Оқу іс-әрекетінің тақырыбы: Үдыбысы мен әрпі
Мақсаты: Балаларға өткен тақырыптарды пысықтай отырып, Ү дыбысы мен әрпін таныстыру. Баспа түрін жазуға үйрету,аталған дыбысқа сөз ойлату арқылы сөздік қорларын байыту, ойындар арқылы балалардың таным, шығармашылық қабілеттерін дамыту,ұқыптылыққа тәрбиелеу.
Оқу іс-әрекетінің әдісі: Сұрақ-жауап,түсіндіру, ойын.
Көрнекіліктер: дидактикалық материалдар, кеспе әріптер, электронды оқулық.
Оқу іс-әрекетінің барысы:
I.Ұйымдастыру кезеңі:
Амандасу: Алдымыздан кезіккен,
Көп танысты көреміз.
Бәріне де ізетпен,
Біздер сәлем береміз.
-Сәлеметсіз бе, ағай! -деп,
-Сәлеметсіз бе, апай!- деп.
Ұл-қыз сәлем береміз
Өнегелі өренбіз.
Мұғалім:
-Балалар,бізге бүгін ерекше күн.Бар білімімізді ортаға салайық.
-Қазір қай сабақ?
-Дыбыс дегеніміз не?
-Дыбыстар неше топқа бөлінеді?
Ойын: Не қалай дыбыстайды?
-Әріп дегеніміз не?
(Балаларәріптер жайлы тақпақтар айтады)
Дидактикалық ойын: Алма жинау.
(Балалар алма артындағы әріптерді атап, себетке жинайды)
Карточкамен жұмыс: Буындар оқыту.
Ойын: Буындардан сөз құра. (Ба, Ра, На, Са, Ла, Ша, А)
II.Негізгі бөлім:
Жұмбақ жасыру:
1.Таңмен көзін ашады,
Әлемге нұрын шашады. (Күн)
Баласын ертіп соңынан
Сүңгіп жүзуді үйретті
Су жұқпайтын тонына
Кім білмейді?... (Үйректі)
Ү дыбысы мен әрпін таныстырып, баспа түрін жазып көрсету.
Әліппе дәптерімен жұмыс.
Үдыбысын жазу.
Сергіту сәті.
Электронды оқулықпен жұмыс
Ү дыбысы бар сөздермен танысу.
Суретпен жұмыс: Торкөздерден Ү әрпінің орнын тауып, қызыл түспен боя.
Логикалық тапсырмалар:
4 топқа логикалық тапсырмалар беру.
1-тапсырма.
Үй жануарларын сана.
2-тапсырма.
Атауларын дұрыс жазып шық.
3-тапсырма.
үстелде неше алма бар?
4-тапсырма.Үй құстарының балапандарын тап.
Шығармашылық жұмыс:
Жұлмалау әдісі арқылы топ бойынша жапсырма жұмысын орындау. (түлкі, үйрек,түйе,күн бейнелерін жапсыру )
Қорытынды: Ән: Әліппе.
