысықтың. Мысықтың баласы қалай аталады? Марғауды анасының жанына апарайық.
Иттің дыбысы: -Ненің дыбысын естідік? Әрине ит. Иттің баласы қалай аталады? Күшікті анасының қасына апарайық.
Жылқының дыбысы: -Ненің дыбысын естідік? Әрине жылқы. Жылқының баласы қалай аталады? Құлынды анасының жанына апарайық.
Түйенің дыбысы: -Ненің дыбысын естідік? Дұрыс түйенің. Түйенің төлі қалай аталады? Ботаны анасының қасына апарайық.
Сиырдың дыбысы: -Ненің дыбысын естідік? Әрине сиыр. Сиырдың төлі қалай аталады? Бұзауды анасының қасына апарайық.
Мадақтау:
Балаларды мадақтап, жұлдызшаларын тарату.
