Сабақтың тақырыбы: Қорытынды сабақ.
Сабақтың мақсаты:
Өтілген материалдарға жаттығу, пысықтау арқылы теориялық алған білімдерін бекіту;
Оқушыларды оқулықтағы жаттығулар көтерген тәрбиелер арқылы жұмыстар жүргізу, тәрбиелеу.
Сабақтың түрі: кіріккен сабақ.
Сабақтың әдістер мен тәсілдері: ойын, топтық жұмыс, сұрақ / жауап, деңгейлік
тапсырмалар, суреттер, қосымша материалдар, көрнекілік.
Сабақтың көрнекілігі: оқулық, жеке парақтар.
Сабақтың барысы:
Ұйымдастыру кезеңі.
Мұғалімнің кіріспе сөзі:
Оқушылар! Міне, сендер оныншы сыныптың «Қазақ әдебиеті» бағдарламасын толық орындап шықтыңдар. Аталған пән сендердің қазақ әдебиеті туралы білімдеріңді толықтырып, лиро/эпостық жырлар, шешендік сөз туралы түсінік берді. XIX – XX ғасыр әдебиеті өкілдерінің шығкармашылығымен жақынырақ танысуға мүмкіндік туғызды. Әдебиет әлемімен танысу сендердің көркем әдебиетке деген қызығушылықтарының оянуына себеп болып, сауатты оқырман қатарына қосылуға ықпал етті деп ойлаймыз. Жыл бойы алған білімдеріңді жүйелеп, қорытынды сабақ тапсырмаларын орындауға шақырамыз!
Өтілген материалдар сұрақ / жауап әдістері арқылы қайталанып, оқушылардың түсінбей қалған жерлерін қайталап түсіндіріп, жаттығу жұмыстарымен бекіту.
Тест сұрақтар:
XIX ғасырдың бірінші жартысында қазақ елінің жағдайы қандай еді?
Жәңгір хан Махамбетті неге сарайына жақын ұстауға тырысты?
Дулат Бабатайұлы қандай ақын болған деуге болады?
Дулат шығармаларында отаршылдық зардаптары қандай көрініс тапты?
Сүйінбай Аронұлының елдік, ерлік туралы шығармаларындағы негізгі идея не туралы?
«Бала Жамбылға бата» өлеңі дүниеге қалай келді?
1861 жылы Ресейде қандай заң шықты? Осы заңның қазақ еліне әсері қандай болды?
Шортанбай Қанайұлы жаңа заманды қалай қабылдады? Базар, сауда, ақша жөніндегі ақынның ой / пікірі қандай?
Майлықожа Сұлтанқожаұлы жақсы мен жаманды қалай жырлайды?
Әсеттің Пушкиннің «Татьянаның хатын» аударуға талпынуы оның қандай қабілетін аңғартады?
Қоянды сапарында Әсет Найманбайұлы кіммен айтысады?
Балуан Шолақтың шын аты кім?
Ыбырай Сандыбайұлының «Гәкку» әні қалай дүниеге келді?
Ақан сері Қорамсаұлы қандай сал / серілермен кездескен?
«Ақ сиса» әнінің шығу тарихын айтып беріңдер.
Біржан мен Сара айтысында қандай әлеуметтік мәселе көтерілген?
Мәшһүр Жүсіп кітаптарының аттарын атаңдар.
Жамбыл ақындық айтыс өнеріне қандай жаңалық әкеледі?
«Медғат / Қасым» поэмасын неге романтикалық шығарма дейміз?
Шәкәрім жастарға қандай азаматтық істер, жауапты міндеттер жүктейді?
Сабақты қорытындылау:
Үй тапсырмаларын беру.
