Сайын Мұратбековтің «Қылау» әңгімесі
Лаззат Халходжақызы Аллаярова
№ 9 жалпы білім беру орта мектебінің
қазақ тілі мен әдебиеті пәні мұғалімі,
Маңғыстау облысы Мұнайлы ауданы
Сабақтың тақырыбы : Сайын Мұратбековтің «Қылау» әңгімесі.
Сабақтың мақсаты : «Қылау» сөзіне ассоциация жасату арқылы жаңа ұғымды қабылдауын жеңілдету, жазушы С.Мұратбековтің өмірі мен шығармалары туралы мәлімет беру, интернет желісінен С.Мұратбековтің өмірі мен шығармаларынан қосымша мәлімет беру, «Қылау» әңгімесінің мазмұнын меңгерту, әңгіме арқылы жазушының айтпақ ойын таныту.
Сілтеме : 6 – сынып оқулығы, әдістемелік нұсқаулық, мұғалімге арналған нұсқаулық. С.Мұратбековтің шығармалар жинағы, тапсырмалар жазылған кеспе қағаздар, бағалау бетшелері.
Оқыту нәтижесі :
Сайын Мұратбековтің өмірі мен шығармашылығы туралы мәлімет алады.
Әңгіменің мазмұнын меңгереді.
Кейіпкерлер бейнесін таниды.
Әңгіменің негізгі идеясын біледі.
Әңгіме мазмұнын ауызша баяндай алады.
[pic]
Негізгі идеялар : «Жақсы киім бойды жылытады, жақсы жолдас ойды жылытады» (Әлішер Науаи)
Берілген тапсырмалар :
1 - тапсырма : «Қылау» сөзіне ассоциация жасату.
2 - тапсырма : С.Мұратбековтің өмірі мен шығармашылығы туралы мәлімет (постер қорғау)
Сергіту сәті. «Балапандар биі»
3 - тапсырма :
I топқа 221 – 223 беттегі «Оранып ап аунай кетіп ұйықтаса, шіркін» деген сөйлемге дейін оқу (мазмұндау , постер қорғау).
II топқа 223 – 224 беттер.
III топқа 225 – 226 беттер.
4 - тапсырма :
Сатай бойындағы қай сәт сендердің өз бастарыңнан өтті ?
Әкесінің ақылы Сатайды неге ызаландырды ?
Бұл сұраққа балалар :
Сатайдың мектеп туралы ойлары қандай ?
Осыған өз көзқарастарың қандай ? Сатай Рабиғаға деген баланың сезімін қалай білдірді ?
Кейінгі тапсырмалар : Жоспар. Әңгіме мазмұнына сай сурет салу.
Бағалау : Формативті бағалау, оқуды бағалау.
Кері байланыс : Өзін – өзі бағалау.
Сайын Мұратбековтің «Қылау» әңгімесі сабағында жаңа ұғымды жеңілдету үшін АКТ модулі бойынша интерактивті тақтадан слайдты пайдаландым. Интернеттен Сайын Мұратбеков туралы дереккөздерді қолдандым.
Оқу мен оқытудағы жаңа тәсілдерді, соның ішінде ассоциация, диалог, метатануды қолдана отырып, «Қылау» әңгімесінің идеясын ашуға жұмыстандым. Оқушы әңгіменің негізгі түйінін зерделей алды. Әңгіме мазмұнына сай суреттер салғызу арқылы оқушылардың дарындылықтарын байқадым.
Оқушылардың жас ерекшелігіне сәйкес оқыту мен оқу моделін басшылыққа ала отырып, тапсырмалар орындау, постер қорғату кезінде оқушының білім деңгейлері анықталды.
Оқыту үшін бағалау арқылы білім деңгейі анықталып, жиынтық бағамен бағалау жұмысы жүрді.
