Балалар фольклоры.
Малайҙар, ҡыҙҙар ҡысҡырышып сәхнәгә килеп инәләр.
-Әйҙәгеҙ, уйнарға!
-Ә нимә уйнайбыҙ?
-Йомаҡ әйтеш..
-Йәшенмәк!
-Ю-юҡ! Аҡ тирәк, күк тирәк!
-Ярай! Аҡ тирәк, күк тирәк уйнарға.
Малайҙар, ҡыҙҙар тиҙ генә бүленешеп ике яҡҡа теҙелеп торалар ҙа һамаҡлайҙа башлайҙар.
-Аҡ тирәк тә күк тирәк,
Беҙҙән һеҙгә кем кәрәк?
-Аҡ тирәк тә күк тирәк
Беҙгәме, Айсаф кәрәк.
Айсаф йүгереп барып өҙә лә Элмираны алып, бейеп киләләр.
-Аҡ тирәк тә күк тирәк,
Беҙҙән һеҙгә кем кәрәк?
-Аҡ тирәк тә күк тирәк
Беҙгәме, Наҙгөл кәрәк.
Наҙгөл барып өҙә алмай ҡала.наҙгөлгә яза бирәләр, ул йыр башлай һәм күмәкләп бергә “Гөлсара”ны йырлайҙар.
-Эй , ялҡытты. Икенсе уйын уйнайыҡ.
-Ә мин һеҙгә бер әкиәт һөйләйем, тыңлайһығыҙмы?
-Һөйлә, һөйлә! Тыңлайбыҙ.
-Борон-борон заманда йәшәгән ,ти ,бер эбей менән бабай. Уларҙың өйө булған ти , таштан.(Пауза). Һөйләйемме баштан?
-һөйлә, һөйлә! (Шул ук текст дауам ителә).
-Э-э-эй!
-Мин һөйләйем.
Борон- борон заманда йәшәгән ,ти, бер әбей менән бабай. Уларҙың ике ҡыҙҙары булған, ти. Бер ҡыҙының исеме Һөйлә, икенсеһе- Һөйләмәбулған, ти. Бер көндө ике ҡыҙ һыу буйына киткәндәр, ти. Һөйлә һыуға ингәндә батҡан да ҡуйған,ти. Яр буйында кем ҡалды әле?
-Һөйләмә.
Әкиәт һөйләүсе тынып ҡала.
-Йә, нимә артабан һөйләмәйһең?
-Һуң һөйләмә тинегеҙ бит.(көлөшәләр)
-Тик ултырғансы үҙебеҙ әкиәт ҡуйып ҡарайыҡ.
Әкиәт инсценировкалау.
-Әкиәт шәп килеп сыҡты.йырлашып алайыҡ.
Йыр “Үҫәм”.
Бейеү “Лирик бейеү”.
Айсаф йырлай
Түңәрәк бейеүе.
Күңелле көлөшөп ҡайтып китәләр.
А.З.Назарова
