Сабақтың тақырыбы: Чч дыбысы мен әрпі.
Сабақтың мақсаты:
1. Ч ч дыбысы мен әріп таңбасымен танысады, Ч ч дыбысы бар сөздерді буынға
бөледі, оқиды , сөздерге дыбыстық талдау жасап, сөйлем құрайды.
2. Оқушылар әріппен таныса отырып саралау, салыстыру, талдау жұмыстарын жүргізеді.
Сөйлем, сөз, дыбыстар жайында білімдерін жүйелейді.
3. Оқушылар жеке, топта жұмыс істейді, топта пікір алмасады, ой бөліседі, бір-бірін
үйретеді.
Күтетін нәтиже:
Сабақ соңында оқушылар әріпті танып Чч әрпін жаза алады, әріпке байланысты сөздер, сөйлем құрай алады. Берілген сөздердің мәнін түсінеді. Сөйлем , сөз, буын, дыбыс жайында қосымша мәлімет алады.
Әдіс - тәсілдер: Сөздік, көрнекілік, оқу, түсіндіру, әңгімелесу, топтық жұмыс,
жеке жүмыс.
Көрнекі құралдар: Спортшылардың суреттері, дыбыстар , кеспе әріптер, мазмұнды
суреттер, ермексаз.
Сабақ барысы:
І Ұйымдастыру кезеңі. Сәлемдесу.
«Күннің нұры шуақты».
ІІ. Өткен сабақ. Ц дыбысының әріп таңбасын пысықтау;
ІІІ. Жаңа сабақ. Мақсатын хабарлау.
Балалар, мына суретке көңіл аударайық!
* Суретте қандай мезгіл ?
• Суреттен кімдерді көріп тұрмыз?
• Олар не істеп жүр?
• Шаңғы қандай спорт түрі?
• Оларды кімдер тамашалап тұр?
• Спортшылар жарысып жететін жердің қалай аталатынын білесіңдер ме?
• Олар жарысты бастайтын сызық қалай аталады?
• Осындай дүбірлі додолар қалай аталатынын білесіңдер ме ?
• Сондай дүбірлі доданың жеңімпаздарын кім дейді?
• Ал, енді кітаптарындағы сөздерді бірге оқиық, өздеріне оқыту.
• Енді осы чемпионат, чемпион, чек сөздері қандай дыбыстан басталып тұр?
- Міне, балалар бүгін біз осы ч дыбысының әріп таңбасымен танысамыз, ч дыбысынан бар сөздермен танысамыз, дүбірлі додаларды жарып жүрген чемпиондарымызбен танысамыз.
- Мына суретке көңіл аударайық. Бұл кісі Қажымұқан деген аталарың. Ол кісі французша күрестен әлем чемпионы атанып қазақтың атын алғаш рет әлемге танытқан. Ал мына кісілер Серік Сапиев пен Әділбек Ниязымбетов олар бокстан олимпиада жүлдегері, Енді, мына кісіге көңіл аударайықшы, бұл кісінің аты Мұстафа Өзтүрік. Мұстафа Өзтүрік шығыс жекпе – жегінің таэквондо түрінен 6 дүркін әлем чемпионы. Біздің қазақ жеріне алғаш таэквондо спортын тәуелсіздік алған соң алып келді. Бұл кісілер бір сөзбен айтқанда чемпиондар.
Чемпион сөзі қандай дыбыстан басталып тұр.Ч ч дыбысының әріп таңбасын жазып көрсету. балаларға айтқызу, дауыссыз дыбыс екенін айту және кестеге дауыссыз дыбыстарға қосып қою.
• Бағандағы сөздерді оқып беру, топпен оқу, жеке оқу .
• «Болашақ чемпиондар» өлеңін оқып беру, мазмұнын бірге ашу.
- Іштей оқу.
- Тізбектеп оқу.
ҮІ. Сергіту сәті. «Адасқан буындар»
ҮІІ. Жеке , топтық жұмыс.
Чемодан , чемпион, чек сөздеріне дыбыстық талдау жасау.
Кеспе әріптермен сөйлем, сөз құрату.
ҮІІІ . Дәптермен жұмыс
ҮІІІ. Бекіту . Үлестірмелі карточкаларда берілген сөздерге дыбыстық талдау жасап,
сөйлем құрайды.
ІХ. Рефлексия
• Бүгін қай дыбыстың әріп таңбасымен таныстық?
• Ч дыбысы дауысты ма, әлде дауыссыз ба?
• Ч дыбысынан басталатын қандай сөздерді білеміз?
ХІ. Қорытынды. Бағалау.
Оқушыларды мадақтау және марапаттау.
