Сайыс сабақ Өнерлі өрге жүзер

"Өнерлі өрге жүзер"
Мақсаты: Жас мамандардың кәсіби біліктіліктерін арттыру,шығармашылық қабілеттерін жетілдіру.Теория мен тәжірибені ұштастыра отырып,кәсіптік құзыретіліктерін нығайту.Ұжымдық қарым-қатынасқа психологиялық бейімдеу, өзара тәжірибе алмасу.
Қатысушылар: педагогтар
Жүргізуші: Армысыздар,құрметті қонақтар,сайысқа қатысушылар.Бүгінгі «Өнерлі тәрбиеші-өрге жүзер» атты кешімізге қош келдіңіздер!
Тәрбиеші күн нұрына бара-бар,
Ізгілікпен мейірімге толы олар
Шуақ болып жүректерге таралар
Тәрбиеші -әр бүлдіршіннің сауатын ашып,өнерге үйретіп, тәрбие беретін «білім»атты кемеге алғаш, отырғызып, болашаққа жол көрсетеді.
Шын жүйріктер сыналады жарыста
Жарыстың ба, орта жолда қалыспа
Әділқазы бағалайды сіздерді
Жеңіс мәре жақын ба,әлде алыс па?-дегендей сайыскерлерге баға беретін әділқазылармен таныс болыңыздар.
Әділқазы төрайымы: Гүлнұр Маратқызы
Алма Дәулетбекқызы
Гүлзира Сапарғалиқызы
Жүргізуші:Бәйгенің аттарындай шабыстары
Білімнің ұшқыр болсын табыстары
Қол соғып, қошеметтеп отырайық,
Тәрбиешілербүгін,міне сайысады

Бұл сайыс ерекше сайыс ,бұл күні сайысқа қатысушылармен қатар оларды әдістемелік және психологиялық көмек берген тәлімгерлердің де сайысы.
1 топ «Жұлдызай» тобы ,еңбек өтілі 1 жылға дейінгі жас мамандардан құрылған тәлімгерлері Қалиева Салтанат және Қажмұратова Дария
2 топ «Бойтұмар» тобы еңбек өтілі 2-3 жыл болған педагогтар тәлімгерлері Аманжолқызы Айгүл және Сұлтанова Салтанат

Сайыс шарттарымен таныс болыңыздар.
1. Ал,қанекей, танысайық!
2. Өнерлі өрге жүзер.
3. Ой қозғау
4. Таңғажайып әлем
5. Туған тілім-тірлігімнің айғағы
6. «Қазіргі заманғы тәрбиеші» моделі
7. «ЭКСПО-17»-ге қосар үлесің.

Жүргізуші:
Бәйге десе жарысудан қашпайық,
Ойланайық,асықпайық,саспайық.
Ал бірінші сайыс шарты бойынша
Топтарыңызды таныстыра бастайық-деп, сайыстың бірінші шарты бойынша топтарды таныстыруға кезек береміз.

2.Өнерлі өрге жүзер

Ал,кімнің өнері бар қаншалықты
Би билеп,енді бірі ән салыпты
Бүгінгі байқаудан бәйге алуға,
Педагогтар аянбай жан салыпты.

(«Бүлдіршіндер»биі) («Жалғыз көзді ана»қойылымы)
3.Ой қозғау
Жүргізуші:
Ал, оқушылар, сайысқа қалайсыздар
Сендер өтер әлі де талай сын бар
Тапсырма ал,қоржыннан қымсынбай кеп,
Жаңылмай жауап берсең жарайсыңдар,-дегендей бұл шартта ілінген шарларды көздеп атып,ішіндегі сұрақтарына жауап береміз.Бұл тапсырмада өз мамандықтарыңа сәйкес 1 сұрақ, 1 ситуациялық сұрақ бар.Ситуациялық сұрақты рөлге еніп қойып береді,және шешеді.

1. а) 2010-2014 жылдарға арналған «Балапан» бағдарламасы қай жылы, нешінші қаулысымен бекітілген?
Б) Балабақшадан келген бала «мен балабақшаға енді бармаймын,маған апай ұрысты» деп айтып баратын болған.Сізге осы жайды ата-ана ескертеді,сіздің әрекетіңіз.
1 сұрақ. А)Ұйымдастырылған оқу іс-әрекетінің бөлімдерін атаңыз және әрқайсысына тоқталып өтіңіз.
Б) Сізде қарапайым математикалық ұғымды қалыптастыру сабағы болып жатыр.Бір тәрбиеленуші сіздің сабақ өткізуіңізге қайта-қайта кедергі жасауда.Сіздің әрекетіңіз.
2 сұрақ.а)ҚР –ның мемлекеттік жалпыға міндетті мектепке дейінгі тәрбие мен оқыту стандарты қай жылы бекітілген?
Б) Сізде бүгін қоршаған ортамен таныстыру, «гүл» тақырыбында өткізілмекші.Кенет сол сәтте ойнап жүрген тәрбиеленушіңіз сіздің сабаққа қолданатын топтағы өсіп тұрған гүліңізді құлатып,шашып тастады. Сіздің әрекетіңіз.
2. А) Серуен кезінде не жоспарланады және оған тоқталып өтіңіз.
Б) Сізге басшылық бүгін бітіруге тиісті өте маңызды тапсырма берді.Тек ғана сіз орындайды деген сенімде.Ал, отбасы жағдайында күтпеген жерден бір қиындыққа тап болдыңыз.Сіздің әрекетіңіз.

Жүргізуші: Мамандықтың сан түрлі әдісі бар,
Оның сырын біледі ме, қатысушылар
Өздері таңдап алған ертегімен
Ал,қане сайыскерлер жарысыңдар-дей отырып, жаңа үлгідегі «Таңғажайып әлеміне» кезек береміз.

( «Күн нұры» ертегісінен ) ( «Болашақты болжаған бала»ертегісі)
Жүргізуші:
Сайыскерлер көсіліп шабар жерің бар,
Ту көтерген елің бар,
Атадан қалған ардақты
Қасиетті тілің бар,-дей отырып, «Туған тілім-тірлігімнің айғағы » атты сайысымызға кезек береміз.
«Мақал-сөздің мәйегі» демекші, екі топқа ортақ мақал-мәтел айтылады. Сол мақалдың ішіндегі бір сөзді алып, келесі мақал-мәтелді құрастырып айтысады. Мысалы , «Оқу-білім азығы, білім-ырыс қазығы» , келесі топ «Ырыс-алды ынтымақ». Бір айтылған мақалды қайталауға болмайды.
Жүргізуші:
Үйретеді ойнатып, ойландырып,
Жамандықты тастайды артқа ысырып,
Жақсылықты жолына жарық қылып,
Педагогтар жүреді алға ұмтылып,-дей келе, сайыстың бұл шартында топтар өздерінің дайындаған «Қазіргі заманға тәрбиеші моделі»туралы жұмыстарымен бөліседі.

Жүргізуші:
Арманға апарады таңдар ғана,
Өзгерді қоғам бүгін,санаң жаңа
«ЭКСПО-17» ге үлес қосар,
Ізденген,шығармашыл мамандарда,-дей келе, «ЭКСПО-17» ге қосар үлесің»-атты соңғы сайысқа кезек береміз.
«Жұлдызай» тобы балаларға арналған «Алтын сақа» ойын алаңы атты жобасын, «Бойтұмар» тобы жаңа үлгідегі күн энергиясынан қуат алатын балабақша жобасын қорғады.


Сайысымыз соңына де келіп жетті.Педагогтарға деген –ұлы құрмет толастамауы керек. Өйткені, ұрпақты тәрбиелейтін осы ұстаздар. «Өнерлі - өрге жүзер» сайысының қорытынды сөзін әділқазылардан күтеміз.

«Ұстазым» әнімен сайысымыз қорытындыланады. Марапаттау .