Къырымтатар тили дерсинден конспек Сёз чешитлери (4 сыныф)

Автор публикации:

Дата публикации:

Краткое описание: ...

Къырымтатар тили 4-нджи сыныф


Мевзу: Сез чешитлери

Макъсат: талебелернинъ язма ве агъзавий нутукъларыны инкишаф этмек; талебелернинъ сеслер боюнджа талили, сёзлернинъ лексик маналарына коре, джумледе баш ве экинджи дередже азалары акь билъгилерини пекитюв; сёз чешитлеринен таныш этмек (исим, сыфат, филь) ве умумий малюмат бермек; талебелерде ана тили дерсине севги ашламакъ. Корьгезмелер: сёз чешитлерининъ джедвели, презентация.

Дерснинь кетишаты:

  1. Тешкелий къысым

  • Селям алейкум, азиз балалар! Бугунь дерсимизде муджизели бир шейлер оладжакь. Эпинъиз масалларны севевинъизми?

  • Заман-заман экенде, эвель заманларда Къырымнынъ бир кошесинде тиль падишалыгъы ерлешкен. Бу падишалыкънынъ къыралы Тиль экен, Тиль къыралынынъ апайы бу акъыллардан-акъыллы Грамматикадыр. Грамматикагъа Фонетика, Орфография, Синтаксис ве оларнынъ арасында энъ тертип севген Мофология къыраличелери ярдым этелер. Эр бир къыраличенинъ озь хусусиети бар.

  1. Темиз язув. Слайд №1

  • Талебелер, Орфография къыраличеси сизге бойле вазифе азырлады. Дж арифини ве джума сезюни догъру ве дюльбер язынъыз.

    1. Лугъат иши. Слайд №2

  • Фонетика кьыраличенинь вазифеси пек меракълы. Сёзлерде тюшюрильген арифлерни къоюнъыз.

Докъ..з; ёлдж..; м..ктеп; сын..ф.

  1. Нутукъ инкишафы.

  • Балалар, Ким айтар, огюмизде насыл байрамлар? Догъру. Энди Янъы йыл акъкъында бир къач джумле язайыкъ. (талебелер джумлелер тизелер)

Бутюн дюньяда Янъы йылны декабрьнинъ 31-деи къайд этелер. Балалар Аяз-дедеден бахшышлар беклейлер. Аяз-деде балаларны Йылбаш байрамынен хайырлай.

  • Энди, талебелер, Синтаксис къыраличеси сизге бойле вазифе бере. Вазифе: джумлелернинъ баш азаларыны бельгиленъиз.

  1. Раатлыкь дакъкъасы (музыкаль)

  2. Янъы мевзуны анълатув. Слайд №3

  • Масалымыз девам эте. Тертип севген Морфология къыраличеси бойле бир вакъиагьа огърай. Бир заманда бар экен, бир заманда екъ экен морфология ханлыгъында сёзлер тертипни джойгъанлар. Олар о къадар догъру тертипте тураджакъ олалар, амма оларда ич тертип чыкъмай. Сёзлер Морфология къыраличени ярдымгъа чагьыралар. Морфология исе сизлерни, талебелер, ярдымгъа чагъыра.

Талебелер, тилимизде эр бир сёз озь манасыны ифаделей. Огюнъизде ресимлер. Ресимлерде не тасвирленген? ( оджа, талебе, топ, чечек, айванлар). Бу ресимлерде предметлер косьтерилъген. Предметлер не ? суалине джевап берелер. Къырымтатар тилинде тек инсанлар ким? суалине джевап берелер. Предметлерни, инсанларны, айванларны бильдирген сезлерге исим дейлер. Исимлер Ким? Не? суалине джевап берелер.

Ким? - Талебе Не? - мышыкъ

- Яхшы! Энди ресимлерде тасвирленген шейлерни талиль япайыкь. Слайд №4 (алмалар, чайниклер, арабалар ).

Шейлернинъ аляметини бильдирген сезлерге сыфат дейлер. Сыфатлар насыл? суалине джевап берелер.

томалакъ

Насыл?

Машалла! Энди бу меракълы ресимлерге бакъайыкъ. Слайд №5. Бу ресимлерде инсанлар не япалар? (огълан ве къыз язалар, къызчыкъ тавукъларгъа ем бере).

Догъру. Демек, бу ресимлерде инсанларнынъ япкъан арекетлерини коремиз. Предметлернинъ, инсанларнынъ иш-арекетини бильдирген сезлерге фииль дейлер. Фииллер не япа? не япты? киби суаллерге джевап берелер.

Яза

Не япа?

VII. Пекетюв. Слайд №6

- Мына, талебелер, сёз чешитлеринен таныш олдынъыз. Джумледе сёзлер тертип джойгъанлар. Сизлер бу сёзлерни догъру тертипте язмакъ керексинъиз.

Меракълы бугунь олды дерс.

Машалла, талебелер! Морфология ханлыгъында сёзлерге тертип тапмагьа ярдым эттинъиз. Энди 142-нджи ишни беджерейик.

VШ. Эв вазифеси

къаиде эзберлемек, 143-нджи ишни беджермек.
Читать полностью »