Білім саласы: Шығармашылық
Бөлімі: Музыка
Өткізілген күні: 18.02.2016 уақыты: 9.30
Тақырыбы: «Сазды, сырлы аспаптар»
Мақсаты: а) музыка тыңдауға баулу,жаңа вокалдық дағдыларын қалыптастыру, музыкалық аспаптар туралы білімін жетілдіру.
б)динамикалық бояуларды қабылдауын, есту қабілетін және ырғақты сезінуін дамыту.
в) салт дәстүрді құрметтеуге, жауапкершілік сезімге және мұқияттылыққа тәрбиелеу.
І. Әуенді марш ырғағымен балалар залға кіреді.
1. Шеңберді айналып жүру.( екі қолды көтеру, аяқтың ұшымен жүру, өкшемен жүру.
2. Кезекпен алмастыру арқылы жүру- 4 рет.
3. Кезекпен алмастыру арқылы жүру-2 рет.
4. Шеңберде тұрып билеу иықпен, «күн» қимылын жасау.
5. Аяқты ырғақты өкшеге қойып билеу.
6. Марш екпінімен орындарына келіп тұру.
ІІ. Сәлемдесу. Музыка жетекшісі: Балалар көңіл күйлерің жақсы ма?
Балалар жауабы.
Ең алдымен балалар біздер амандасып алайық.
МЖ: Са-ла-мат-сың-дар-ма ба-ла-лар,
До-ре-ми-фа-соль-ля-соль-соль-соль
Балалар: Са-ла-мат-сыз-ба а-пай.
Фа-фа-ми-ми-ре-ре-до
МЖ: Балалар бүгінгі сабағымыз күндегісінен ерекше, өйткені бізге қонақтар келіп отыр. Енді қонақтарымызбен амандасып алайық.
Балалар: Са-ла-мат-сыз-дар-ма қо-нақ-тар,
До-ре-ми-фа-соль-ля-соль-соль-соль
Са-ла-мат-сыз-ба а-пай.
Фа-фа-ми-ми-ре-ре-до
МЖ: Біз қазақ халқы өте қонақжай халықпыз, біздің ата-аналарымыз үйге қонақ келсе құт келді деп ақ дастарханға барын жайып күтіп алған, міне біздерде сол ертеден атадан балаға жалғасып келе жатырған дәстүрімізді ұмытпау мақсатында бір-бірімізбен жақсылап амандасып алайық, тек бір ерекшелігі музыкалық ырғақпен соғу арқылы орындаймыз.
Бір бала ырғақты сылдырмақпен соғып тұрады.
Балалар ырғақты қол соғып бір-бірімен амандасады.
Тра-та-та-та-та са-ла-мат-сыз-ба!
МЖ: Балалар орындарыңа отыра қойыңдар, қазір біздер әуен тыңдайық.Сендер жай отырмай зейін қойып тыңдап отырыңдар және бұл музыканың көңіл күйін бақылайық. Балалар музыка тыңдайды, А. Жұбановтың «Би» күйі.
МЖ: Тыңдаған музыкаларың қандай екен көңілді ма? ( көңілді музыка)
Жәй екпінде орындалды ма? ( орташа екпінде орындалды)
Музыканың ішінен ненің дыбысы анық естіледі? (домбыраның)
Дұрыс балалар домбыраның дыбысы анық естіледі.Бұл музыка «Би» күйі деп аталады. Біз дыбысты естиміз, ал музыканы тыңдаймыз.Енді тағыда күйге оралайық, бұл музыка ауызбен орындалып жатыр ма? Дұрыс күймен орындалып жатыр. Балалар әннің сөзін кім жазады?- (ақын), ал жаңағы керемет музыканы-әуенді композитор жазады. Міне сендер тыңдап отырған музыканы Ахмет Жұбанов жазған екен. Ол балаларға арнап көп өлеңдер жазған екен. Естіп отырған музыканың ішінен домбыраның дыбысы көбірек естіледі, тағыда ненің дыбысы естіледі. ( көп аспаптардың дыбысы). Көп аспаптармен орындалатын музыка оркестр деп аталады. Бұл оркестрден шыққан музыкаға билеп, көптеген қимыл- қозғалыстар жасауға болады.Міне А. Жұбанов атамыз осы оркестрге күй жазған композитор.
Бүгінгі біздің ҰОІӘ тақырыбы «Сазды, сырлы аспаптар» деп аталады.
МЖ: Балалар экранға назар аударайық. (слайд арқылы балаларды аспаптармен таныстыру)
1.Домбыра
2.Барабан
3.Жетіген
4.Қобыз
5.Сыбызғы
МЖ: Балалар отырып шаршаған боларсыңдар,ортаға шығып бой сергітіп алайық.
Қимылды ойын: «Сылдырмақ»
МЖ: Жарайсыңдар балалар! Өте жақсы ойын ойнадыңдар.
Ал енді отырып даусымызға «дауыс жаттығуын жасайық».
Дауыс жаттығуы: Жо-ға –ры-ға-шы-ға –мыз,тө-мен –қа-рай-тү-се-міз.
МЖ: Жақсы балалар, енді ортаға шығып өткен сабақта үйренген әнімізді айтып берейік.
Балалар ән орындайды: «Қасиетті домбыра»
МЖ: Балалар мен сендердің білімдеріңді тексеріп тағы бір мәрте ойын ойнауға шақырамын. Маған ортаға екі бала шыға қойсын.
Дидактикалық ойын: «Аспаптың дыбысын ажыратамыз»
МЖ: Жарайсыңдар балалар! өздеріңнің алғырлықтарыңды көрсетттіңдер.
Әуенді қимыл-қозғалыс орындату.
Қазір бәріміз қол ұстасып алайық, бүгін мен сендермен орындайтын әуенді ырғақты қимыл қозғалысымда қазақтың ою өрнегімен әшекейін және иық қимылдарын алып отырмын.
1.Қос мүйіз-ою өрнек
2.Қос қол- ою өрнек
3.Сырға –әшекей
4.Білезік-әшекей
5.Иық қимылы-кезекпен
МЖ: Балалар жарайсыңдар! Орындарыңа отыра қойыңдар.
ІІІ. Қорытындылау.
МЖ: -Бүгінгі іс-әрекетімізде қандай әуен тыңдадық?
-Қандай ән айттық?
- Ән не туралы болды?
-Ойынымыздың аты қалай аталады?
-Қандай аспаптармен таныстық?Рахмет жарайсыңдар балалар! Сендердің бүгінгі іс-әрекетімізге жақсы ат салсқандарың үшін мына «домбыраларды сыйға тартамын.Балалар бір-біріне қошемет көрсетіп музыка жетекшісімен, қонақтармен қоштасады.
Бекітемін
№32 «Қуаныш» МДҰ –ның
меңгерушісі: А.Е. Ескалиева
________________________
[pic]
«Сазды, сырлы аспаптар»
/ Ашық қаралым/
Дайындаған: Аетова Л.Т.
Музыка жетекшісі
Ақтөбе 2016
[pic]
[pic] [pic]
