План-конспект по крымскотатарскому языку на тему: «Ургъу.Диалог» (2 класс)

2 сыныф

Язув

Мевзу: «Ургъу.Диалог»

Макъсат:

- ургъу акъкъында малюмат бермек;

• диалог тизмеге огретмек;

• ана тилимизге севги ве урьмет ашлав.

• Дерснинъ теминаты: китаплар, джедвеллер, карточкалар.

• Дерснинъ кетишаты:

• 1. Тешкелий момент.

• Оджа: Селям алейкум, меним талебелерим! Кейфлеринъиз яхшымы? Олмаса дерсни, мен беллесем, башламакъ мумкюн. Ким бизде бугунь невбетчи? (невбетчинен къонушув)

• Суаллер:

• Бизде насыл йыл мевсими?

• Авасы сыджакъ я да сувукъ?

• - Ноябрьнинъ къачынджысы бугунь? Бир айдан сонъ бизге не келеджек?

• Дерсте ким ёкъ? Эпинъиз барсызмы бугунь? Пек яхшы, балалар! Хаста олманъыз, авалар энди сувуды, онынъ ичюн сыджакъ урбалар киймеге керек энди.

• Бугуньки дерске насыл эв вазифесини берген эдим? Келинъиз тешкерейик.

• 2. Эв вазифесини тешкерюв.

• 3. Янъы мевзуны анълатув. Оджа: Энди исе дефтеринъизни ачынъыз ве язынъыз. Тахтада янъы мевзуны коресинъиз. Биринджи къысмы - «ургъу», экинджиси исе «диалог».

• Демек, раатланмагъа вакъытымыз ёкъ, мевзуларымызны яхшы этип менимсемек керекмиз.

• Бир талебе сесли къаидени окъуй, къалгъанлары динълей. Оджа гъайырдан анълата.

• 4. Вазифе. Карточкаларда сёзлер берильген ве ургъулары янъылыш къоюлгъан. Талебелер бирер тахтагъа чыкъып хатаны догъурлай. Ургъуны догъру къоймакъ керек.

• 5. Раатлыкъ дакъкъасы. Талебелер арекет иле косьтерелер:

• «Терек осьти, Ягъмур битти, Ель терекни саллады, Кунеш исе къыздырды, Терек оксек-оксек осип чыкъты»

• 6. Диалог тизюв. Оджа: Бизге бугунь даа бир мевзуны огренмеге керек. Диалог, недир о? Ким анълай? Догъру, бу эки ве экиден зияде адамнынъ субети. Эки талебе тахтагъа чыкъып «тюкянчыкъта» субетни кечирелер. Бизге сатыджы ве алыджы керек.

• Селям алейкум!

• Алейкум селям!

• Манъа отьмек керек эди.

• Сизге къара союндан я да беяз?

• Манъа беяз, мумкюн олса. Къач кумюш?

• Он беш рубле.

• Мына, алынъыз. Сагъ олунъыз!

• Аш олсун, даа да келинъиз.

Оджа: Машалла, талебелериме! Мен беллесем, сиз эпинъиз анъладынъыз.

Пекитюв.

Дерсимиз сонъунъа да келе ята. Нетиджелер япмакъ вакъыт кельди. Бугунь насыл мевзу эди?

Эв вазифесини куньделиклерге язынъыз. Япмагъа унутманъыз.