Тақырыбы: « Аяулы аналарға, ардақты аруларға»
Күні: 05.03.16
Мақсаты:
Ақпарат көздері арқылы оқушыларға ана құдіретін, оның өмірдегі алатын орнын айта отырып, аналарға алғыс айту керек екендігімізді меңгерту
Халқымыздың ата-бабадан келе жатқан асыл салты ананы құрметтеу, қыз баланы сыйлау т.б. үлгі-өнеге, жасы үлкенді сыйлау, парсатты мейірімді болуға үйрету.
Оқушы бойында ізгілік, инабаттылық, биязылық т.б. жақсы қасиеттерді қалыптастыру
Түрі: концерттік бағдарлама
Көрнекілектер: шарлар, мейрамға арналған қабырға газеттері, сыйлықтар мен гүлдер.
Шараның барысы
Жүргізушілер: (Олжас, Дильназ)
1-жүргізуші: Мерейлі сәт мерекеге ұласып,
Сегізінші наурыз келді қыр асып.
Қыз- келіншек, нәзік жандар мейрамы-
Көктемімнің шапағатын тұр шашып.
2-жүргізуші:
Құттықтаймыз аналарды, қыздарды,
Мерекеден шуақты бір із қалды.
Болсын әркез көтеріңкі көңілдер,
Нұрын шашсын мерекеге өңірлер!
1-жүргізуші:
Ана дейміз бәріміз де аңқылдап
Ана дейді жас сәби де жарқылдап
Ана деген бәйтерегі өмірдің
Ана деген-алтын қазың, алтын бақ
2-жүргізуші:
Олжас, бүгін ерекше күн ғой және келген қонақтар да жай қонақтар емес «ару қызғалдақтар мен ардақты аналар, әжелер, ұстаздар».
1-жүргізуші:
Сенікі дұрыс екен, Дильназ. Бүгінігі күн, аяулы аналар сіздер үшін де, сәбилеріңіз үшін де ерекше күн болмақ. Қиыншылық кезде шыдамдылықпен, ақылымен, мейірімділікпен аялап, мәпелеп, еркелігімізді көтеріп, өмірге жол сілтеген ардақты аналар және сыныптас қыздар бүгінгі балалық сезіміміз, алғысымыз, әсем әніміз, көңілді күйіміз, демалыс кешіміз сіздерге арналады.
2-жүргізуші:
Армысыздар құрметті де аяулы әже – аналар, қымбатты ұстаздар, қызғалдақтай қырмызы қыздар! « Аяулы аналарға, ардақты аруларға» атты концерттік кешімізді бастауға рұқсат етіңіздер!
1-жүргізуші:
Сәби өмірге алғаш келгенде өз сезімімізді гуілдеген үнімен білдірсек, ер жете келе ерекше сезімімізді әнмен жеткізгіміз келеді.
Ұлдар хоры: « Ана туралы жыр»
2-жүргізуші:
Ана десем сезім билер тым ыстық
Жарасымды адамдарға туыстық
Бар адамға берсе ананың мейірімін
Орнар еді бар әлемге тыныштық
1-жүргізуші:
Ана десем, шешек атып жанары
Өмірімнің бастау алар жаңа әні
Ана деген тіршілікте бастау боп,
Әрбір үйде жұлдыз болып жанады.
Би
2-жүргізуші:
Кетті қысқы ызғар,
Еріп жатыр мұздар.
Мерекеңіз бүгін,
Қызғалдақтай қыздар! Сыныптың ең әдемі «Гүл қыздары» ортада
1-жүргізуші:
Қыздар , қыздар сендер көктем гүлісің,
Ақындардың өлең арнар жырысың.
Ұрпақ жалғап, өмір сыйлап адамға,
Ғасырларға жалғасады бұл ісің.
2-жүргізуші:
Сұлусыңдар күн нұрынан жаралған
Шапақтарың бар әлемге таралған,
Гүлдеріне жаз күнінің ұқсайсың,
Орындалсын жүректегі бар арман!
Көрініс. «Үш ана»
Ортаға стол және үш орындық қояды.Бір орындықтың шетін ала стол астында қуыршақ жатыр.
Әйгерім – қыздың киімін киген бүлдіршін
Анасы – қызметкер ана көрінісімен киінген қыз
Жүргізуші:
Ойыннан келген Әйгерім
Қуыршағын іздейді.
Столдың астынан тапты да,
Хал сұрауды көздеді.
Әйгерім:
Қызым, менің қалайсың
Томсырайып қарайсың.
Қарның ашып отырмай,
Тамақ ішсең жарайсың.
Егер тамақ ішпесең
Қу сүйек боп қаласың.
Отыр қане қасыма,
Тамақтанып аласың
(Қуыршағын алдына алып отырады)
Жүргізуші:
Әйгерімнің осы сәт,
Анасы үйге кіреді.
Тағат таппай қызының
Қалын сұрап біледі
Анасы:
Әйгерімжан, бүгін сен,
Тамақ ішіп көрдің бе?
Қызықтап әлде ойынды,
Кешке дейін жүрдің бе?
Күнде саған ұмытпай,
Тамағыңды іш деймін.
Тіл алмайсың қырсығып,
Осы сені не істеймін (отырады)
Жүргізуші:
Анасының артынан,
Аптығып әже кіреді.
Ол – дағы өз қызының
Қалын сұрап біледі.
Әжесі:
Айналайын, алтыным
Шаршадың ба, жарқыным.
Ішпедің – ау тамақ та,
Жайын ойлап жалпының.
Қарашығым, қарағым,
Түсіңкі ғой қабағың.
Сөткемен тұрып жұмыста
Болмай қалды – ау тамағын (отырады)
Жүргізуші:
Аналардың елжіреп,
Ет бауыры барады.
Әрқайсысы сұқтанып,
Өз қызына қарады.
Бәрі – үш ана:
Қандай қиын, қараңдаршы,
Қырсық мінез бала болу.
Бәрінен де оңай емес,
Білсеңіздер ана болу!
1-жүргізуші:
Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде
Сыныбымыздың әдемі де ақылды сұлу қыздарын ортаға «Көктем» биімен шақырамыз.
2-жүргізуші:
Болса өзге жүрек,
Адамға адам – тірек.
Сіздерге айтар мынау,
Мерекелік тілек.
Құтты болсын Перизат, мерекең,
Қызғалдақтай жайнағын.
«5» -ке оқып сабақты,
Оқуға әркез бойлағын.
Үлгілі бол бар жерде,
Жақсы оқы, Нұрилә.
Достарыңды жаныңа,
Ақыл айтып баура.
Сыныпта досы болайын,
Сыйластықпен қарайын.
Сұлуланып жүре бер,
Аяулы біздің Аяулым. .
Құтты болсын бүгінгі,
Дильназ , сенің мейрамың.
Сыйлы болып ортаңда,
Сенде өзгені сыйлағын.
Ұяңдау өзі салмақты,
Ортасында ардақты.
Сабина біздің сыныпта,
Білімді әрі жан-жақты.
Тапсырманы орындайды үнемі,
Өз ісіне мұқият боп жүреді.
Құлпырып жүр, әр уақытта Алиана,
Менің саған достық осы тілегім.
Сынбайтын талай сынға,
Нұр шашар арайсың ба?
Атыңа сай бола біл, Арайлым
Шыға біл талай шыңға.
Көктем таңы, шуақ шашып келді күн,
Құлпырып тек жүре бергін ендігі.
Сабағыңда алда бол деп әр уақыт.
Акбаян, сені құттықтаймын мен бүгін.
Топ баста жиында алып,
Бүгінгі сыйымда анық.
Тілерім Дильназға,
Жүре бер сұлуланып.
Сыпайы күлетін жәй ғана,
Зарина мінезі келісті.
Бақытты өмір сүр қайда да,
Істерің болсыншы жемісті.
Әр көктемді қарсы алғын.
Жарқын жүзбен әдемі.
Аружан жақсы мінезің,
Ибалықтың дәлелі.
Көктемде өскен қызғалдақ,
Жұлынба жердің төсінен.
Жүзіңнен күлкі кетпесін, Аяна
Қалыспа тағдыр көшінен.
Ана деген-асыл жаңдар болаттай
Ана деген-мөлдір жаңдар бұлақтай
О, адамдар, қадірлей біл ананы
Жат қылыққа ақыл ойды тонатпай
Аяулы аналар Сіздерге арнаған ақ тілігімізді қабыл алыңыздар!
Ән : «Әрқашан күн сөнбесін»
Құтты болсын аналардың мейрамы!
Жарқыраңдар, жаз күніндей жайдары!
Мерекесі бұл көктемнің алғашқы,
Бақыт берсін әр көктемнің айлары!
8 Наурыз қуанышқа бөлесін!
Әкелсінші жаздың жылы елесін!
Барлық халық аман болып елімде
8 Наурызға жете беріңіздер келесі
