Тэма: “Аднародныя члены сказа”
Мэты: арганізаваць дзейнасць вучняў па вывучэнні і першасным замацавані ведаў па тэме “Аднародныя члены сказа”, у выніку чаго вучні будуць ведаць:
Якія члены сказа з’яўляюцца аднароднымі;
Што аднароднымі могуць быць дзейнікі, выказнікі, даданыя члены сказа;
Вылучаць сказы з аднароднымі членамі.
Садзейнічаць развіццю вуснага і пісьмовага маўлення вучняў.
Ствараць умовы для станоўчай псіхалагічнай атмасферы, у тым ліку даверу і супрацоўніцтва.
Абсталяванне: мультэмедыйная прэзентацыя; карткі для складання схемы адказу; рамонкі для групавой работы; заданні для парнай і індывідуальнай работы.
Ход урока
І Арганізацыйны момант
Празвінеў званок, пачынаецца ўрок.
Вочкі вашы бачаць, вушкі чуюць,
Ножкі сябруюць, а ручкі працуюць.
(звяртаецца ўвага на пасадку вучняў.)
Я жадаю вам, каб урок прайшоў паспяхова і ў добрым настроі.
Запрашаю вас у падарожжа па беларускай мове. Прапаную ўзяць з сабой рукзачок. У яго мы возьмем веды і навыкі, якія спатрэбяцца нам з вамі.
Ваш сшытак сёння будзе сшыткам падарожніка.
- Усе запісы будзем выконваць прыгожа, правільна і хутка.
ІІ Арфаграфічная размінка
Вос..нь, вос..нь з..л..тая
Сее радас..ь (на)з..млі.
Хмарка (у,ў)сінім небе тае.
Мкну..ь у вырай жура..лі.
(Не)ч..ваць (у,ў) лесе птушак,
Летні гом..н сціх і шум.
М..тылько.. няма і мушак –
Луг ахута.. мілы сум. (С. Новік-Пяюн)
Растлумачце правапіс прапушчаных літар.
-Назавіце словы, у якіх не супадае колькасць гукаў і літар.
ІІІ Чыстапісанне
Зв зо зс зе зн зь
-Паўтарыце да канца радка.
-Якое слова схавалася ў гэтых літарах? (Слова “восень”).
Запішам яго пасярэдзіне новага радка з вялікай літары. Кропку не ставім.
Вы шмат ведаеце і ўмееце, але падарожжа дае магчымасць адкрываць новае. Таму трэба выбраць, па якой дарозе мы з вамі пойдзем, дзе яшчэ не былі на ўроках беларускай мовы.
ІV Паведамленне тэмы і мэт урока
Наш накірунак “Аднародныя члены сказа”.Сёння мы даведаемся, што такое аднародныя члены сказа і нывучымся вызначаць іх у сказе. Што ж у дарогу!
ПРАЦА НАД ТЭКСТАМ.
Асіны, бярозы гнуцца пад парывамі ветру. Сосны грозна шумяць. Хмары пацямнелі, насунуліся, паліліся на зямлю цёплым дажджом. Ён напаіў палі, лугі і лясы.
Нарэшчэ выглянула ласкавае, цёплае сонейка.
Заданні да тэксту:
Знайдзіце сярод прапанаваных сказаў лішні.
Знайдзіце сказ з аднароднымі дзейнікамі.
-Мы справіліся з заданнем. Куфар адчыненны. Перад намі карта падарожжа. (Лес – Паляна – Рака – Запаведнік – Дом).
А на паляне нас ўжо чакае ПАЛЯВІЧОК. Ён прапануе пабыць перакладчыкамі. Патрэбна перакласці словы на беларускую мову. На экране з’яўляюцца малюнкі. Вучні даюць назву па-беларуску. За правільны адказ атрымліваюць фішкі.
V Замацаванне матэрыяла
ПРАЦА Ў ПАРАХ
Настаўнік раздае рамонкі, у цэнтры якіх запісаны сказ. Адно слова выдзелена.
У беларускіх лясах водзяцца звяры.
Ягады ў лесе вабяць цудоўным пахам.
Трэба дапісаць словы, якія могуць замяніць выдзеленае слова.
Палявісок задаволены вашай працай і прапануе вам у сшыткі запісаць пад дыктоўку сказ. (Адзін вучань працуе каля дошкі.)
На лясной палянцы працавітыя мурашкі і вясёлыя павучкі гуляюць у хованкі.
Знайдзіце і падкрэсліце аднародныя члены сказа. (Дзейнікамі.)
ФІЗКУЛЬТХВІЛІНКА
Перад намі -рака. Вадзянік больш за месяц збіраў словы на дне ракі. Але яны ўсе размыліся вадой .дапамажыце аднароднымі членамі дапоўніць сказ па сэнсе. ( На дошцы вучань піша свій варыянт).
Якія мы малайцы! Падарожнічаем далей. Наперадзе Лес. Але звярніце ўвагу на надпіс. (ЗАПАВЕДНІК,).
У такі лес не кожны можа зайсці. Таму і заданне бедзе сваеасаблівым. Вы ў парах прачыцтаеце сказ, параіцеся з суседам, знойдзеце і падкрэсліце аднародныя члены сказа. Хто выканае заданне – падымае руку. Заданне ў вас на партах.
У запаведніку хлопчыкі і дзяўчынкі любуюцца і захапляюцца прыгажосцю восенію
-Што ёсць асаблівае ў гэтым сказе? (Ёсць аднародныя дзейнікі і аднародныя выказнікі ў адным сказе).
Лесавічок падрыхтаваў вам прыгожы сказ. Але падзьмуў вецер і словы разляцеліся. Давайце зноў збяром сказ, каб атрымаць падарунак Лесавічка.
У карагодзе закружыліся жоўтыя і чырвоныя сыраежкі.
Апошні сказ:
Якая ….. восень!
-Дапоўніце і запішыце яго.
Прачытайце ўсе сказы, якія вы запісалі сёння ў сшытак.
Восень
Восень залатая сее казку на зямлі.
На лясной палянцы працавітыя мурашкі і вясёлыя павучкі гуляюць у хованкі.
Бярозы, асіны, клёны падарылі рэчцы свае лісцікі-караблікі.
У карагодзе закружыліся жоўтыя і чырвоныя сыраежкі.
Якая цудоўная восень!
Што ў вас атрымалася? (ТЭКСТ).
Гэта тэкст-апісанне ці тэкст-апавяданне? (ТЭКСТ-АПІСАННЕ)
Дамавічок ужо зачакаўся дома. Яму цікава , як мы засвоілі тэму “Аднародныя члены сказа”. Ён пытаецца:
VІ Падвядзенне вынікаў занятку. Дамашняе заданне.
Рэфлексія
Мы сёння падчас падарожжа не проста пагулялі, але і многаму навучыліся. Прапаную вам прадоўжыць адзін са сказаў:
Падчас падарожжа:
Я даведаўся …
Я навучыўся…
Мне было цяжка …
Мне спадабалася …
Мне пашчаціла сёння працаваць з такімі тэленавітымі і зацікаўленымі вучнямі, якія імкнуцца размаўляць на роднай мове і з павагай ставяцца да яе.
