Бекітемін
Директордың оқу-тәрбие
жөніндегі орынбасары
Дауылбай Т. ______
________________
Сабақтың тақырыбы: Мақтанышым – Тәуелсіз Қазақстаным
Мақсаты: Оқушыларды Желтоқсан құрбандарымен таныстыру. Аға-апалардың ерлігі туралы айту.
Желтоқсан оқиғасы туралы шындыққа көз жеткізу.
Көрнекілігі: ҚР туы, Елтаңбасы, Қ.Рысқұловтың, Л.Асанованың, Е.Сыбытаевтың т.б. суреттері, нақыл сөздер жазылған плакат.
Мұғалім: Құрметті,қонақтар, ұстаздар,оқушылар! Сіздерді алдымен келе жатқан үлкен мерекеміз 16 желтоқсан тәуелсіздік күнімен құттықтаймыз! 1987 жылдың басынан 1991 жылдың соңына дейін не бәрі 5 жыл ішінде Қазақстан Ресейдің келешегі күнгірт, тәуелді ,одақтас республикадан дүниежүзіндегі іргелі мемлекеттермен терезесі тең тәуелсіз елге айналды. Тарихтан осындай қысқа мерзімі ішінде ғасырлардың үлесіне татитын ауыр да маңызды жолдан өтті. Олай болса, «Мақтанышым – Тәуелсіз Қазақстаным!» атты тәрбие сағатымызды бастауға рұқсат етіңіздер.
Мұғалім: О,туған жер, кең пейіл, құшағың кең,
Саған көңіл бұлқынар күш-ағынмен.
Сағынышты қанат қып,саған қарай,
Балапандай талпынып ұшамын мен.
Сен де, тас та қастерлі,аспан да алау,
Сенде жанды тербетер дастан бар-ау,
Менің мынау өмірге құштарлығым,
Сені жақсы көруден басталған-ау
Данасы мен батыры көп қазақпын
Көрген талай қияметін азаптың.
Аршындаймын көк туымды шалқытып,
Жасай берсін,тәуелсіздік азат күн!
Мұғалім: Тәуелсіздіктің туын ең алғаш көтерген – әйгілі 1986 жылдың 16 желтоқсаны еді. Таңертең сағат 10-да бар-жоғы 18 минутта 26 жыл республиканы үздіксіз басқарып келген Д.Қонаев орнынан түсіріліп,орнына Колбин ешкімнің пікірінсіз-ақ ұсынылған еді. Келесі күні таңертеңнен бастап, Брежнев атындағы алаңға (қазіргі Республика алаңы) адамдар жинала бастады. Олардың дені студенттер мен жұмысшы жастары еді. Жиналғандар орталықтың кадр саясатын жүргізудегі өктемдігіне наразылық білдірді. Желтоқсан оқиғасына қатысқан 8500-ге жуық адам ұсталып, жаза тартты. Толық емес мәліметтер бойынша, 720адам жарақат алды. Су шашқаннан, жер бауырлатып жатқаннан, қала сыртына апарып тастағаннан, ауырған адамдар есепке алынбады. 1200 адам жұмыстан қуылды. 12 ректор орнынан түсті. 240 студент оқудан шықты. 99 адам сотталды. Оның 2-еуі өлім жазасына кесілді. Шерушілерге қарсы сапер күректері, үйретілген иттер, өрт сөндіруші машиналар, бронды транспортерлер жіберілді. Қолға түскен қыздар мен жігіттер қақаған аязда қар үстінде жатқызылды. Қаладан алысқа апарылып, жұқа және су киімдерімен, түнгі аяз ызғарына ұсталды. Ербол, Қайрат,Ләззат,Сабира т.б. сынды апа-ағаларымыз осы желтоқсан құрбаны болды.
Рахым: Дүр сілкінді қайран да қоңыр аймақ,
Бағы жана ма? Қала ма соры қайнап.
Ұран жазып, қып-қызыл ту көтеріп,
Бізде шықтық алаңға «Елім-айлап» (Ербол)
Жұлдыз: сүймейтұғын болдық қой,күймей ғұмыр,
Көлеңкеміз күннен де тимейді нұр.
Колбин деген кім екен, қайдан келген?
Уа,сыртымыздан қашанғы билейді бұл? (Ләззат)
Мұнара: бұл дегенің Қазақстанда беделдің қалмағаны,
Тілің құрып барады,білесің бе?(Сәбира)
Айбаршын: Алаңға шығып ойын айтты жастарым,
Қиындық пен қатерге тігіп бастарын.
Содан барып таңы еріді кеңестің
Содан кейін еркіндікті бастадым. (Гүлнар)
Мұғалім: Әр қазақтың есінде сақталады,
Желтоқсандық өрендер ақталады.
Ел намысын қорғаған сарбаздарым,
Ерліктерің мәңгілік сақталады.
Келді осылай аңсаған күнімізде,
Көптен күткен Тәуелсіздік келді бізге.
Қайта оралды сан ғасырлық қиындықтан,
Қасиетті тіліміз бен дінімізде.
Күндер өтті кешегі,
Жігер құм боп жасыған.
Несіне оны жасырам?
Әнұраным бүгінгі
Баға жетпес асыл ән (Әнұран орындалады).
Осындай еркіндікті ел тілесін,
Бақыт құсы басымызға еркін келсін.
Ал,енді, тәуелсіздік құтты болып,
Көк байрақ мәңгі бақи желбіресін!
Осымен, «Мақтанышым – Тәуелсіз Қазақстаным!» атты тәрбие сағатымыз аяқталды.
