Біз жеңістің ұрпақтарымыз
Сабақтың мақсаты: 9 Мамыр жеңіс күні туралы мағлұмат беру. Батыр ағалар мен апалардың есімдерін атай білуге үйрету
Сабақ түрі: жаңа сабақ
Көрнекілігі: батырлардың суреттері
Барысы:
Мотивациялық қозғаушы
Шаттық шеңбері
Қуан шаттан, алақай,
Қуанатын күн бүгін.
Қайырлы таң! Қайырлы күн!
Күліп шықты күн бүгін!
Ұйымдастыру-іздестіру
Балалар қазір бізде көктем мезгілі, сәуір айы. Сәуір айынан кейін мамыр айы келеді. Мамыр айының алғашқы күні, яғни 1 мамыр «Ынтымақ, достық, бірлік мерекесі». 9 мамыр «Жеңіс күні». Балалар 1941-1945 жылдар аралығында Ұлы Отан соғысы болды. Ержүрек батырларымыз елін, жерін қорғауға соғысқа аттанды. Отаны үшін батырларымыз жараланды, жандарын пида етті. Қазақ батырларымен таныстыру, қысқаша ақпарат беру, суреттерін көрсету
Көрініс: «21 июнь 1941 жыл»
21 маусым күні Оқушылардың мектеп бітіру кешінен қайтып келе жатқан сәті. Кенет радиодан:»тыңдаңыздар, тыңдаңыздар! Сөйлеп тұрған Москва!1941 жылы 22 маусым фашистік Германия тұтқиылдан соғыс жариялап, елімізге басып кірді.»
1 әйел: «Соғыс, соғыс дейді, естідіңдер ме? Сұмдық-ай енді қайттық? Күніміз не болар екен?»
2 әйел: «Қойыңдар жамандық шақырмай. Ел шетіне жау тисе, арқа сүйер азаматтар бар емес пе?»
1 азамат:
Ат басына күн туса,
Ауыздықпен су ішер
Ер басына күн туса, етігімен су кешер – деген бар емес пе, жыламаңдар, жастарыңды тиыңдар?
Бәрі: Отан үшін аттанайық!
2 азамат:
Уа, халқым!
Күн туды сенің басыңа,
Жау кірді сенің жеріңе,
Сұм фашистен қорғауға,
Аттан, халқым майданға!
3 азамат:
Ашу менен кек оятты ел намысын,
Отан үшін жан пида болды үлкен сын.
Ер азамат жауменен арпалысса,
Әйелдер терін төкті майдан үшін
Көрініс: «Майданда жараланғандарға көмек көрсету»
4 азамат:
«Алар жау сыбағасын оңбай бізден»,
Шығамыз
Соңғы күшпен,
Соңғы айбынмен.
5 азамат:
Қорғаймыз байтақ елді,
Өйткені оны
Әр ұрпақ өз тұсында қорғай білген.
6 азамат
Үдетіп соғыс оты қайғы мұңды,
Төрт жыл өтті, соғыс әлі бітпей қойды.
7 азамат:
Кемпір шал, әйел бала ауылдағы,
Сеніммен күтуші еді Жеңіс тойды.
Көрініс: «Жеңіс»
Радио: «Тыңдаңыздар, тыңдаңыздар!Сөйлеп тұрған Москва!1945 жылы 8 мамырды Германияның жоғарғы командованиесі жеңілгендігін мойындап Актіге қол қойды. 9 мамыр Жеңіс күні!
Халық қуанысып, бір-бірінен сүйінші сұрасып жатады.
8 азамат
«Сүйінші! Халқым, жұртым, сүйінші! Неміс фашистері кеше тізе бүгіп, жеңіліпті! О, жасаған, шынымен қарғыс атқыр соғыстың аяқталғаны ма?»
9азамат
Күткен Жеңіс жарқ етті сәуле шашып,
Жеңіс келді, қуандық көңіл тойып,
Жауды жойып батырлар елге оралды,
Ата-анамен қауышты құшақ жайып.
Көрініс: «Жеңіске 65 жыл»
Оқушылар қарт майдангерді қарсы алады, гүл шоқтарын мәңгілік алауға қояды. Жастарға батасын береді.
Рефлексиялық коррекциялаушы
Ән: «Әрқашан күн сөнбесін»
Оқушылардың барлығы ортағы шығып хормен әнді орындайды.
