«Бейнеу ауданы Ы.Алтынсарин атындағы орта мектебі» ММ
Өзін-өзі тану пәні мұғалімі ДүйсалиеваАйкөңілдің 6 «Г»
сыныбына арналған өзін-өзі тану пәнінен қысқа мерзімдік ашық сабақ жоспары
Денім сау болсын десең...
Ресурстар:
6-сынып оқулығы, интерактивті тақта , маркер, стикерлер, Дені сау адам суреті, плакат, А3, А4, ресурстар.
Мақсаты:
Міндеттері
Денсаулықтың тазалықтан, адалдықтан тыныштық құндылығынан туындайтыны туралы түсініктерін кеңейту.
Оқушыларға көңілдің тазалығы арқылы мейірімділіктің мәнін ұғындыру;
Оқушылардың бойында рухани-адамгершілік қасиеттерін дамыту;
Оқыту нәтижесі:
Денсаулық туралы білімдері толығады.
Оқушы жеке өз бетімен жұмыс жасайды, пәнге деген қызығушылығын,
жауапкершілігін арттырады.
Сұрақтарды талқылауға қатыса алады, бір – бірін тыңдай біледі;
Жалпы ой – өрісі дамып, сабақтың тәрбиелік мәні ұлғаяды.
Салыстыру, талдау, жинақтап қорыту, дәлелдер келтіру, сыни тұрғыдан ойлауы
дамиды.
Негізгі идеялар
Жаңа сабақты меңгерту. Бірлескен топтық жұмыстың тапсырманы қорғау кезіндегі ынтымақтастығы
Тапсырмалар
Тыныштық сәті
Әрқашан күн сөнбесін
Үйге тапсырма
Бетпақдала әңгімесі (А.Сейдімбек)
1.Хан жарлығы мен ел-жұрттың әрекеті табиғатты қандай жағдайға душар етті?
2. Құнарлы жердің бетпақ далаға айналуының себебі неде?
Табиғатты аялайық
(Ғ. Құлахметов)
1.Табиғат неліктен әрі мейірімді, әрі қатал?
2. Табиғат аясында тәртіп пен тазалықты сақтау неліктен қажет деп ойлайсыңдар?
3.Адамның табиғат алдындағы парызы неде?
Гүл аттарымен топқа бөлу.
І топ Қызғалдақ
ІІ топ Жауқазын
ІІІ топ Бәйшешек
Топ ережесі
1.Тәртіпті сақтау
2.Уақытты тиімді пайдалану
3. Бір-бірінің пікірімен санасу
4.Сабаққа белсенді қатысу
5-тапсырма
Дәптермен жұмыс
Ой қозғау
Т.Карлейль «Дені сау адам-табиғаттың ең қымбат жемісі» нақыл сөзі туралы өз ойларын жазу.
6-тапсырма.
«Жағдаяттарды талдау «Ойлан, ақылдас, бөліс»
1.Шәкен ертең болатын емтиханды ойлап, әбден мазасы кетті. Барлық сұрақтарға тыңғылықты дайындалғандай болды. Бірақ көңіліне сенімсіздік ұялап, мазасыз ойлар бірінен соң бірі тізбектеліп келе берді. Мазасыздықтан арыла алмаған Шәкен өзін жайсыз сезінді.
2.Айнаш пен Күләш бір сыныпта оқиды. Айнаш ақкөңіл, құрбыластарымен тез тіл табысады.Күләш та ашық жарқын, бірақ Айнаш болған жерде көңілі күрт өзгеріп сала береді. Неге екені белгісіз Айнаштың жетістіктері Күләшқа түрпідей тиеді. Берекесі кетіп, бойын мазасыздық билейді.
«Назар аударайық» айдары
Денсаулықты сақтау мен нығайту адамның өз қолында.
Денсаулықтың мықты, жанының таза болуы адамның айналасындағы адамдарға қуаныш сыйлап, салауатты өмір салтын ұстануына да байланысты.
Дәйексөз
Сау дене, азат ақыл, адал көңіл-үшеуімен болады бақытты өмір...
Әйтеке би
Денім сау болсын десең...
2-тапсырма. «Мағынаны ашу» мәтінмен жұмыс
«Денсаулықтың он құпиясы» атты мәтінмен жұмыс істеу оқушылардың денсаулықтың маңыздылығы туралы түсініктерін кеңейтіп, олардың қызығушылықтарын арттырады.
3 –тапсырма
Пікірлесейік ,ойланайық.
1.Денсаулықтың құпиясын іздеудің мәні неде?
2.Денсаулықты ақыл-оймен байланыстырудың себебі неде?
3.Денсаулықтың бесінші құпиясын қалай түсінесіңдер?
4.Денсаулықты сақтаудағы сенім күшінің қажеттілігі неде?
5.Сүйіспеншіліктің денсаулыққа әсері қалай?
4-тапсырма «Мақалды жалғастыр» ойыны
1. Зиянды заттардан ертең емес бүгін ...
2. ... – зор байлық.
3. ... саудың – жаны сау.
4. ...- бар байлықтан қымбат.
5. Ауырып ем іздегенше, ... жол ізде.
6. Сатып алған ауруға... жоқ
7. Бас аманда мал тәтті,
Бас ауырса, ... тәтті.
8. Шынықсаң ... боласың.
9. Ауру қалса да, ... қалмайды.
10. ... аздырады, суық тоңдырады.
Сергіту сәті
Домбырам күмбірлеп,(сол қолын жанына көтеріп домбыра тартады) күй шерте аламын.
Бұрала би билеп, (екі қолын кезекпен көтеріп, би қимылдарын жасайды.)
Сурет те саламын (қылқалам ұстаған қимылын көрсетеді.)
Ұқсатып кілемге,(ауада төртбұрышты сызады)
кесте де тігемін (ине ұстап, тігін тіккен қимыл жасайды.)
7- тапсырма Топтастыру
«Дені сау адам қандай болу керек?» деген сауалға өз ойларын топтастырып жазып, қорғау.
Кейінгі тапсырма
Үйге тапсырма: Денім сау болсын десең...
Денсаулық туралы мақал –мәтелдер жаттап келу.
Бағалау
Мадақтау, өзара бағалау, өзін-өзі бағалау, мұғалімнің бағалауы .
Кері байланыс
Күн шуағы (Оқушылар бір-біріне стикерге тілек жазу арқылы күннің шуағын шығару.)
«Бейнеу ауданы Ы.Алтынсарин атындағы орта мектебі» ММ
Аудандық семинар
Сабақтың тақырыбы: Денім сау болсын десең...
Сыныбы: 6 «Г»
Дайындаған: Дүйсалиева А
2014-2015 оқу жылы
