Қазақ тілі 8 сынып
Сабақтың тақырыбы: Шартты бағыныңқылы сабақтас
Сабақтың мақсаты: Сабақтас құрмалас сөйлемнің түрлері және жасалу
жолдары ұғымын меңгерту.Оқушылардың бұрыннан бар білімін жаңа біліммен байланыстыра алуына қажетті логикалық ойлау білетіндерін қалыптастыру, грамматикалық сауаттылықты дамыту.
Жүйелі сөйлей білуге үйрету, ғылымға деген қызығушылығын ояту.
Сабақтың типі: жаңа білімді меңгерту
Сабақтың түрі: аралас
Сабақтың әдісі: түсіндіру, талдау, сұрақ-жауап, қарама-қайшы элемент,
РАФТ тәсілі, сатылай кешенді талдау
Сабақтың көрнекілігі: интерактивті тақта, кестелер
Пәнаралық байланыс: әдебиет, математика
Сабақтың барысы:
І. Ұйымдастыру кезеңі
- сәлемдесу;
- сабаққа қатысуын тексеру;
- назарларын сабаққа аудару;
- сыныпты үш топқа бөлу.
ІІ. Үй тапсырмасын тексеру
1. «Ой жинақта талдаумен»
І топ. Сабақтас құрмалас сөйлемнің жасалу жолдары
ІІ топ. Көп бағыныңқылы сабақтас, оның түрлері
ІІІ топ. 121-жаттығудан сабақтас құрмалас сөйлемдерді табады
2. Қарама-қайшы элемент
1. Баяндауыштары тиянақты болады 2. Жалғаулық шылаулар арқылы жасалады
3. Құрамындағы жай сөйлемдер
өзара тең дәрежеде байланысады
1. Баяндауыштары тиянақсыз болады
2. Бағыныңқы, басыңқы сөйлемдерден тұрады
3. Белгілі бір грамматикалық тұлғалар арқылы байланысады
3. Сөзжұмбақ «Сабақтас»
Шартты рай тұлғасына қойылатын сұрақ
Көп бағыныңқылы сабақтастың түрі
Салаластың түрі
Құрмаластың түрі
Баяндауышы тиянақсыз болатын құрмалас
Салаластың мағыналық түрлері нешеу?
Бағыныңқы сөйлемнің баяндауышы
Сабақтас құрмаластың екінші сыңары
ІІІ. Жаңа сабақ.
1. Түсіндіру (слайд арқылы)
2. Жаттығумен жұмыс
а) 123-жаттығу. Сатылай кешенді талдау
І топ. Сөз жүйесін тапса, мал иесін табар.
ІІ топ. Жарлы болар жігіт байталын атқа айырбастаса, жалғыз болар жігіт ағайынын жатқа айырбастайды.
ІІІ топ. Жаңа жұмысшыларға техника қатерсіздігін ұғындырмайынша, шахтаға жіберуге тыйым салған.
Тақтамен жұмыс: Бір оқушы тақтаға талдайды.
Бір елді бір ел жақсы білсе, жақсы өнегесін де алар.
сөйлемде екі тыныс белгісі бар: үтір және нүкте
айтылу сазы мен мазмұнына қарай: хабарлы сөйлем
құрылысына қарай: құрмалас сөйлем
сабақтас құрмалас
шартты бағыныңқылы сабақтас
не істейді? – алар баяндауыш
нені алар? - өнегесін толықтауыш
қандай өнегесін? – жақсы анықтауыш
жақсы өнегесін – қабысу, есімді тіркес
ә) Топтық тапсырмалар.
І топ. 124-жаттығу.
Сөйлемдерді сызбаға түсіріп, жасалу жолдарын анықтау
1. ----------,---------- тигізбейінше,----------.
2. ---------- қарасаң,----------.
3. ---------- берілмесе,----------.
4. ---------- жарыспай,----------.
ІІ топ. 125-жаттығу. “Сызбаны сөйлет”
1. ---------- өтінсе,----------.
2. ----------алмай, ----------.
ІІІ топ. РАФТ әдісімен ойтолғау жазу.
Р- Тіл жанашырлары
А- халық
Ф- үндеу
Т- Ана тілі – ұрпақ тілі
б) Графикалық диктант
ІҮ. Сабақты бекіту.
Сабақтас құрмаластың баяндауышы тиянақты бола ма?
Сабақтас құрмалас сөйлемнің баяндауышы көсемше арқылы байланыса ма?
Сабақтас құрмалас сөйлемнің басыңқысы бірінші тұра ма?
Сабақтас құрмаластың баяндауышы тең дәрежеде байланыса ма?
ҮІ. Үйге тапсырма беру.
126-жаттығу. Мәтіннен шартты бағыныңқы сабақтастарды тауып, жасалу жолдарын түсіндіру.
Ереже жаттау.
ҮІІ. Оқушыларды бағалау.
