20-гч тойгта бичкдүдин сад
Цаһан сарин байрин нәр-наадн
«Хаврин харһлтс»
[pic] [pic]
«Хаврин харһлтс» хаврин байрин нәр-наадн
Нааднд орлцсн күүкд-көвүд:
1. Зурмн-Мукеева Альмина (3-гч ах баг)
2. Нарн- Учаева Амуля (9-гч шк.б.баг)
3. Шаазһа- Яшкаева Радмила (9-гч шк.б.баг)
4. Богшурһа- Басангова Анжелика(9-гч шк.б.баг)
Нааддна автор: Саңһҗин Валентина, хальмг келнә багш.
Наадна көгҗмч: Харцхан Раиса,сурһмҗлач.
Сценка №1 Фон степь.
Богшурһа нисәд байрлна.
Богшурһа:Би яшлын толһан яс олҗ авв.
Шаазһа:Менд богшурһа. Ямаран бәәнәч?
Богшурһа: Сән,гем уга
Шаазһа:Чи ю нанас бултулад бәәнәч?
Богшурһа:Би яшлын толһан яс олҗ авв.
Шаазһа:Богшурһа,богшурһа,яахар бәәнәч?
Богшурһа:Яшлын толһан яс кемлнәв.
Шаазһа:Яшлын яснас хахад одхла яһнач?
Богшурһа:Хумсарн мааҗад ясиг һарһад оркхв.
Шаазһа:Хооласчнь цусн һархла яһнач?
Богшурһа:Булгин усар зәәләд зогсанав.
Шаазһа:Усна киитнд царцхла яһнач? Һаласчнь түүмр шатхла яһнач?
Богшурһа: Җиврәрн цокад унтранав.
Шаазһа:Җиврән шатахла яһнач?
Богшурһа:Эмчд одад эдгәнәв.
Шаазһа:Эмччнь гертән уга болхла яһнач?
Богшурһа:Эврән эдгхинь күләнәв.
Шаазһа: Сән,сән нанла хувалц. Би яшлын яс кемлнәв.
Богшурһа:Мә,кемл.Әвр әмтәхн.
Шаазһа:Байрлҗанав!
Сценка №2 Көгҗмин айс.
Нарн: Мендвт,богшурһа,шаазһа! Үвләс менд һарвта?
Богшурһа болн шаазһа:Сән,гем уга!
Шаазһа:
Цасн хәәләд, Цандгт хүврнә,
Ноһан шавшад,
Нүд байрулна.
Харада ирхлә,
Халун эклнә,
Хамг әмтн
Хәргәд ниргнә
Богшурһа: Чик. Ода нарн сәәнәр һазр халулх. Зурмн серсн болх. Оч хәләй.
Хумха девлән зурмн
Хавр болһн сольна.
Толвта гиигн нооснь
Тошҗ улм нигтрнә.
Намрар хотан белдәд
Нүкндән зурмн орна,
Түрүн хавр ирхлә,
Тиниҗ ичәнәсн һарна.
Богшурһа: Нарн,нарн та зурмниг үзвт?
Нарн:Би зурмниг үзәд угав. Оч салькнас сурхм.
Шаазһа болн богшурһа: Салькн,салькн мендвт! Та зурмниг үзвт?
Салькн: Би танд тәәлвтртә тууль келнәв тадн тәәлҗ үзтн. Тиигхлә келнәв.
Һал шил нүдтә, һанцаран йовдг баатр.(чон)
Алц-алц ишкдлтә,
Алг-булг захта(шаазһа)
Авдр деер һарад, адьяһан дуудҗ (зурмн)
Хол һазрт довтлна,
Эзән күргнә.
Эн юмб? (мөрн)
Салькн: Тер өндр толһа дор зурмниг би үзләв.
Богшурһа:Менд,зурмн! Үвләс сән һарвта?
Зурмн: Сән гем уга.Байрта бәәнәв. Нарн халулад,маниг байрулна.
Нарта хаврар һарнав,
Һазрин өвснд тарһлнав,
Намртан ичәнд орнав.
Шаазһа:Сән зурмн. Ода мана нәәҗнр күүкд-көвүд күләҗәнә. Цаһан сарин байр ирсиг зәңг орулый.
Богшурһа: Чик,чик шулун йовый!
Сцена №3 Бичкдүд орҗ ирнә.
Богшурһа: Мендвт күүкд- көвүд үвләс менд һарвта?
Шаазһа: Цаһан сар ирв! Зурмн серв!
Нарн: Би таниг ирсн Цаһан сарла йөрәҗәнәв.
Үвләс цуһар
Сән-сәәхн һарч,
То бүрн толһа менд һарч,
Шар нарн халулҗ,
Көк ноһан һарч,
Үвләс һарсндан байрлҗ,
Шин Цаһаһан тосҗ
Оньдин дөрвн цагт
Эрүл-менд бәәхиг
Олн-деедс өршәх болтха!
Бичкдүд: Сән,гем уга! Бидн зурмнд нерәдсн ду дуухм.
Дун «Зурмн»
Шаазһа: Би тадндла наадхар бәәнәв. Наадн « Шаһас цуглултн»
Зурмн: Нәәрән давулый! Кен ду дуулхар бәәнә.
Хойр күүкн. Бидн ду дуулхм. Дун «Бичкн арлын хулсн»
Салькн: Сән, бидн «Хамдан» ду дуулый!
Нарн,нарн,шулун һар,
Нааран бичкдүд дуудый!
Цаһан, шар,хар һаран
Цуһар батар атхий.
Хамдан нәәрән эклия,
Хамдан духан дуулыя,
Хамдан ахнр-дүүнр,
Хәәртә төрскән магтыя.
Салькн,салькн бүшкүр тат,
Селән болһнд күрий.
Менд, менд,орчлң кевтән,
Яһсн сәәхн аһар! Хавр ирв!
Мана үүрмүд, мендлий!
Хамдан нәәрән эклия,
Хамдан духан дуулыя,
Хамдан ахнр-дүүнр,
Хәәртә төрскән магтыя.
Зурмн: Би байрта бәәнәв. Ода Цаһан саран тосч байран давулхм.
Богшурһа,шаазһа,күүкд-көвүд шавшмуд келнә,биилцхәнә.
Шаваш:
1.Эцкин уйсн һосиг
Элн элтлинь тавшита,
Эврә күүнә хойрт
Эвтә сәәхн биилитә.(2 дәкч)
Хәдрис авад од!
Эвтә сәәхн биилитә!(2 дәкч)
2.Һәрд мет эрлзәд од,
Һал мет шатад од,
Хур мет хурлзад од!
Хур мет шәргәд од! (2 дәкч)
Хәдрис авад од!
Хур мет шәргәд од! (2 дәкч)
3. Өргн сар бүстә,
Өңгтә төгрг нүдтә,
Хату сур ташмгта
Хальмг көвүр энтн. (2 дәкч)
Хәдрис авад од!
Хальмг көвүр энтн. (2 дәкч)
4. Шавдад цоксн домбртнь
Шалһл уга биилитә,
Даңгин билгтә бичкдүд
Дун бииһәр марһита!(2 дәкч)
Хәдрис авад од!
Дун бииһәр марһита!(2 дәкч)
Зурмн: Нә,орсн боран гиидг,ирсн гиичнр хәрдг!
Ода Цаһана боорцг танд белглнәв.
[pic]
[pic]
[pic]
6
