МБОУ « Палаевская ООШ» Рузаевского муниципального района
[pic]
«Ф.В. Сычковонь « Панда пряса курькснема» картинанц коряс сочинениянь сермадомась»
Аноклазе:
мокшень кялень тонафтысь
Родионова Т.А.
Темась: Ф.В. Сычковонь « Панда пряста курькснема» картинанц коряс
сочинения.
Цельсь: Знакомондамс шабатнень Сычковонь творчестванц мархта.
- тонадомс картина коряс сочинениянь сермадома
- кемокстамс содамашитнень лексикать коряс
- лездомс тонафнихненди сяда кемоста шарьхкодемс, содамс, кельгомс мокшень
кяльть.
Оборудованиясь: компьютер, видеопроектор, карточкат задания мархта.
Урокть молемац.
Оргмомент.
Шумбратада! Шабат, озада!
Од темать коряс беседа.
/Слайд – Сычковонь портретоц/
Тячи урокса мон тинь знакомондатедезь Ф.В. Сычковонь творчестванц мархта. Ванцаськ сонь картинанзон, кулхцондсаськ эряма и творчествань кинц. « Панда пряста курькснема» картинанц коряс серматтама сочинения. Кемокстасаськ содамашиньконь « Лексикать» коряс. Кие тяфтамсь Федот Васильевич Сычков?
( шабатне азсазь, што сон мордовиянь содаф художник)
/Слайд – Ковылкинскяй райононь картась/
Ф.В. Сычков – мокшэрзянь содавикс художник. Сон шачсь 1 мартста 1870
( тежянь кафкса сятт сизьгемонце) кизоня Ковылкинскяй районца Кацялай (Кочелаево) велеса.
/Слайд – Сычковонь портретоц/
Сычкофнень семьясост 6 (кота) ломаттельхть: аляц, тядяц, бабац и 3 итть ( 1 цераня и 2 стирнят) Кода лятфнесь сонц художниксь, синь семьясна ульсь инь ашусь велеса. Аф весть сашендовсь цераняти тядянц мархта якамс аньцема.
Кода мон азыне мархтост эрясь бабац, конань Федот пяк кельгозе. Кельгозе кода сон тейнза азонкшнесь ефкст, азкст. Тага сидеста бабац сявондезе церанять церькаву, коса Сычковонь мяльс пяк тушендсть шкаень ликне и ангелхне, конат рисовандафтольхть стенатненди. Кати кода весть церанясь мусь сапонь пакшкя и рисовандазень куд стенатнень и кенкшть. Конешна, тянкса пяк сатоль тядянц эзда, но церанять ширенц кирнезе бабац.
8 (кафкса) кизоса Сычковонь примазь школав. Сон тонафнесь пяк цебярьста. Но самай кельгома предметокс ульсь рисованиянь уроксь. Церанять талантонц приметазе учителец – Петр Дюмаев. Сон мялецоль първажамс Сычковонь Санкт- Петербургу художественнай школав, но церанять тов ашезь сяв, ашувонь идти тоза кись селкфоль. Церанять пяк оцюволь мялец арамс художникокс. Сон тусь лездыкс художненкненди, конат рисовандасть шкаень ликт. Тяса сонь приметазе Арапов помещикс. Сон лездсь Сычковонди повомс художественнай школав.
1892 ( тежянь кафкса сятт вейхксогемонь омбоце) кизоня Ф.В. Сычков сась Петербургу тонафнема художественнай школав, а меле – 3 кизонь етазь – Академияв.
Ф.В. Сычков кулось 1958 ( тежянь вейхкса сятт ведьгемонь кафксоце) кизоня. Кацелай велеса художникть кудсонза тиф музей, а Саранск ошса панчф Сычковонь лемса картиннай галерея. Коса кочкафт сонь лама картинанза.
Ф.В. Сычков лама картинада сермадсь эрь кодама жанраса тя: портрет /слайд – портрет/, натюрморт /слад – натюрморт/, но инь оцю васта сонь картинасонза занци пейжазсь / слайд – пейзаж» Тяла»/ Шабат, азость кие эздонт кельгсы тялоть? Мес?
Мон арьсян, што тялось тя самай мяляфтови иттненди пингсь. Художниксь пяк кельгозе рисовандамс якшама тялоть. Сяс ламоц картинанза лямфт тя пингти. Дайте ванцаськ ня картинанзон: /слайд – тялоть коряс картинанза « Пенгят» (Дрова), « Тялонь налхксема» , « Этюд», « Панда пряста» ( Сгор), « Панда пряста курьксема» ( Катания с гор/. Тялонда ули етка налхксемс, самай мяляфтови праздникне « Од кизось», « Роштусь».
Картинать коряс беседа.
А тяни ваность тинь инголент Сычковонь картинац « Панда пряста курькснема», кона ульсь рисовандаф 1937 ( тежянь вейхкса сятт колмогемонь сисемце) кизоня. Шабат, азость, кодама пингсь няфтьф картинаса? ( Картинаса няфтьф тялось). Азость, а кинь няйхтяда картинаса? ( Тя картинаса няфневихть шабатне, конат курькснихть панда пряста нурдоняса). Виде! Ваномок тя картинать лангс Монь мялезон лядихть мороста валхне:
Айда, стирнят озада
Теждя нурдоняс,
Мазы мора морада
Изкоздень киняс.
- Шабат, а тинь тожа якатада курькснема, Вов эсь лятфнемантте лездыхть тейнт сочинениянь сермадомаса.
Тяни, шабат, дайте сяда тов ванцаськ картинать. Тя картинаса няйсаськ, што ульцятнень эса ловонь фальхне серидонга серихть.
Тяла, тяла, тялоня!
Каркэземге лов,
Фатясайне соконень,
Ардан кати ков.
Етан паксят, лаймонят,
Пондол моли ляйхть.
Кода ефксса инголен
Лешаф вирьхне стяйхть .
( Ю. Азрапкин)
/Слайд/
Картинать ингольдень планца рисовандафт мазы стирьхть и цера. Мезе тинь астада кувалмаст? ( Синь пяк весялат).
/Слайд/
Кода арьсетяда мезе ювадсь церанясь, кона арды омбоце нурдоняса? (Эй, эй, Туда шири, тапатядязь)
/Слайд/
Тяни ванцаськ ширеса ащи стирнять. Кода няйсасть сонь настроениянц?
( Стирнясь стясь ваймама. Сон, улема сизесь нурдонянц куцьфнемс панда пряти).
Но кода корхнихть, кельгсак курькснемацень, кельк и нурдонянь усксемацень. Етафтость тя валмуворксть рузонь кяльс ( Любишь кататься, люби и саночки возить).
/Слайд/
Федот Сычковонь картинанзон эса пяк парста няфневихть велень од ломаттнень шамасна. Ваность, од стирьхнень щека прясна кода якстерь марьнят. Сядонга цебярьста, мазыста няфневи щамсь. Шабат, азость, мезьса наряжафт картинаса стирнятне и церанятне? Кодаптольхть щамсна иттнень ингольдень пингть?
( Ингольдень пингть ломаттне каннесть отхт, пильгсост ашуфне карьсекшнельхть карьхть, а сяда козятне щильхть ботинкат. Стирнятнень лангса минь няйхтяма сермав сарафатт, кърганят. Прясост сотнефт панчфу руцят)
Шабат, азость, кодама тюст сявсь художниксь, штоба няфтемс тейнт шабатнень щамснон?
( сенем, якстерь, тюжя, сянгяря). То есть ломаттнень щамснон няфтемста сон сявонди яркай, пяк мазы тюст. Аф ваномок лама тюст лангс, Сычковонь картинанза аф сисефтсазь сельмотнень. Художниксь Мусь лама мотив, конатнень вельде няфтевихть шабатнень характерсна, прявийсна.
А тяни тага весть ваность картинать и азость тусь ли сон мялезонт?
( Отвечайхть шабатне). А мес тусь? ( Тяса лац няфтьф тялось, шабатне).
4. Валонь и стилень коряс работась.
/ Слайд « Якстерь тяштенясь»/
- Тяни шабат, минь мархтонт етафттама валонь и стилень коряс работа. Тя лезды тейнт сочинениянь сермадомста. Панжесть тетрадентень, сермадость числать, темать. Етай урокть мон тейнт мярьгондень кудса вяшемс « Якстерь тяштеня» журналста валмуворкст и содама ефкст тялоть колга. Муде? Пара! Арьда проверясаьк, кода тинь анокладе урокс. Но васенда содама ефкс азан тейнт мон.
/Слайд – содама ефкст/
Нармоттне тусть лямбе шири,
афи молят пангонкс вири.
модась акша ацам ала,
кодама шта пингсь тя? (Тяла)
Акша панаркс шуфттнень пряса
Повфнефт вирьса и ульцяса.
Аньцек варманя сърхкай,
Парьхцись шудезеви, прай. (Лешсь)
Шуфтонь алашатне апак вайсек ляпе ловга ардыхть. ( Сокне)
Пара, шабат! Ну тяни ванцаськ, кодама валмуворкст муде.
/Слайд – валмуворкст/
Сексеь кочкай, види, а тялось ярхцай, пидп.
Кизось шачфты, а тялось машфты.
Тялонда лама Лешу шида – кизонда кшида.
1) А тяни налхксетяма мархтонт « Кие сяда курок» налхксемаса
/Слайд – « Кие сяда курок»/
Кочкасть омбоце колонкаста васенце колонкань валхнень синонимснон. Сермадость синь тетрадезонт.
Рахамс Кельме
Арнемс
Пара
Якшама
Пеедемс, мъзолдомс
Цебярь, мазы
курькснемс
2) Шабат, монь ули тага фкя налхксемазе. Мон сонь лемдине « Кяшф вал». /Слайд « Кяшф вал»/
-
Ванды
Лямбе
Ащемс
Равжа
Кержи ширде клеткатненди сермадода антонипт. Васенце букваснон эзда вярде алу лувсасть картинаса рисовандаф пингть. ( Тячи, якшама, ласькомс, акша) (ТЯЛА). Тя валть мархта арьседа валрисьме.
/Слайд « ЛОТО»/
Тяни титяма тяфтама задания. Тейнт эряви вешемс фразеолагизматнень
( кевонзаф валзюлмотнень) понятияснон. Налхтама мархтонт « ЛОТО» налхксемаса.
Нолдамс вайгяль – пъшкядемс – пильгонь-прянь синдезь – вишкста – таргамс вайме – ваймамс – пильге лангста прамс – сиземс – шапама вайгельса – кайгиста.
Кевонзаф валзюлмотнень нолдасть тевс сочинениянь сермадомста
4) Штоба няфтемс картинать афкуксонь мазышинц тейнт сочиненияса сави нолнемс тевс эпитеттнень.
/Слайд « Эпитетт»
Эрьда кочкада максф валхненди эпитетт: ЛОВСЬ ( акша, моцорды), КОЖФСЬ ( кельме, ару), СТИРНЯСЬ ( мазы, весела), УШЕСЬ ( якшама, валда).
5.Урокть кемокстамац:
Пара, шабат сембе заданиятнень тиесть лац. Тяни ванцаськ тага картинать. Серматтама корязонза план.
Планць.
Ф.В. Сычков – мокшэрзянь содаф художник.
« Панда пряста курькснема» картинать ваномац.
Кодама пинге няфтьф картинаса?
Мезьса курькснихть шабатне?
Кода няфтьфт шабатне? ( синь шамаликсна, щамсна)
Мяльхне, конат шачендыхть картинать ваномста.
Кудонь заданиясь:
Вов знакомондаде Ф.В. Сычковонь творчестванц мархта, ваноськ сонь лама картинанзон. « Панда пряста курькснема» картинанц коряс тиеме заданият, конат лездыхть тейнт сочинениянь сермадомаста. Сай урокть серматтама тя картинать коряс сочинения. А тячи уроксь аделавсь, арда ваймама.
[pic]
