«Күлімде, Наурыз күлімде»
Наурыз мерекесіне арналған даярлық тобының ертеңгілік сценариі
Музыка әуенімен балалар залға кіріп орындарына отырады.
Жүргізуші:
«Наурыз» әні орындалады.
Музыка әуенімен әже кіреді.
Әже: Сәлеметсіңдер ме, балалар!
Жүргізуші: Сәлеметсіз бе, әже! Балалар қане әжемен амандасайық. Келіңіз әже төрлетіңіз, отырыңыз. Әже, байқаймын көңіл-күйіңіз болмай тұр ғой.
Әже: Наурыз мерекесіне дайындалып бауырсақ, тоқаш пысырып едім. Бір қарасам бауырсақтарым жоқ. Енді не істерімді білмей тұрғаным.
Жүргізуші: Әже, ендеше біз балалармен сізге көмектесейік. Алдымен балалар сіздің көңіл-күйіңізді көтеріп көңілді ән айтып берсін. Әжеге ән айтып берейік пе, балалар? (ия)
Балалар орындарынан тұрып жарты шеңбер жасап тұрады.
«Көктем келді» әні орындалады
Балалар орындарына отырады.
Әже: Балалар, көп рахмет! Көңіл-күйімде көтеріліп қалды.
Жүргізуші: Әже сіз уайымдамай ауылыңызға барыңыз. Біз балалармен бауырсақты тауып сізге апарып береміз.
Әже: Жарайды, балалар! Сендерді күтемін.
Музыка әуенімен әже шығып кетеді.
Жүргізуші: Балалар, әженің баурсағын қайдан іздесек болады?
Музыка әуенімен мыстан кемпір кіреді
Мыстан: Сендер мұнда барлығың жиналып алып қандай мерекені тойлап жатырсыңдар? Мені неге шақырмайсыңдар ааа?
Жүргізуші: Балалар, қараңдаршы бұл кім келген бізге? (Мыстан). Мыстан кемпір біз Наурыз мерекесін тойлауға дайындалып жатырмыз. Сен неге келдің? Әлде тағы бірдеңе бүлдіріп қойдың ба?
Мыстан: Осы сендер мені неге мерекелеріңе шақырмайсыңдар? Мені шақырмайды екенсіңдер менде сендерге кедергілер келтіретін боламын. Балалар осы сендер еш нәрсе жоғалтып алған жоқсыңдар ма?
Жүргізуші: Мыстан сен оны қайдан білдің? Балалар, әженің бауырсағын ұрлаған осы мыстан кемпір ғой деймін шамасы. Сендер қалай ойлайсыңдар? (ия)
Мыстан: Ха-ха-ха, соны және білдіңдер ме?
Жүргізуші: Мыстан, әжейдің бауырсақтарын қайтар.
Мыстан: Жоқ, қайтармаймын. Менің шарттарым бар соны орындауларың керек және мені өздеріңмен бірге әженің ауылына алып барыңдар.
Жүргізуші: Балалар, қалай қарайсыңдар? Келісейік пе? (ия). Жәрәйді мыстан біз келісеміз. Шарттарыңды айта бер.
Ойын «Қамшы тастау»
Би «Весенняя полянка»
Ойын «Теңге алу»
Жүргізуші: Ал, мыстан шарттарыңды орындадық. Енді бауырсақты қайтар, әжемізде күтіп қалды. Тезірек ауылға барайық.
Мыстан бауырсақты алып шығады.
Мыстан: Міне, бауырсақтарың. Ал енді әжемізге жолға шығайық. Жолда көңілді болу үшін «Қара жорға» биін билейік.
«Қара жорға» биі
Осы кезде шторлар ашылады. Төрде дастархан жайылып тұрады. Дастархан басында әже отырады.
Жүргізуші: Балалар, міне көңілді бидің арқасында ауылға да жетіппіз.
Әже: Ой, балалар келгендерің жақсы болды ғой. Менің бауырсақтарымды да тауып әкеліпсіңдер.
Жүргізуші: Иә, әже сіздің бауырсақыңызды мыстан кемпір алып кетіпті. Ол, өзінің қателігін түсініп бізге қайтарып берді. Балаларда бауырсақты қайтару үшін мына мыстанның шарттарын орындауға көмектесті.
Мыстан: Кешіріңізші, мені әже. Менікі дұрыс болмапты.
Әже: Әрине, мыстан кемпір, кешіреміз. Наурыз – ақ түйенің қарны жарылған күн. Бұл күні ренжіскен адамдар бәрі татуласу керек.
Жүргізуші: Ал енді, бәріміз татуластық. Мерекемізді жалғастырайық. Әжемізге дайындаған ән, биімізді тарту етейік. Наурыз тойын тойлайық.
Тақпақ
«Әжеме» әні
«Наша бабушка» әні
Би «Қарлығашым»
Ойын «Арқан тарту»
