Эдебият дерси
Мевзу:
[pic]
Дерс планы
Мевзу: Номан Челебиджиханнынъ «Къарылгъачлар дуасы».
Макъсат:
Талебелерни къырымтатар халкънынъ садыкъ огълунен ве онынъ эсерлеринен таныштырув.
«Къарылгъачлар дуасы», икяе устюнде чалышув.
Ичтимаий, сиясий вазиетиини анълатув.
Номан Челебиджихан шахсиети эсасында балаларны тербиелев.
Дерс донатмасы: шаирнинъ портрети, гимн кассетасы, эпиграф.
Дерс кетишаты
I. Тешк. къысым. Селямлашув. Невбетчининъ рапорты.
II. Дерснинъ макъсады ве мевзусынен таныштырув.
Актуализация. Гимнни динълев. (Эр кес аякъ устюне тура). Оджа: Насыл аваны динъледик? Бу аваны таныдынъызмы? Гимннинъ сезлерини ким язды?
Эпиграф окъула:
Ант эткенмен, сез бергенмен миллет ичюн ольмеге
Билип, корип, миллетимнинъ козьяшыны сильмеге
Бильмей, корьмей, бинъ яшасам, къурултайлы хан болсам,
Кене бир кунь мезарджылар келир мени коммеге.
Оджа: Номан Челебиджихан озь шииринде насыл сез бере? Неге ант эте? (Озь халкъына хызмет этмеге ант эте, адалетлик ичюн курешмеге сез бере)
III. Номан Челебиджиханнынъ терджимейи алындан бир къач малюмат.
Оджа анълатув вакъытында тахтагъа бу малюмат акъкъында таянма япа.
Н [pic] [pic] [pic] [pic] ОМАН ЧЕЛЕБИДЖИХАН
1885 сене
Сонакъ коюнде догъа.
Кой мектеби, Акъчора медресе
Зынджырлы медресе, Истамбул
университети
1917 сене – биринджи Къурултай
Ант эткенмен шиири.
1918 сене 23 февраль –
ольген куню
IV. Янъы мевзу анълатув.
Оджа: Бугунь биз онынъ «Къарылгъачлар дуасы» икяеси устюнде чалышаджакъмыз. Бу икяе онынъ осьмюрлик чагъы акъкъындадыр. Онынъ окъугъан мектеплери акъкъында.
Мектеп дегенде, сизлернинъ акъылынъызгъа не келе? Насыл ассоциациялар догъа?
[pic] [pic] оджа сыныф
т [pic] [pic] [pic] [pic] [pic] алебе МЕКТЕП дерс
бильги рале
тахта
Оджа озь селеринен икяени айтып бере, мектеп не ичюн къапатылгъаныны анълата.
V.Пекитюв.
Группалар ичинде иш.
- Эр бир группада бир рессам олмакъ керек, о мектепнинъ ресимини чыкъараджакъ.
Вазифе: берильген суаллерге тез джевап беринъиз:
Номан Челебиджихан къач яшында эди?
Онынъ энъ севген мешгъулиети не эди?
Талебелер мектепте нении огрендилер?
Оджалары насыл эди?
Не ичюн икяенинъ ады «Къарылгъачлар дуасы»?
Не ичюн талебелер къарылгъачларны куньлей эдилер?
Биринджи къысымына серлева къоюнъиз!
Янъ мектепнинъ ады не эди?
Рушдие сезюни насыл анълайсынъыз?
Янъы мектепни тасвир этинъиз.
Янъы мектепте нени огрене эдилер?
Оджалары насыл эди?
Талебелерни окъувыны севмеге ве бутюн дюньяны севмеге ким огретти?
Талебелер мектепнинъ багъчасында не япа эдилер?
Экинджи къысымына серлева къонъиз!
Оджа: огюнъизде ярдым намелер бар, олар сизлерге ярдымджы олурлар (оджа дерске азырлыкъ корьген арада, шиве сезлерининъ лугъатыны бере, таянма сезлер ве сез бирикмелер кягъыт елакъларына язып бере).
Талебелер джевапларыны берген арада рессамлар озь ресимлерини чыкъаралар. Мектеплер къыяслана.
Оджа: III. Къысмы устюнде берабер чалышаджакъмыз.
- Мектепке насыл къара хабер келе?
- О куню икяеджи не ичюн орталыкъны гъамлы ве мунь коре?
- Оджа озь сонъки дерсини неге багъышлай? ( бу парчаны окъып беринъиз).
- Мектепни къапаткъан сонъ талебелер не алда эдилер?
- Икяеджи озюни насыл дуя эди? ( парчаны окъып беринъиз)
VI. Дерснинъ нетиджеси.
