ЭРЗЯНЬ КЕЛЕНЬ УРОК 7 – ЦЕ КЛАССО.
Темась: Союзось кода лездыця кортамо пелькс. Валрисьмесэ союзтнэнь лезэст.
Бажамотне:
- теемс содавиксэкс лездыця кортамо пельксэнть союзонть марто;
- маштомс явомо союзтнэнь лия кортамо пелькстнэнь ютксто ды нолдамо сынст кортамос ды сёрмадомас;
- сюпалгавтомс содамочинть модамасторонь ине скульптордонть С. Д. Эрьзядо.
Уроконь молемась:
I. Организационной моментэсь.
- Шумбратадо, вечкевикс ялгат! Варштадо сельмеде сельмс ды казеде вейкенк - вейкенк туртов лембе мизолкс. Кадык те мизолксось эрьвантень тенк пачти ёрокчи, кенярксов талномат течинь уроктнесэ важодемасонть…
II. Тонавтнезенть ледстямось.
- Минь тынк марто поладсынек лездыця кортамо пелькстнэнь тонавтнеманть. Ды ушодсынек уроконть тонавтнезенть ледстямосо. Тень тейсынек эсь прянь тестирования вельде. Ловнотано тестень кевкстематнень. Виде каршо валтнэстэ тейтяно ёвтнема «Валмельгакст» теманть коряс.
Тест
1.Кодамо келень раздел минь тонавтнетяно?
А) синтаксис Б) фонетика В) морфология
2. Кодамо кортамо пелькс марто минь теевинек содавиксэкс меельце уроктнесэ?
А) существительной Б) валмельгакс В) наречия
3. Кодамо кортамо пельксэкс ловови валмельгаксось?
А) лездыця Б) прявт
4. Кодат а эрсить валмельгакстнэ смустень коряс?
А) таркань невтицят Б) шкань невтицят В) арсемань, кортамонь, предметэнь невтицят Г) комитативной (вейсэньчинь невтицят)
Д) тувталонь невтицят Е) сравнительнойть Ж)кедьёнксонь невтицят З) целень невтицят И) онксонь ды степенень, тевдеемань ёнксонь невтицят К) явовтомань невтиця
Л) азорксчинь невтицят М) полавтомань невтиця
III. Уроконь темантень ды бажамотненень вейсэнь самось.
- А ней истямо тев. Икеленк максозь валрисьметнестэ ёвтасынек прявт кортамо пелькстнэнь – васня весе существительнойтнень, мейле прилагательнойтнень, седе тов глаголтнэнь, местоимениятнень, числительнойтнень.
- С. Д. Эрьзянь (Нефёдовонь Митреень Стёпуконь) шкинемань кувака ды сюпав кинзэ тонавтнить аволь ансяк минек масторсо, но и границянь томбалеяк. Сонзэ совавтызь Модамасторонь вете весемеде (мест.) содавикс (причастия) ды ёроков скульптортнэнь юткс (Гректне Пракситель ды Фидий, итальянецэсь Микеланджело, французось Роден ды эрзясь Степан Нефедов).
Тиринь раськень лементь теизе эсензэ омбоце лемекс, ансяк сермадсь эйсэнзэ чевте тешкс марто – Эрьзя.
Аргентинадо башка С. Эрьзя эрясь и Италиясо, и Франциясо, и Америкасо. Минь содатано, што сон зярдояк эзь стувтне эсь масторонзо.
- Ёвтынк тонавтнезь лездыця кортамо пелькстнэнь? (валмельгакстнэ – юткс, марто, башка,).
- Саинк кирькс потс кадовозь валтнэнь. (ды; аволь ансяк, но и; ансяк; и, и, и; што)
- Кодамо кортамо пельксэкс аштить неть валтнэ? (союзокс)
- Ёвтасынек течинь уроконь теманть.
- Союзось кода лездыця кортамо пелькс. Валрисьмесэ союзтнэнь лезэст.
- Уроконь темась терди истямо бажамос:
Бажамотне:
- теемс содавиксэкс лездыця кортамо пельксэнть союзонть марто;
- маштомс явомо союзтнэнь лия кортамо пелькстнэнь ютксто ды нолдамо сынст кортамос ды сёрмадомас;
- сюпалгавтомс содамочинть модамасторонь ине скульптордонть С. Д. Эрьзядо.
IV. Cоюзонть определениянть пурнамось.
- Ушодтано топавтомо бажамонь васенце пунктонть. Мезе те союзось? Васняяк эряви тешкстамс, што «союз» валось сась тенек греческой кельстэ ды рузонь кельс ютавтозь невти связь, скрепление, сцепление. А кода карми минек эрзянь кельсэ? (сюлмавома).
- Ней вейсэ пурнасынек союзонть определениянзо. Васенце, мезе минь нейке тешкстасынек, те се, што союзось те лездыця кортамо пелькс. Велявтано текстэнь омбоце валрисьментень. Кодамо смусть канды ды союзось?
( сюлми простой валрисьмень однородной члент). А меельце валрисьмесэнть? ( сюлми сложной валрисьмень пелькст). Ёвтасынек весе определениянть. Союзось - лездыця кортамо пелькс, конань вельде сюлмавить простой валрисьмень однородной члент ды сложной валрисьмень пелькст.
V. Cоюзтнэнь валрисьмесэ пряст ветямось.
- Ёвтасынек, кода ветить эсь пряст союзтнэ валрисьметнесэ?
- Кода вантано, валрисьмесэ союзтнэ ветить эсь пряст аволь вейкетьстэ.
Улить союзт вейке таркань, конатне свал аштить сюлмавиця омбоце пельксэнть икеле.
Улить союзт кавто таркань, конатнень вельде сюлмавить кавто пельксэнь конструкцият, тень пингстэ союзонть вейке пельксэзэ сови конструкциянь васенце пельксэнтень, омбоцесь – омбоце пельксэнтень.
Улить а весть вастневиця союзт, конат аштить вейкеть пельксстэ. Сынь путовить эрьва сюлмавиця пельксэнть икелев.
VI. Учебник марто важодема. Ловносынек 43 параграфонть ды вейсэндясынек весе материалонть союзонть эйстэ.
- Минь карминек содамо, мезе те союзось. Поладсынек важодеманок бажамонь омбоце пунктонть топавтоманзо коряс.
VII. Cоюзтнэнь лия кортамо пелькстнэнь ютксто явомась ды сынст кортамос ды сёрмадомас нолдамось.
- тонавтнетяно явомо союзтнэнь лия кортамо пелькстнэнь ютксто ды нолдамо сынст кортамос ды сёрмадомас;
Тынк икеле текст. Тетрадьс карматано сёрмадомо васня вейке таркань, мейле – кавто таркань ды меельцекс – а весть вастневиця союзтнэнь.
Кода чарькодиде, минь поладсынек кортамонок Степан Эрьзядо.
Те иень сундерьковонь 8-це чистэ эрзянь ине церантень, весе масторлангонть келес содавикс скульпторонтень Степан Дмитриевич Нефедовнень – Эрьзянень топодить 140 иеть чачома чистэнзэ саезь.
ОЙМСЕМАНЬ минута.
Тердян эйсэнк ютамо музейга…
Музей изобразительных искусств имени С.Д. Эрьзи, г. Саранск;
Дом-музей Степана Эрьзи в селе Баево Ардатовского района Республики Мордовия.
Поладсынек важодеманок.
Покштояк покш ерокчи макссь тиринь модась С. Д. Нефедов-Эрьзянень. Од порасто сон кармась важодеме пазавань артыцякс.
1902-це иестэ поладызе тонавтнеманзо живописень, ваяниянь ды зодчествань Московонь училищасо.
1906-це иестэ Эрьзя тусь Италияв, тосто – Францияв. Тосо сон тейсь ламо важодевкст: «Сеятель», «Поп», «Тоска», «Расстрел» ды лият.
1914-це иень войнадонть мейле Эрьзя велявтсь тиринь масторов. И Екатеринбургсо савсь важодемс, и лембе ёнксонь оштнесэ – Бакусо ды Новороссийскойсэ…
1927-це иестэ выставканзо марто художникенть кучизь границянь томбалев. Истя Эрьзя понгсь Аргентинав. Тосто скульпторось мусь пек мазый ды кеме чувтот: квебрахо ды альгароббо. Сынст эйстэ тейсь истят скульптурат: «Отчаяние», «Каприз», «Думы», «Ужас», «Спокойствие», «Тоска».
Тиринь енксось свал ульнесь мельсэнзэ, седейсэнзэ, тевсэнзэ. Улема, секскак тейсь эсь раськень зярыя образт: «Эрзянка», «Крестьянин-мордвин», «Портрет мордовки»…
Комсь иеде ламо С. Д. Эрьзя эрясь Аргентинасо, ансяк весе те шкань перть сон бажась велявтомо чачома масторов. 1950-це иестэ, окойники, сон пачкодсь кудов. Эрьзя ускинзе мартонзо сехте вадря важодевксэнзэ ды казинзе эсь народонтень. Художникесь кармась эрямо Московсо.
1954-це иестэ панжозель С. Д. Эрьзянь произведениянь башка выставказо. Ине скульпторось те шкас эри произведениятнесэ, конатне ванстовить Саранскоень музейсэ, ламотне Санкт-Петербургсо, Бакусо ды лия таркасо. Саранскоень музеесь панжозель 1976-це иестэ, зярдо скульпторонть чачома чистэнзэ саезь топодсть 100 иеть. Сонзэ икеле ине мастерэнтень стявтозь памятник. Тесэ пурназь скульпторонть ламо важодеманзо.
Выводось: валонь теевемань коряс союзтнэ эрсить простойть ды сложнойть.
VIII. РЕФЛЕКСИЯ.
Кодамо кортамо пелькстэ кортынек? Мезе те союзось? Кода вети прянзо валрисьмесэ? Кодат эрсить союзтнэ валонь теевемань коряс?
IX. Кудов важодема.
X. Оценкат.
- А ней монь покш мелем, штобу тынь тынсь путовлиде эстенк оценкат уроксо важодеманть кис. Бути информациясь, конань саинк урокстонть лезэв ды урокось тусь мелезэнк, путодо тетрадезэнк полянтень сергедема тешкс эли +, а бути урокось эзь максо тенк меньгак лезэ, путодо 0 эли - .
ВАСТОМАЗОНОК!
ПРИЛОЖЕНИЯ.
Тест
1.Кодамо келень раздел минь тонавтнетяно?
А) синтаксис Б) фонетика В) морфология
2. Кодамо кортамо пелькс марто минь теевинек содавиксэкс меельце уроктнесэ?
А) существительной Б) валмельгакс В) наречия
3. Кодамо кортамо пельксэкс ловови валмельгаксось?
А) лездыця Б) прявт
4. Кодат эрсить валмельгакстнэ смустень коряс?
А) таркань невтицят Б) шкань невтицят В) арсемань, кортамонь, предметэнь невтиця Г) комитативной (вейсэньчинь невтицят)
Д) тувталонь невтицят Е) сравнительнойть Ж)кедьёнксонь невтицят З) целень невтицят И) онксонь ды степенень, тевдеемань ёнксонь невтицят К) явовтомань невтиця
Л) азорксчинь невтицят М) полавтомань невтиця
ТЕКСТ.
- С. Д. Эрьзянь шкинемань кувака ды сюпав кинзэ тонавтнить аволь ансяк минек масторсо, но и границянь томбалеяк. Сонзэ совавтызь Модамасторонь вете весемеде содавикс ды ёроков скульптортнэнь юткс. Тиринь раськень лементь теизе эсензэ омбоце лемекс, ансяк сермадсь эйсэнзэ чевте тешкс марто – Эрьзя.
Аргентинадо башка С. Эрьзя эрясь и Италиясо, и Франциясо, и Америкасо. Минь содатано, што сон зярдояк эзь стувтне эсь масторонзо.
ТЕКСТ.
Покштояк покш ерокчи макссь тиринь модась С. Д. Нефедов-Эрьзянень. Од порасто сон кармась важодеме пазавань артыцякс.
1902-це иестэ поладызе тонавтнеманзо живописень, ваяниянь ды зодчествань Московонь училищасо.
1906-це иестэ Эрьзя тусь Италияв, тосто – Францияв. Тосо сон тейсь ламо важодевкст: «Сеятель», «Поп», «Тоска», «Расстрел» ды лият.
1914-це иень войнадонть мейле Эрьзя велявтсь тиринь масторов. И Екатеринбургсо савсь важодемс, и лембе ёнксонь оштнесэ – Бакусо ды Новороссийскойсэ…
1927-це иестэ выставканзо марто художникенть кучизь границянь томбалев. Истя Эрьзя понгсь Аргентинав. Тосто скульпторось мусь пек мазый ды кеме чувтот: квебрахо ды альгароббо. Сынст эйстэ тейсь истят скульптурат: «Отчаяние», «Каприз», «Думы», «Ужас», «Спокойствие», «Тоска».
Тиринь енксось свал ульнесь мельсэнзэ, седейсэнзэ, тевсэнзэ. Улема, секскак тейсь эсь раськень зярыя образт: «Эрзянка», «Крестьянин-мордвин», «Портрет мордовки»…
Комсь иеде ламо С. Д. Эрьзя эрясь Аргентинасо, ансяк весе те шкань перть сон бажась велявтомо чачома масторов. 1950-це иестэ, окойники, сон пачкодсь кудов. Эрьзя ускинзе мартонзо сехте вадря важодевксэнзэ ды казинзе эсь народонтень. Художникесь кармась эрямо Московсо.
1954-це иестэ панжозель С. Д. Эрьзянь произведениянь башка выставказо. Ине скульпторось те шкас эри произведениятнесэ, конатне ванстовить Саранскоень музейсэ, ламотне Санкт-Петербургсо, Бакусо ды лия таркасо. Саранскоень музеесь панжозель 1976-це иестэ, зярдо скульпторонть чачома чистэнзэ саезь топодсть 100 иеть. Сонзэ икеле ине мастерэнтень стявтозь памятник. Тесэ пурназь скульпторонть ламо важодеманзо.
СПРАВКА.
им. С. Д. Эрьзи
Музей открылся 10 января 1960 года в бывшем здании пожарного депо и назывался «Мордовская республиканская картинная галерея им. Ф.В. Сычкова».В 1976 году, к 100-летию со Дня рождения С.Д. Эрьзи, было построено новое здание, с 1995 года музей носит имя Степана Эрьзи.
Музей имеет два филиала: Дом-музей С.Д.Эрьзи в селе Баево Ардатовского района и Дом-музей Ф.В.Сычкова в селе Кочелаево Ковылкинского района.
Библиянь коряс, кемголмовоце пингестэ Моисей ливтизе евреень буенть урексчистэ ды саизе Палестинав. Куломазонзо тонавтсь эйсэст урень обуцядост менеме, кеме оймень кастомо. Мусульмантнэ ды христиантнэ ловсть Моисеень икеле шкань содыцякс, пазонь мелень-валонь кандыцякс.
Кодамокс невтизе С. Эрьзя Моисеень? Мекс миненек маряви, прок скульпторось сонзэ муизе – неизе вирьстэ?
Скульптурась теезь альгароббонь ламо пельксстэ. Сакалтнэ Моисеень теить ирныця левекс, мезесь библиянь коряс невти каштанчи. Сынь буто ламо гуйть, конат куродызь левенть. Гуйтне мифологиясо лецицят, шумбралгавтыцят. Моисеень чачозо сокицянь-видицянь. Сонзэ вановтсо пежетень марямо, покш арсема ды мелявкс.
