Муниципальное общеобразовательное учреждение
«Средняя общеобразовательная школа имени И.Е. Кулакова» с. Приуральское.
Внеклассное мероприятие. Игра - конкурс.
«Тöдысь-кужысьяс» ворсöм – вермасьöм.
Учитель- Бажукова Е. В.
Йöзкостса творчество, коми кыв да литература
«Тöдысь-кужысьяс» ворсöм – вермасьöм.
Бур рыт! Талун ми ворсам выль ворсöмö, но медводз юксям командаяс вылö. Бöръям капитанъясöс.
Медводз тöдмасям ворсан правилöясöн: доска вылын таблица юалöмъясöн и воча кыв сетан категорияöн, кодi юалöмъяслöн сьöкыдлун серти юксьö баллъяс вылö. Команда бöрйö колана категория и балл номерсö. Категориялöн номерыс – тайö баллъяс правильнöя вочавидзöмысь.
Бöрйöм капитанъяслы – нöдкыв. Кодi тöдмалас, сiйö заводитас ворсöм. Нöдкыв:
Кыснан вылö сюрö сiйö.
Овлö, мый и нидзув сёйö.
Ньылалö и йöрш, и кельчи,
Кытчöдз кынöмыс оз пöльтчы.(сир-щука)
Команда …. Вермö бöрйыны категория, вочавидзны и босьтны баллъяс. Водза командаыс кö оз вермы аддзыны воча кыв – мöдыс вочавидзас да босьтас баллъяс.
Категория: «Литературнöй портрет»
Балл. «Паччöр сэрöгысь оз и лэччыв некор, пукалö сэн да сёй пиын луасьö» «Верма пырны вöвлöн öти пельö, а петны мöдысь». /Седун/
Балл- «Зэв дыш морт, эз косйы нинöм вочны. Керкаыс вежынь. Котырыс гöль» \Гулень\
Балл. «Ачыс богатыр, а видзö кляча вöв; сералiгас лым гылалö керка вылысь; туша сертиыс йöз сiйöс тöдö» \Пера\
Балл. «Роч му кутысь, багатыр. Сизимдас сизим рана по бытшкисны сылы йöгра-яран» \Педöр Кирон\
Балл. «Паччöрын куйлö, тöрöканъяс лыддьö; вуджöрсö няньöн вердö» \Иван дурак\
Категория «Лыдпасъяс»
1 балл. «Кымын вой узис Седун бать гу вылын?» \3\
2балл. «Кымын юра гундырлöн гöтырыс вöлi ёма?» \9\
3балл. «Кымын вöв чукöрмис Иванлöн гундыръяскöд тышкасьöм бöрын?» \8\
4балл. «Кымын сывъя кöбылаöс кутiс Седун» \30\
5 балл. «Кымын бытшкöм рана вермис терпитны Педöр Кирон» \70\
Категория «Нимъяс»
1 балл. «Кыдзи шуисны Седунлысь мöд воксö?» \Педöр\
2балл. «Гым-чард енлöн нимыс?» \Илья Великöй\
3балл. «Кониысь воралысьöс кыдзи шуисны?» \Йиркап\
4балл. «Сикт ним, кöнi олiс Пера?» \Лупья\
5 балл «Места ним, кöнi олiсны вöрса ыджыд ош да васа глöт? Сэтчö вошисны 11 ая-пиа» \Шомвуква\
Категория «Рöм»
«Кутшöм рöма дöрöм вöзйис ыджыд вокыс Седунлы бать гу вылын узъöмысь» \Гöрд\
2балл. «Кутшöм рöма ленточка воши мырпома ягö» \Виж\
3балл. «Кутшöм рöма юрыс Пама пöльлöн?» \Еджыд\
4балл. «Кутшöм рöма кöр вöтöдiс Йиркап?» \Лöз\
5 балл «Кутшöм рöма вöлi вöрсалöн тошкыс?» \Турунвиж\
Категория «М.Н. Лебедевлон персонажъяс»
1 балл. «Кыськö воис Коми муö ош кодь лёк да мисьтöм тöдысь, паськыд тошка, югыд синма, гашкö саридз сайысь петысь»
\Кöрт Айка\
2балл. «Туша сылöн вöлi ыджыд – быттьö увтöм пожöм пу.
Паськöм пыдди сiйö новлiс куим вуртöм йöра ку»
\Яг Морт\
3балл. «Танi абу ур ни сьöла, абу руч ни кöинпи. Бур кö колö энö мунö: матын куйлö ыджыд змей» Змейыс тайö мый?
\Зарни чукор\
4балл. Кодi ошйысьö и кыдз шусьö гижöд? «Ак, кутшом мича менам чужöмбан!» \Самовар\
5 балл Кодлöн тайö кывъяс? «Ме пöда, пöда! Ме ог нин аддзыв локтан ар!» \Сьöла «Сьöла да тар» басня\
Категория «Гижысьяс» \тöдмалöй сетöм юкöн серти\
1 балл. «Сылöн вöлi шань да мича Райда нима öтка ныв»
\М.Н. Лебедев\
2балл. «Уджсö сетöма сьöлöм бурмöдны-личöдны, - висьталiс Ен, - И тэ уджав, эн дышöдчы и лоан шуда»
\К.Ф.Жаков\
3 балл. «Ачыс сутшкысь шы мем вой тэ? –
Ыджыд вокыс батьлы кайтö»
«Вай мем лямпа – ачыс тюлысь,
Мулысь-валысь веркöс нюлысь!» -
Шöркост воклöн заказ тайö.
Мизя шуö: «Вай тэ, айö, сöкöл мем-
Сэтшöм кай пö кöнкö эм!»
\В.И.Лыткин\
4 балл. «Ветлiг-мунiг шыр да гадь ю дорö со воисны, …»
\И.А.Куратов\
5 балл. «Вöв нёль кока и пызан тшöтш нёль кока. Пызаныд и ас кокнас вермас мунны, а танi доддьын, сöмын вöвлы сьöкта»
\Йöз\
Категория «Литературоведение»
1 балл. «Предметлöн некымын признак, мый серти колö сiйöс тöдмавны» \Нöдкыв\
2 балл. «Мойд сяма пöль-пöчлöн, йöзöн лöсьöдöм висьт»
\Предание\
3 балл. «Жанр, конi эм аллегорическöй вежöртас да мораль (велöдöм)» \Басня\
4 балл. «Гижысьяс лöсьöдöм мойдъяс шусьöны …»
\Литературнöй мойд\
5 балл. «Важ олöм йылысь художествоа кывйöн висьталöмтор»
\Эпос\
Жюри артыштö быд командалысь баллъяс, вöчас кывкöртöд.
