Оджаларнынъ юксельтюв курслары
Шимдики земаневий заманда бильгисиз яшамакъ мумкюн дегиль. «Илим, бильги –акъыл чокърагъы» деген аталар сёзлери бугунь де актуальдир. Бизим яшайышымыз эр вакъыт денъише, инкишаф эте, огге кете.Шунынъ ичюн инсан озь бильгисини, усталыгъыны, истидатыны юксельтмек, инкишаф этмеге тырыша. Шу джумледен оджалар да озьишлерине иджадий янашып, талебелерге рухий ве идрак этюв къабилиетлерини инкишаф эттиртмелилер. Земаневий оджа талебеге азыр бильги бермей, оны иджадий чалышмагъа, фикир этмеге, догъру ве керекли малюматны сечип алмагъа, бильги ве усталыкъны мустакъиль менимсемеге ёл косьтере, ярдымэте.
Вакъты-вакътынен оджалар озь бильгилерини арттырмакъ ичюн Къырым джумхуриет дипломдан сонъ педагогик тасиль институтында махсус курслардан кечелер. Сентябрь айында къырымтатар тили ве эдебияты оджалары ичюн бойле курс тешкиль этильди. 02 сентябрьден 20 сентябрьгедже девам эткен ихтисасны юксельтюв курсында Къырымнынъ чешит регионларындан кельген 25 къырымтатар тили ве эдебияты оджасы озюнинъ бильгилерини зенгинлештирмеге муваффакъ олды. Курс девамында динъленильген лекциялар, кечирильген мешгъулие т ве медений тедбирлер, педагогик амелия т ве кезинтилер биз оджалар ичюн меракълы ве файдалы олды. Педагогика илимлери докторы М.А. Хайрудинов лекциялары, Г.Б.Алиеванынъ компьютор технологиясы боюнджа кечирген мешгъулиетлеринден эпимиз мемнюн къалдыкъ. Мелек оджа Алидинованынъ дерс ве мешгъулиетлерини айрыджа къайд этмек лязим. Меле к оджа бизге укъукъий весикъалар ве къырымтатар тилинден 5-9 сыныфлар ичюн янъы девлет стандарты боюнджа тизильген программалар акъкъында керекли малюмат ве тевсиелер берди. О, сыныфтан тыш олгъан ишлернинъ моделлери а къкъында файдалы малюматлар берди, къырымтатар тили ве эдебияттан оладжакъ олимпиадаларгъа азырланув акъкъында озь фикирлеринен пайлашты.
Курс реберимиз Надие оджа Аширова озь ишини пек меракълы ве мундериджели тешкиль эте бильген. Франко адына китапханенен, къырымтатар санат музейинде бизим миллий урбалар сергисинен ве рессам Н.Жабанынъ «Къырымтатарларнынъ аяты» ресимлеринен таныш олдыкъ ве пек мемнюн къалдыкъ. Кадимий Кезлев шеэрине сеяатта булундыкъ. 18-миллий миллий мектепте семинарда олдыкъ, ДервишлерТекиесинде, Одун базар къапусында, Джума Джамиде зияретте булундыкъ, Ашыкъ Умернинъ эйкели, ялы бою эпимизде буюк эйи теэссуратлар къалдырды.
Бундан да гъайрыы курс динълейиджелери конференцияда чыкъышлар япып, озь теджрибелеринен пайлаштылар, къырымтатар тили веэдебияты, педагогика, психология, ичтимаий-гуманитар моделлер боюнджа кириш ве чыкъыш диагностик тестлерини теслим эттилер. Оджалар ичюн файдалы ве меракълы олгъан бу курснынъ мувафакъиетли кечмесини темин эткен Мелек оджа Алидинова ве Надие оджа Ашировагъа буюктешеккюлер бильдиремиз, эм де Къырым джумхуриет дипломдан сонъ педагогик тасиль институты озь амелиятини девам эттирмесине тилекчимиз.
Усеинова Назифе, къырымтатар тили оджасы, Сакъ р-ны, Ромашкино умумтасиль мектеби.
