Әулиекөл ауданының әкімдігінің Әулиекөл «Айгөлек» балабақшасы МҚҚҚ
«Жомарт күз» ертеңгілігі
(Ересек «Ә» тобы)
Тәрбиеші:Жамелова А.Е
2015 жыл
Ортаға 3 бала шығады:
1 - бала:
Қуаныштың ағайын
Қоңырауын қағайын
Қуандырып біздерді
Өлкемізге күз келді!
2 - бала:
Айнала сары ала
Қырманға дән тола
Жемістер пісіпті
Қоймаға түсіпті!
3 - бала:
Ендеше не тұрыс
Болмасын жан қалыс
Тойлайық, күлейік
Қуанып билейік!
Би "Флешмоб"
(Барлық балалар шығып көңілді би билейді. Би аяқтала бергенде бір бала әлсірей құлайды)
1 - бала: Тоқтаңдар, тоқтаңдар!
Бойымнан әл құрып
Көздерім бұлдырап
Басым айналып барады!
(Басқа балалар көмектесіп, демейді)
2 - бала: Енді, енді не етеміз?!
(Құлаған баланың атын атайды) қалай көмектесеміз?
3 - бала: Сабыр сақта, саспайық
Дәрігер шақырайық!
1 - бала: Жо - жоқ! Дәрігер керек емес!
Қазір өзім тұрамын тез!
4 - бала: Онда дәрі ішіп ал,
Менде міне, көп дәрі бар!
1 - бала: Ах!
Бәрі бірге: Дәрігер, дәрігер! ("Жедел жәрдем" машинасының дыбысы естіледі. Дәрігер киімін киген бала келеді)
Дәрігер: Мені неге шақырдыңдар,
Қандай шағым, арыздар бар?
Бәрі бірге: (Әлсіреп құлаған баланы атайды) дәрігерлік көмек керек!
Дәрігер: Қазір қарап шығайын,
Неден ауырғанын ұғайын... (Фонендоскоппен кеудесін тыңдайды)
Дәрігер: - А - а - а - деп қане, аузыңды ашшы...... (Тексереді)
Тістерің орнында, тамағың іспеген
Қол - аяғың әлсізденген
Қызуың ыссы екен
Білдім, неден ауырғаныңды...!
Жеткілікті мөлшерде ағзаңа
Дәрумендер жетіспеген!
1 - бала: Енді не істеймін?
Дәрігер: Дәрумендер табиғи болғаны дұрыс,
Көп - көп көкөніс, жемістер жеуге тырыс!..
6 - бала: Қазір күз мезгілі түсті ғой,
Жемістер де, көкөністер де пісті ғой!
Қоймаға қоңырау шалайық
Күз өнімдерін осында алдырайық!
7 - бала: Дұрыс айтасың! (Қалта телефонымен қоңырау шалады)
- Алло, алло! Қойма ма?
Бізге жемістер мен көкөністер керек
Машинаға тиеп жіберіңіз
Мүмкін болса тезірек!
(Машинаның дыбысы естіліп, руль ұстаған жүргізуші бала жемістер мен көкөністерді «тиеп» алып келеді)
Алма: Мен - алмамын, алмамын
Таңдандырар бал дәмім
Пісіп толдым, мінекей!
Баптап ерек бағбаным
Өрік: Мен - өрікпін, өрікпін
Дәміммен тәтті еліттім
Сүйіктімін сәбилерге
Айтпасам да бөліп тым
Жүзім: Мені бәрі жүзім дер
Бір - бірлеп дәмдеп үзіп жер
Қызықтырам көркіммен
Қатар - қатар тізілген
Шие: Мен шиемін, шиемін
Күннің көзін сүйемін
Қажеттімін адамға
Оны жақсы білемін!
Қияр: Мен қиярмын, сәндімін
Салаттардың сәнімін
Дәруменім мол менің
Жегенге қуат сыйлаймын!
Асқабақ: Таңдандырар бәрін
Асқабақпын дәмді
Кептірілген дәнім
Таптырмайтын дәрі!
Картоп: Мен картоппын, картоппын
Бір қарасаң - доппын?!
Немен жесең де жағам
Мені қоссаң тәтті болар тағам!
Қызанақ: Менің атым - қызанақ
Тұзды сеуіп молырақ
Банкілерге салыңыз
Аузын мықтап жабыңыз
Тағамға дәм қосамын
Қыста тәбет ашамын
Тәрбиеші: Бойға қуат нәрі
Таптырмайтын дәрі
Өнімдерді ортаға ала
Тойлайық енді шаттана!
Ән «Алтын күз»
Тәрбиеші: Алтын күз, жаңбырлы күз, жомарт күз, суығы шыңдайтын, сұлулығы арбайтын мәрт күздің тойында
- шаршауды білмеуге!........ (Балалар қайталайды)
- көңілді би билеуге!....... (Балалар қайталайды)
- әсем сазды ән салып, (Балалар қайталайды)
- бір - бірімізге жақсы тілек тілеуге ант етейік!
Балалар: Ант етеміз, ант етеміз, ант етеміз!
Топқа күз кіріп келеді.
-Сәлеметсіндер ме балалар!Мен күз мезгілімін.Сендердің көңілді дауыстарынды естіп келіп тұрмын.Мен жалғыз келмедім.Мен өзімнің үш қызымды ала келдім.
1 қызым Қыркүйек- ең ақкөніл,қолындағысын аямайтын қызым.Ол келгенде бақтар мен бақшаларда жемістер мен көкөністер тола кетеді.
2 қызым Қазан.Ең еңбекшіл қызым.Ол барлық ағаштарға алтын көйлек кигізіп қойды.
3 қызым Қараша. Ең қатал қызым.Ол барлығының өз орнында тұрғаның ұнатады.Ол бізге қыстың келе жатқаның хабарлайды.Осылайша суықты алып келеді.
Қыркүйек: Бүгін барлығымыз кездескеніміз қалай жақсы болды!
Қазан:Мен де өте қуаныштымын.Сендерді көрмегеніме бір жыл болды ғой!
Қараша: Ия бұл өте жақсы.Бірақ көп ұзамай біз қайтадан ажырасуға мәжүбір боламыз. (Күз қыздарымен бірге қолдарынан ұстап залды айналып шығады)
Күз: -Олай болса мүмкін балалардың мерекелерін тамашалауға қалармыз? Балалар сендер рұқсат бересіндер ма? (Барлығы қуанады.Орындарына отырады.)
Тәрбиеші:
Күзім –ау, күзім ау
Мінезін бұзық-ау
Жаңбырын сіркіреп
тұрғанын қызық-ау.
Би «Қолшатыр биі»
(Би аяқталғанда үнтаспадан желдің дыбысы естіліп жапырақтар ұшады)
Тәрбиеші: Тентек жел шашып кетіпті
Жапырақтарды сан алуан
Тезірек жинап алайық
Қане, қане кім жылдам?!
Ойын «Жапырақтар волейболы»
Біздің балалар өте талантты.Олар күз мерекесіне арнап көптеген тақпақтар жаттап келді.Қане оларды тамашалайық!
Тақпақтар:
Тәрбиеші: Сән әлемінен сырттап, құр қалмаңыздар,
«Күз - 2015» сәнді киімдер шеруін тамашалаңыздар!
Сәнді киімдер шеруі
Тәрбиеші: Біздің қыздар білімді,ақылды сонымен қатар өте талантты.Қазір соған көзіміз жетеді,Барлығымыз «Жапырақтар» биімен біздің қыздарды қарсы алайық!
«Жапырақтар биі»
Ойын «Мені киіндір»
Тәрбиеші: Вокалды топ бүгін бізде қонақта
Келіпті күзге ән арнамаққа!
Тәрбиеші:
Жарнама, тағы жарнама!
Жаңалықтан құр қалма!
Тілек айтқанға сыйлық бар
Күзге арнап ортада!
(Балабақша меңгерушісі - мен 1 ата - анаға сөз беріледі, сыйлықтар беріледі)
Тәрбиеші: Күз тойын осыменен тамамдайық
Тағы да жомарт күзге ән арнайық!
Ән «Жомарт күз»
Тәрбиеші: -Осымен біздің мерекелік ертеңгілігіміз сонына да келіп қалды.Қош сау болыңыздар!
