Тэма. В. Хомчанка “Наша лавачка”
Мэта:
арганізаваць работу па фарміраванні навыкаў правільнага свядомага выразнага чытання;
развіваць уменне складаць партрэт герояў;
узбагачаць слоўнікавы запас вучняў;
садзейнічаць выхаванню павгі, дабрыні, беражлівых адносін.
Ход урока
Арганізацыйны момант
Празвінеў званок, пачынаецца ўрок.
Вочкі нашы бачаць, вушкі нашы чуюць,
Ножкі сябруюць, вучні ў класе працуюць.
Моўная размінка
" Мы ўздыхаем". З дапамогай уздохаў паказаць розны настрой: весялосці, стомленнасці, здіўлення, радасці, страха і г.д.
Добра ўсюды добраму.
Добраму ўсюды добра.
Прачытаць скорагаворку спачатку шэптам і павольна, затым ціха і ўмерана, затым гучна і хутка.
Праверка дамашняга задання.
Пераказ апавядання “Памяць” па частках
Бабуля захварэла
Бабуля – лепшы сябар
У бальніцы
Памятай толькі тое, што было добрага.
4.Паведамленне тэмы ўрока, пастаноўка мэты.
Прачытайце прыказку
Дзе шчодрая праца, там густа, а дзе лянота, там пуста.
Як вы разумееце сэнс гэтай прыказкі?
Як вы думаеце, аб чым пойдзе гаворка на нашым уроку?
Так, сёння мы будзем гаварыць аб працы, але не толькі аб ёй, а і аб тых пачуццях, якія мы атрымліваем ад працы. А дапаможа нам у гэтым апавяданне В. Хомчанкі “Наша лавачка” . Якія мэты мы паставім перад сабой?
вучыцца правільна і выразна чытаць;
пашыраць слоўнікавы запас;
вучыцца складаць партрэт галоўных герояў.
Знаемства з аўтарам (паведамленне загадзя падрыхтаванага вучня)
Васіль Хомчанка нарадзіўся ў 1919 годзе ў вёсцы Канічы Магілёўскай вобласці. Вучыўся ў ваенным вучылішчы. У гады Вялікай Айчыннай вайны быў камандзірам мінамётнага ўзвода.
Пісаў вершы і апавяданні на рускай і беларускай мовах. В. Хомчанка быў загадчыкам рэдакцыі выдавецтва “Мастацкая літаратура”. Яго творы перакладаліся на літоўскую, рускую, украінскую і іншыя мовы.
Першы верш В. Хомчанкі быў надрукаваны ў газеце “Піянер Беларусі”, калі аўтару было ўсяго 15 год. Праз тры гады ў часопісе “Іскры Ільіча” з’явілася першае апавяданне. Яшчэ В. Хомчанка вядомы тым, што ен напісаў пра Ф. Багушэвіча. А хто памятае, хто такі Ф. Багушэвіч?
Фізкультхвілінка
Работа з апавяданнем.
Саступіў, цётка з дзіцем
Як вы думаеце, аб чым гэта апавяданне?
Я буду чытаць апавяданне, а вы ўважліва слухайце і думайце, ці правільна мы спрагназавалі змест.
Чытанне твора настаўнікам
Ці правільна мы з вамі спрагназавалі?
Хто галоўныя героі апавядання?
Паўторнае чытанне (бінарнае чытанне)
Гутарка па змесце
Што зрабілі хлопцы?
Як паставіліся да гэтага старыя людзі?
Чаму хлопчыкам давялося зрабіць другую лавачку?
Разгледзце ілюстрацыю на старонцы 90. Знайдзіце ў тэксце ўрывак, які адпавядае ілюстрацыі.
Фізкультхвілінка для вачэй
Самастойнае чытанне
Практыкаванне кніга – дошка. У час чытання па камандзе “дошка” вучні павінны прачытаць рысы характару герояў і выбраць рысы характару, уласцівыя героям апавядання (актыўныя, праўдзівыя, завіслівыя, цярплівыя, ветлівыя, слабыя, прыгожыя, храбрыя, бескарыслівыя).
Якія рысы характару ўласцівы нашым героям?
Ці добры ўчынак яны зрабілі?
А што б вы маглі зрабіць на карысць іншым людзям?
Работа ў парах
Са слоў скласці прыказку і растлумачыць яе значэнне (Як гукнеш, так і адгукнецца. Старога паважай, малога павучай)
Падвядзенне вынікаў урока.
Рэфлексія
Я запомніў …
Я навучыўся …
Я зразумеў …
Дамашняе заданне
- Падрыхтаваць выразнае чытанне апавядання “Наша лавачка”;
- Падрыхтаваць пераказ урыўка, які больш за ўсе спадабаўся
- Падрыхтаваць пераказ апавядання “Наша лавачка”
