5 сыныф Къырымтатар тили
Дерснинъ мевзусы: кениш ве кениш олмагъан джумлелер
Дерснинъ макъсады: талебелернинъ бильгилерини ,сёз байлыгъыны арртырмакъ; ана-тилимизге севги дуйгъусыны ашламакъ; кениш ве кениш олмагъан джумлелер акъкъында малюмат.
Донатма: дерслик, джедвель.
Дерснинъ кетишаты:
Тешкилий момент.
1)Селямлашув
2)Невбетчинен субет
II. Эв вазифесини тешкерюв. Текрарлав
Оджа: -Кечкен дерсте джумленинъ экинджи дередже азаларыны кечтик. Амма янъы мевзугъа кечмез эвель, кечкен мевзуны азчыкъ текрарлайыкъ! Бойле суаллерге джевап беринъиз:
1. Джумленинъ экинджи дередже азалары бу..?
Талебе
Оджа: 2. Ал, тамамлайыджы, айырыджы насыл суаллерге джевап берелер?
Талебе
Оджа: Машалла, балалар! Мен корем ки, кечкен дерсни сиз яхшы анъладынъыз. Энди исе янъы мевзугъа кечийик.
III. Янъы мевзуны анълатув.
Тахтада 2 джумле язмакъ:
Талебелер кетелер. ( кениш олмагъан)
Бугунь талебелер мектепке кетелер. (кениш)
Ялынъыз баш азалардан тизильген джумлелер кениш олмагъан джумлелер дейлер.
Баш азалардан гъайры , экинджи дередже азалары да олгъан джумлелер кениш джумлелер деп адланырлар.
РААТЛЫКЪ ДАКЪКЪА
Оджа: -Балалар, джумлелерни кенишлетинъиз.
1.(Къайсы?) балалар (насыл?) окъуйлар.
2.Алие (не вакъыт?) (не ерге ?) бараджакъ.
3.(Не заман?) (кимден?) (насыл?) мектюп кельди.
4. Мен (не вакъыт?) (не ерде?) (не тарзда?) раатландым.
IV. Пекитюв.
Оджа: Машалла, балалар! Энди, янъы мевзуны яхшы анъламакъ ве пекитмек ичюн, бир къач вазифелерни беджерейик.
Оджа: Шимди, мен сизлерге тахтада джулелерни язаджам. Сонъ исе, бир-эки талебе тахтагъа чыкъып, кениш ве кениш олмагъан джумлелерни тападжакъ.
Къалгъанлары исе, суаллерге джевап береджек.
V. Нетидже.
Оджа: -Машалла, балалар! Бугунь дерсте пек яхшы чалыштыкъ ве сизнинъ озь бильгилеринъизнинъ пекитмек ичюн бир къач суаллерге джевап беринъиз.
-Балалар, насыл джумлелерни кечтик?
Талебе
Оджа:-Джумлелер тизинъиз.
Талебелер
Лугъат: кениш - распространенное
кениш олмагъан - нераспространенное
мектюп-письмо
пекитмек- закрепить
VI. Рефлексия: Дерсни бегендинъиз?
VII. Эв иши.
1.Янъы мевзуны яхшы этип огренмеге.
2.Эписи къаиделерни яхшы бильмеге.
3.Лугъаткъа язгъан сёзлерни огремеге.
4.103-мешгъулиет япмакъ.
VIII. Баалав.
Балалар, дерс битти!
Сагълыкънен барынъыз!
