Сабақтың тақырыбы: 7 санның құрамы.
Сабақтың мақсаты: 1.7 санының құрамы меңгерту, өрнек құру арқылы оның мәнін табуға, теңдік және теңсіздік таңбаларын дұрыс қоя білуге үйрету.
2.Ойлау, есте сақтау қабілеттерін математикалық тілін дамыту, бағыт-бағдар бере отырып өздігінен жұмыс істеуге, топтық жұмысты шапшаңдықпен орындауға дағдыландыру.
3.Ептілікке, ынтымақшылдыққа, алғырлыққа, тапқырлыққа, жылдамдыққа тәрбиелеу.
Сабақтың әдісі: топтық, жеке
Сабақтың көрнекілігі: сандар, сызба, жұмбақ, шығармашылық жұмыс.
Сабақтың барысы: І.Ұйымдастыру.
Айтқан тілді аламыз,
Сабаққа зер саламыз.
Озат, алғыр баламыз,
Кілең бестік аламыз.
Математика сабағына қатысты құралдарымызды шығарып, оқушы ережесіне сай отырайықшы.
ІІ.Өткен сабақты бекіту «Жапырақтар сыры»
-Жылдың қай мезгілі? Күз мезгілінің нешінші айы? Жапырақтардың түсі қандай болады?
-Мына себетке жапырақтарды жинап алайық.
-Жапырақтарды санайықшы (7)
-Жапырақтарда сұрақтар бар екен.
1.Сандар нешеге бөлінеді, қандай?
2.Кесінді дегеніміз не?
3.Сәуле дегеніміз не?
4.Қандай санмен таныстық, 7 саны қандай сан?
5. 7санына байланысты мақал-мәтел, ертегі, жеті қазынаны атау.
6. 7-ге дейін тура санау, кері санау.
7. 7 санынан кем сандарды ата.
ІІІ. «Сырлы сандықтар саны» Жаңа сабақты түсіндіру.
Әр топқа сандықшалар беріледі. Ішінде 7 түрлі заттар болады. Соларды екіге бөлу арқылы 7 санының құрамын шығарамыз.
1 сандықта 6+1
2 сандықта 3+4
3 сандықта 5+2
4 сандықта 0+7
Өрнектердің мәні 7-ге тең. Олай болса, бұл өрнектер 7 санының құрамы болады.
Бүгінгі сабағымыздың тақырыбы «7 санының құрамы»
І. «Білім сыры»
7 санының құрамына байланысты білімімізді толықтыра түсейік.
А) Әр топқа тапсырмалар беріледі.
І топ. Өрнектерді қоршап сызу.
ІІ топ.Теңдіктерді қоршап сызу.
ІІІ топ. Теңдікті қоршау.
І топ. 7-саны бар теңдікті қоршау.
Ә) «Сәйкестендіру» әдісі.
3+4 4 1+5 3
7-3 7 7-5 6
7-4 6 6-3 2
7-1 3 7-3 1
5+2 2 2-1 5
6-4 7 3+2 4
Б) Жұмбақ арқылы өрнек құрастыру
Табақта бес алма
Қолымда 2 алма
Қосқанда барлығы
Болады неше алма ( 5+2)
Шомылып жүр екеуі
Жағалауда бесеуі
Балалардың барлығын
Санап берші сен тауып (5+2)
Жеті асықтың үшеуін
Досың сұрап алады
Айтшы сонда нешеуі
Өз қолыңда қалады (7-3)
Көлден ұшты 7 қаз
Қайтып қонды екі қаз
Қонбады оның нешеуі
Қане кім тез шешеді? (7-2)
Сергіту сәті
1,2,3-қарлығаш боп ұш
4,5,6-қарлығаш боп қалқы
7,8,9,10-қайта орныңа қон.
Жазу сыры: Математикалық диктант
А) 7-2= 5 (Жеті азайту екі мәнін табу)
3+4= 7 (үш қосу төрт мәнін табу)
6<7 (алты кем жетіден)
7>5 (жеті артық алтыдан)
Б) «Тиісті сандарды қой»
1+ = 4 3+ = 5 -1= 5
5- = 3 4- = 2 +5 =7
«Пішіндер сыры» Қорытындылау
Бағалау
