Танысу сабақ "Бірінші рет бірінші сынып"
Амандасу
– Құрметті ата-аналар, балалар,! Бүгін сендер бірінші рет мектепке келдіңдер! Сендер бізідің мектепке біздің сыныпқа келгендеріңе өте қуаныштымын! Мен сендерді өмірлеріңдегі маңызды қадамдарыңмен құттықтаймын. Бүгінгі білім күні және мәңгілік еліміздің конституция күні құтты болсын!
– Сендер қандай бақытты баласыңдар! Барлықтарың әдемі, сүйкімдісіңдер!
– Бүгін қай күн, кім біледі? (1 қыркүйек)
– Ал нешінші жыл?
– Бұл күнді балалар естеріңе сақтаңдар. 2016 жыл 1 қыркүйек.
2. Негізгі бөлім
– Бүгін сендер бүлдіршін емессіңдер, бүгіннен бастап сендер оқушысыңдар!
– Бұл сиқырлы бөлме сынып деп аталады.Сыныпта сендер күнде ерекше сыйлық аласыңдар, бірақ бұл ойыншық, кәмпит емес. Бұл білім!
– Мектепте кім білім беретінін сендер білесіңдер ме? (Мұғалім)
– Дұрыс. Мен сендердің бірінші мұғалімдеріңмін. Менің атым Алия Амантаевна.
– Мектепке біз тек білім алу үшін емес сонымен қатар достасу үшін келеміз. Тек өзара емес сендердің ата-аналарың да достасады. Қане бірінші күннен бастап ұранымызды есте сақтайық және қайталайық. « Ең білімді баламыз, ылғи тату боламыз».
– Егер біз бір-біріміздің атымызды білмесек қалай достасамыз?!.
– Балалар бұл не? (Күн)
– Күн – бұл мен. Қараңдаршы, менің шуақтарым қалай көп! Бұл сендерсіңдер, балалар!
– Әр шуақтың өз есімі бар. Парталарыңда сендердің есімдерің жазылған дөңгелектер жатыр. Қазір әр оқушы тақтаға шығып өз есімін дауыстап айтып өз дөңгелегін кезкелген шуаққа жабыстырады.
3. Заключительная часть
–Жақсы балалар біз енді бір-бірімізді танимыз, біздің сынып қандай керемет,
[pic]
[pic]
– Барлығымыз орнымызға отырамыз.
- Біз қай елде тұрамыз? (Қазақстан)
- Біз Отанымызды жақсы көреміз бе, мақтанамыз ба?Отанымыздың қандай белгілері бар?
- Дұрыс, ту елтаңба, әнұран, ата заң бұл еліміздің рәміздері.
-Отан – әр адамның жүрегіне жылы тиер қасиетті сөз.Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз. Біз, Қазақстанның патриотымыз!
- ендеше алдарыңда еліміздің қандай рәмізі тұр? Туды бояйсыңдар.
Ал ата-аналар, біздің сынып ол да кішкентай мемлекет. Ендеше сіздер біздің мемлекетіміздің туын ойлап тауып, суретін салыңыздар.
- Жақсы, керемет! Біздің сыныптың туы да ата-аналарымыздың көмегімен дайын болды. Рахмет!
4. Қоштасу
– Бүгін біз тамаша жұмыс істедік. Сабағымыз үшін бір-бірімізге алғыс айтып,сабағымызды аяқтаймыз. Ол үшін кімге алғыс айтқыларың келсе, көздеріңмен қарап, бастарыңды изеңдер.
