Батыс Қазақстан облысы
Орал қаласы
№19 жалпы орта білім беретін мектебі
Түзету сынып мұғалімі
Шайхуалиева Раушан Сериковна
1 сынып . Дүниетану
Сабақтың тақырыбы: Күз.
Сабақтың мақсаты: 1. Оқушыларға күз мезгілі жайлы білімдерін кеңейту, ерекшеліктерімен таныстыру.
2. Күзде алынатын өнімдердің пайдасы туралы айтып, оны күте білуге тәрбиелеу.
3. Тілін дамыту, ойын жеткізе білуге үйрету. Ойлау , есте сақтау қабілеттерін дамыту. Ұсақ моторикасын дамыту.
Сабақ көрнекілігі: Жеміс- жидектер, көкөністер суреттері
Сабақ барысы: І. Ұйымдастыру кезеңі.
Мұғалім: -Сәлеметсіздер ме балалар!
Балалар біз бүгін қонақтар келіпті.Қане қонақтармен амандасайық.
Балалар:
Қуан шаттан алақай,
Қуанатын күн бүгін.
Қайырлы тан қонақтар,
Қайырлы таң балалар.
Мұғалім: -Балалар мен сендерге бүгінгі күндерің нұрлы болсын, сабағымыз жақсы өтсін деп тілеймін.
Кіріспе бөлімі:
-Балалар біз бүгін «Күз байлығы» атты тақырыпта сабақ өтеміз.
-Балалар әйнекке қараңдаршы, қазір жылдың қай мезгілі?
Міне балалар қыркүйек туды, күз келді.Күн қысқарып, түн ұзарды.Аспаннан бұлттар қаптап, жаңбыр да жауады.Күн сирек көрініп, аз жылытады.
Құстар жылы жаққа ұша бастайды.
Ағаштың жапырақтары сарғайып түсіп шөптер қурап қалады.Үй жануарларына жем шөп дайындайды.Күзде егінді, бау-бақшаны жинайды.
Ал, ендеше балалар күз туралы бейне фильм көрейік.
-Ал, балалар мына суретке назар аударайықшы.
-Суретте не көріп тұрсыңдар?
-Күз мезгілінде неше ай бар?
-Қыркүйек, қазан, қараша.
-Күзде құстар қайда ұшып кетеді?
(Балалардың назарын ағаштарға аудару)
-Күзде қандай өзгерістер болады?
- Жаңбыр жауады,күн суытады,құстар жылы жаққа ұшып кетеді,жапырақтар түседі.
-Күз мезгілінде нелер піседі?
- алма, алмұрт, бидай,картоп,қияр т.б.
-Ал, адамдар қалай киінеді?
- Жылы киінеді.
-Сендерге күз мезгілі ұнай ма?
Балалар: -Иә, ұнайды.
Жарайды ал енді біз ойын ойнайық .Дидактикалық ойын.
«Сен не жедің?» ойыны
Ойынның шарты.Баланың көзін байлап жеміс жидектерді жегізу.
Не жегенін айтқызу.
[pic] [pic]
Сергіту сәті
-Қанекей тексерейік, оң мен сол жақтарыңды білесің бе?
(Оқушы орынынан тұрып, мұғалім тапсырмаларын орындайды).
Оң қолыңды көтер.
Сол қолыңды көтер.
Сол қолыңды түсір
Оң қолыңды түсір.
Оң қолыңды көтеріп, сол қолыңды-алға соз.
Сол қолыңды ішке қойып, оң қолыңды басыңа қой.
-Жарайсың,барлығын дұрыс орындадың.
Балалар енді сурет бойынша жұмыс. Үлестірмелі суреттер.
(Аттарын атап, салыстырып түстерін, пішіндерін айтады)
Алма – жеміс. Алма домалақ. Түсі қызыл. Дәмі тәтті. Қияр - көкөніс. Пішіні сопақша. Түсі жасыл. Шие – жеміс. Қызыл шие. Бес шие. Қышқыл шие. Мынау - сәбіз. Сопақша сәбіз.сары сәбіз. Үлкен сәбіз [pic] [pic]
Жарайды ал енді біз тағы ойын ойнайық .«Не қайда өседі»
Слайд карау
Менің тағыда ойын ойнағым келіп тұр.
Ойын « Кім жылдам ? »
(Көкөністер мен жемістерді топтап себетке жинайды)
-Енді балалар осы күз мезгілінде тағы қандай ерекшеліктер болады деп ойлайсыңдар
Суық болады.
Қане балалар, қолымызда кішкене құс бар деп елестетейікші.Осы құс күзгі желдің суығына тонып тұр.Үрлеп жылытайықшы
Әуелі жаймен ---------------------
Үзік- үзік - - - - - --- -
Қатты ------------------------------
Жарайсыңдар , балалар құс жылынды сіздерге рахмет айтып жатыр.
-Қазір біз сендермен «Күз белгісі неде?» деген ойын ойнаймыз.
Мен күз мезгіліне байланысты сөздер айтамын, сендер аяқтайсыңдар.
- Күзде жапырақтар...........сарғаяды.
-Күзде күн............. суытады.
-Күзде құстар......... жылы жаққа ұшып кетеді.
-Күзде көкөністер мен жемістер.........піседі.
Жұмбақтар шешу:
Бойын жерге жасырған,
Бұрымы бар жасылдан. (Сәбіз)
2.Ұзын мұртты сарылар,
Қойнында дәні бар. (Бидай)
3.Бақшадан келген ала доп (Қарбыз)
4.Қалың киім ұнатады,
Шешіндірсең жылатады (Пияз)
Мұғалім:Балалар жылдың қай мезгілі болсын адамға пайдасы зор.
Ал күз мезгілінде камбамыз астыққа толады.жеміс жидек піседі.
Айнала сары алтынға боялады.
Балалар мектепке келіп білім нәріне ден қояды.
Осымен сабағымыз аяқталды. Бәрің сабаққа жақсы қатыстыңдар.
