Бағдарлама жоспары: Өлкетану туризмі
Сабақ тақырыбы: Қала мұражайларына саяхат: М. А. Шолохов атындағы мұражай кешені
Сабақ мақсаттары:
Білімділік: Қалалық мұражайлар туралы түсінік беру, экскурсиялар жасау.
Дамытушылық: Туристік экскурсиялар, экспидициялар арқылы оқушының
мамандығына және туған өлкеге деген патриоттық сезімдерін дамыту.
Тәрбиелік: Салауатты өмір салтына , қажетті жағдайда өз бетімен жедел шешім қабылдауға, жауапкершілікке, төзімділікке тәрбиелеу
Сабақ түрі: Аралас сабақ
Пәнаралық байланыс: - География
Оқыту әдісі: Оқушыларды саяхат, экскурсия арқылы қаламыздың
мұражайларымен таныстыру
Сабақтың техникалық және материалдық жабдықталуы:
Слайдтар
Топшамалар
Суреттер
I. Ұйымдастыру бөлімі:
1. Оқушылармен амандасу
2. Жоқ оқушыларды белгілеу
3. Жұмыс орындарының сабаққа дайындығын тексеру
ІІ. Кіріспе нұсқау
Оқушылардың зейінін жаңа сабаққа бейімдеу (өткен сабақты қайталау, слайд)
"Мұражай" сөзі қандай мағына береді?
Мұражайдың адам өмірінде атқаратын ролі қандай?
Еуропада тарихи мұражайлар қашан дамыды?
Батыс Қазақстан облыстық тарихи өлкетану музейін ұйымдастыруға ат салысқандар?
Мұражай ғимараты қай жылы салынды?
Мұражай экспонаттары қатарында нелер бар?
Жаңа тақырыпты баяндау (конспект)
М. А. Шолохов атындағы мұражай кешені
ШОЛОХОВ Михаил Александрович ( [link] ғылым академиясының академигі (1939), Социалистік Еңбек Ері (1967). Ауқатты шаруа отбасында дүниеге келген. Шіркеу-приход мектебінде және гимназияда оқыған. Азамат соғысы жылдары азық-түлік мекемелерінде істеді. 1922 ж. Мәскеуге келіп, әр түрлі жұмыстар атқарды. 1923 – 24 жылдары алғашқы әңгімелері мен фельетондары баспасөз бетіне жарияланып, кейіннен 1926 жылда шыққан “Дон әңгімелері” және “Мұнарлы дала” жинақтарына енді.
Ұлы жазушы М. А. Шолохов Қазақстанды өзінің екінші отаны санаған. Ол 30 жылдай біздің өлкеге жыл сайын, ал кей жылдары екі рет келген кездері де болған. 1942 жылдың жазында Шолохов отбасы Камышинға, кейіннен Батыс Қазақстанға көшірілген. Шолоховтар отбасы өздерінің Вешенский станицасына ұқсас, соны еске салып тұратын Даринск аулын таңдаған. Шолохов Оралдан өзіне көптеген достар табады. Ол өмірінің соңына дейін достарымен қарым-қатынасын жоймаған. 1979 жылы Даринск аулында жазушы отбасымен бірге тұрған үйде М. Шолоховтың мемориалдық мұражай үйі ашылды. Онда негізінен жазушының және оның отбасының жеке заттары көрмеге қойылған. Бүгінгі таңда мұражай кешені бөлек орналасқан мемориал үйінен және ауданы 1039 ш.м. 6 көрме залынан тұратын 2 қабатты бөлігінен тұрады. Бірінші қабатта сурет галереясы және 60 орындық конференц-залы, ал екінші қабатта табиғат, археология және этнография бөлімі, ҚР Тәуелсіздігінің 10 жылдығына арналған зал және «М. Шолохов Орал өңірінде соғыс жылдарынан кейін» атты көрмесі орналасқан. Мұражай кешенінің ашылу салтанатына жазушының баласы, немересі, шөбересі, сонымен қатар, Белла Ахмадулина, Қадыр Мырза Әлі, Ақұштап Бақтыгереева сияқты белгілі ақын-жазушылар мен басқа да белгілі мәдениет және өнер қайраткерлері шақырылды. Орал делегациясы жыл сайын көктемде Вешенское станицасына барады. Ал, күзде ұлы жазушының отандастарын Оралда қарсы алады.
Жаңа сабақтың кіріспе нұсқауы бойынша білімдерін бекіту
М.А.Шолохов қай жылы дүниеге келді, қай жерде?
Жазушы қайда оқыған?
Алғашқы әңгімелері, фельетондары қашан баспасөз бетіне шықты?
1942 жылы қай жерлерде тұрған?
Шолоховтың мемориалдық мұражай үйі қашан ашылды?
Мұражай кешені неше қабатты, қанша көрме залдан тұрады?
Кешенде қандай залдар бар?
Оқушылар бүгінгі жаңа сабағымыз бойынша қандай сұрақтарыңыз бар?
Егер сұрақтарыңызға толық жауап алған болсаңыздар сабағымыздың келесі бөлімі тәжірибелік бөлімді бастайық!
ІІІ. Ағымдағы нұсқау. Оқушылар шебердің практикалық көрсеткендерін қауіпсіздік ережелеріне сүйене отырып орындайды.
Жұмыс орнын қарап өткенде:
Жұмыс орнының ұйымдастырылуын тексеру
Еңбек тәсілдері мен операциялардың дұрыс орындалуын бақылау
Технологиялық процестің орындалуын бақылау
Жұмыс барысында қауіпсіздік ережесінің сақталуын қадағалау
Оқушылардың өзін және өзара бақылауларын қадағалау
ІV. Қорытынды нұсқау.
Жақсы орындаған оқушылардың жұмыстарын атап өту
Қателіктерді сипаттап олардың орын алу себебіне тоқталып өту
Оқушылардың бағаларын хабарлау
Жұмыс орнын, құрал-жабдықтарды жинастыру
