Білімділік саласы: «Қатынас»
Кіші саласы: «Тіл дамыту»
Тақырыбы: «Арыстан күшігін асыраған мысық»ертегісі.
Мақсаты:
а) ертегіні тыңдай білуге,оны мазмұндауды үйретуді жалғастыру.
ә) бір-біріне деген бауырмалдық,жанашырлық сезімдерін ояту, жақсылық жасауға тәрбиелеу.
б) Кейіпкерлердің өзара сөйлесуін көркем түрде қолдану арқылы ертегінің ішкі сырын, айтылу керек ой-түйсігін,мән-мағынасын бұзбай байланыстыра баяндай білуге үйретуді дамытуды жалғастыру.
Сөздік жұмыс: арыстан
Қолданылатын көрнекі құралдар: демонстрациялық құрал.
Оқу іс-әрекетінің кезеңдері
Педагогтің іс-әрекеті
Балалардың іс-әрекеті
Мотивациялық қозғаушышылық
Ұйымдастырушы
ізденушілік
Рефлексифті түзетемдеуші
Балалар бүгін ертегі тыңдайтынын, ертегі аң патшасы арыстанның күшігі мен өздері жақсы білетін мысық туралы екенін айтып, арыстан күшігі мен мысықтың қандай жануарлар екендігі жайлы әңгімелесу.
Демонстрациялық құрал.
(Арыстан және оның күшігінің суреті)
Мысық пен арыстан туралы қандай ертегілер білетінін және қандай мультфильмдер көргенін сұрау.
-Ал,енді,балалар мен сендерге қызықты ертегі оқып беремін, ал сендер оны мұқият тыңдап отырыңдар.
Ертегі оқылады: «Арыстан күшігін асыраған мысық». Бір мысық қаңғырып жүріп, анасы өліп қалған Арыстанның күшігіне кез болады.Мысық күшікті бауырына басып, емізіп асырайды. Арыстан өсіп, азулы жыртқыш аң болып, өз азығын өзі табатын халге жетеді. Бір күні ашыққан Арыстан өзін асыраған Мысықты жемек болады. Мысық оның бұл ойын сезіп, өрмелеп ағашқа шығып кетеді.
Сонда Арыстан тұріп:
-О, менің ақ сүтін емізген асыраушым. Маған сен туған анамдай ыстықсың. Бүкіл қылықтарды үйреткенде ағашқа өрмелеуді неге үйретпегенсің?-дейді.
-Қысылғанда керек болар дегенім еді-депті сонда Мысық.
(Балаларға ертегі желісі бойынша сұрақтар қоя отырып, байланыстыра баяндауға бағыттау).
Дамытушы сұрақтар:
-Мысық ненің күшігін кездестірді?
-Арыстан күшігінің анасы жоқ болғандықтан, Мысық оған қандай көмек көрсетеді?
-Арыстан күшігі үлкен болып өскеннен кейін қандай іс-әрекетін мінезін көрсетеді?
-Оны біліп қойған Мысық не істейді?
-Сол кезде Арыстан Мысыққа не дейді?
Сонда Мысық не деп жауап береді?
Жақсылықты жақсылықпен қайтару керектігін балалардың санасына құю.
-Арыстанның жасаған іс-әрекеті дұрыс деп ойлайсыңдар ма?
Сендер арыстан күшігінің орнына болғанда не істеуші едіңдер?
Арыстан мен мысықтың қандай дауыс шығаратынын сұрай отырып,мысық туралы сергіту жаттығуын жасату.
Сергіту жаттығу
«Мысығым»
Құйрығын қуып ойнайды
Қума десем қоймайды.
Шыр көбелек айналсам
Жетемін деп ойлайды.
Піш-піш десем келе ғой
Айтқаныма көне ғой
Шақырғанда «піш-піш» деп
«Мияу» деп дыбыс бере ғой
(А.Меңжанова)
Балалардан қандай ертегі тыңдағандарын, ертегідегі кейіпкерлердің қайсысы ұнағанын және жағымсыз кейіпкердің қай қылығы ұнамағанын сұрап, «Жақсыдан үйрен, Жаманнан жирен» мақал-мәтелді нақыл сөзбен қорытындылау.
Ертегі тыңдайтындарына қуанып,арыстанның жабайы жануар,ал мысық үй жануары екенін өз сөздерімен жеткізіп атсалысады.
Суретте нені көріп отырғандарын айтып өтеді. Балалар өздері білетін ертегілерді айтады: «Мақта қыз бен мысық», «Жалқау мысық», «Том мен Джерри» және т.б.
Балалар мұқият тыңдайды.
-Мысық келе жатып арыстанның күшігін кездестіреді.
-Мысық арыстан күшігін үйіне апарып анасы секілді тамақтандырып, жуындырып, оны асырайды.
-Қарны ашып кеткен арыстан күшігі өзін бағып өсірген анасы сияқты болған мысықты жемекші болады.
Мысық дереу ағашқа шығып кетеді.
О, менің ақ сүтін емізген асыраушым. Маған сен туған анамдай ыстықсың. Бүкіл қылықтарды үйреткенде ағашқа өрмелеуді неге үйретпегенсің?-дейді.
Қысылғанда керек болар дегенім еді-деп жауап береді Мысық.
-Жоқ,өзін асыраған анасына олай қиындық жасауға болмайды.
Арыстанның ақыратынын, мысықтың мияулайтынын айтады.
Қимылын келтіріп жасауға талпынады.
Ұнаған кейіпкерлердің жағымды және жағымсыз іс-әрекеттерін өз ойымен баяндайды.
Күтілетін нәтиже: Жаңғыртады: ертегі желісін бұзбай баяндауды;
Түсінеді: өз ойын ашып жеткізуді;
Қолданады: жақсы нәрсені үйреніп, жамандыққа жақындамау керектігін біледі.
