Тақырыбы: Айналайын – анашым
Мақсаты: Анаға деген сүйіспеншілік сезімдерін арттыру, Ананы құрметтеу, сыйлай білуге, оқушылар бойындағы жеке қабілеттерімен таланттарын дамыту, адамгершілікке, ізгілікке, достықты қастерлей білуге тәрбиелеу.
Жүргізуші: Біз ғана емес, қадір тұтқан бабалар.
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Қайырлы күн асыл аналар, құрметті ұстаздар, оқушылар! Көңілдеріңізге көктем шуағындай сезім мен нұр құйып, тағы да 8 - наурыз халықаралық әйелдер күні келді. Осынау көркем мерекенің қай кезде де орны бөлек. Олай болатыны, аналарға деген ыстық сезім, алғыс пен құрмет ешқашан сөнбек емес. Олар - өмірдің гүлі, көңілдің жыры, әр отбасының алтын діңгегі. Мынау тынымсыз тіршілік пен кең дүниенің өзі тек аналармен ажарлы. Бүгінгі арайлап атқан нұрлы таңмен бірге әрбір сәби жүрегі өзің деп соқса, бүгінгі мерекелік кешіміз де аналарға арналады.
Десек те уақытпенен жарыспайды,
Қияға қиялменен қарыштайды.
Шәкірттер шын жүректен тебіреніп
Өнерлерін анаға бағыштайды - дей келе ортаға 1 «Ә» - сынып оқушыларының сіздерге арналған тартуларын қабыл алыңыздар.
Құрметті абзал аналар. – дей келе құттықтау сөз кезегі мектеп директорының оқу ісі жөніндегі орынбасары Бөлеубаева Ақзибаға беріледі.
(директордың орынбасары сөз сөйлейді)
Жүргізуші: Көңілің Алатаудың ақ қарындай,
Мейірімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай,- деп абзал аналарымыз бен қырмызы қыздарымыздың құрметіне « » атты әнін қабыл алыңыздар.
Жүргізуші: Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде, - дей отырып келесі кезекті 1 сынып қыздарынан құралған бишілер тобының « » биіне береміз.
Жүргізуші: Ана деген – бастауы ұлылықтың
Ана деген - рәмізі сұлулықтың
Ана деген - бір жыр бар шырқалатын
Асқақтатар биікке ұрпақ атын
Олай болса қарсы алайық
Дауысына сүйсініп тамсанайық
Ерке қыздың талантына тәнті болып,
Уа, халайық, жұмыла қол соғайық!
Ән: Орындайтын:
Жүргізуші: Әркімнің де өмірден аласы бар,
Аласы бар адамның анасы бар.
Мерекесін құттықтап аналардың,
Өнерлерін жолдайтын апалардың баласы бар. Әдеби монтаж оқушылар айтады.
Жүргізуші: Ару - Ана өмірдің асылдары,
Жайнасын көңілімнің жасыл бағы.
Сендер үшін ән мен жыр шырқалуда,
Сендер үшін мереке шашулары, - орындауында ана жайында өлең.
Жүргізуші: Ана – барлық қиындықты жеңетін сарқылмайтын күш, тіршіліктің қайнар бұлағы. қазақ әйелінің дастарханы тоқ, қонағы ырза, дүниесі түгел. Олар үшін бірінші орында отбасының берекесі тұрады. Бөбегін бесікке бөлеп, әлдилеп аялаған ана бақыт құшағында емес пе?!
Алшынбек: Жан анам, құттықтаймын, мейрамыңмен,
Көктемнің құлпыра бер нарт гүлімен.
Өрлесем елің берген бақыт бағың,
Жазбасын шат көңілің, шат күйінен.
Анаға жыр, ән шашу
Гүлназ: Ардақты ана, аяулы ана, қымбаттым,
Тәтті ұйқыңды бөліп талай түн қаттың.
Өміріме нәрін берді ақ сүтің,
Кең құшағың аясндай гүл бақтың.
Мен өзіңмен қайда болсаң біргемін,
Махаббатың жүрегімде жүр менің
Күн нұрындай жадырай бір күлгенің,
Қандай жақсы ортамызда жүргенің.
Жалғас: Ер жеткізіп елге берген баласың,
Ақылдысың, ардақтысың, данасың.
Қарайтыным қас-қабағың бір сенің,
Қайратыңнан қайта көрме, Анашым!
Алмас: Бала, бала , бала деп,
Түнде шошып оянған:
Түн ұйқысын төрт бөліп,
Түнде бесік таянған.
Аслан: Аялы қолды талпынтқан,
Қаймақты сүттей қалқытқан.
Суық болса жүргегін,
Қорғасындай балқытқан.
Шарапат: Айналасына ас қойып,
Изенді көлдей шалқытқан.
Қолын қатты тигізбей,
Кірлі көйлек кигізбей,
Иісін жұпар аңқытқан
Бұл кім?
Бәрі: - Ана
Сөздерді ең аяулы,
Жақсы көріп жаттадым.
Енді білдім оларды
Кімнің ойлап тапқанын.
Эльдар: «Ана» деген сөзді де,
«Аға» деген сөзді де,
«Әке» деген сөзді де,
«Тәте» деген сөзді де,
«Ата» деген сөзді де,
«Апа» деген сөзді де,
Ойлап тапқан балалар!
«Жаным, күнім» дегенді,
«Құлыншағым» дегенді,
«Қошақаным» дегенді,
«Ботақаным» дегенді,
«Айналайын» дегенді,
«Толған айым» дегенді,
Ойлап тапқан аналар!
Айида: Анам мені: «Айым» - дейді,
Мен мұңайсам уайым жейді,
Анам мені: «Күнім» - дейді,
Мен қуансам, күлімдейді.
Гүлзат: Әлемдегі ақылды адам,
Бәрінен сол жақын маған!
Ол жанымда жүрсе, мен де,
Батырларша батылданам.
Айкөркем: Жамандықтан сақтандырып,
Жақсы ісімді м ақтан қылып.
Мәпелеген ақ мамамды,
Жүрсем деймін шаттандырып.
Әсел: Ақ анашым аппағым,
Өзің жайлы тақпағым,
Өзің жайлы әнім де,
Арнадым саған бәрін де
Алихан: Ұл-қызыңа ерген,
Немерең біз әже .
Немереңнен өрген.
Шөберең біз әже.
Досан: Көктем, көктем,көктемде,
Күн шуағын төккенде.
Күліп,күліп аламыз,
Ойнап асыр саламыз.
Малика: Апам мені «Айым» дейді,
Мен мұңайсам уайым жейді.
Апам мені «Күнім» дейді
Мен қуансам күлімдейді .
Бастай:: Бізді өсірген, баптаған,
Жақсы болсақ шаттанған,
Алтыным деп мақтаған
Айналайын, ақ мамам .
Әділет: Бізді өсірген апатай ,
Еңбегіңде зор екен.
Құтты болсын апатай,
Құтты болсын мерекең.
Ақмоншақ: Ана десем, алғыс алам халқымнан,
Ана десем, теңіз болам шалқыған
Ана десем, ашылады қабағым
Ана десем, әділдікті ұғамын
Ғалымжан: Еркелесем, күлімдейтін,
Ұрысқан білінбейтін.
Маңдайымнан иіскеп менің,
«Құлыншағым, күнім»,-дейтін
Құрметті қонақтар, біздің «Айналайын – анашым» атты мерекелік кешімізді көңіл қойып тамашалағандарыңызға көп - көп рахмет.
