Күні: 05.04.16
Мектеп: №8
Сынып: 2Б
Әдіскер: Сүлейменова С.Ы.
Мұғалім: Төлеубекова Т.М.
Машықкер: Есмағанбет А.Е
Cабақтың тақырыбы: Жануарлар немен қоректенеді?
Сабақтың мақсаты:
Білімділік:Оқушылардың ойын жинақтап, сөйлеуге үйрету, жануарлар туралы алған білімдерін пысықтай отырып, жануарлар тіршілігі туралы мағлұмат беру.
Дамытушылық: Оқушылардың ойлау қабілетін, шығармашылығын дамыту.
Тәрбиелік:Жануарларды қорғауға, оларды күтіп бағуға тәрбиелеу.
Сабақтың түрі: Сайыс Сабақтың әдіс-тәсілдері: сұрақ-жауап, әңгімелеу, түсіндірмелі. Сабақтың көрнекілігі: кесте, тірек-сызбалар,тақырыптық суреттер.
Сабақтың барысы:
І.Ұйымдастыру бөлімі:
- Сәлеметсіңдер ме, балалар! Бүгінгі дүниетану сабағын мен өткіземін, аты-жөнім- Есмағанбет Ақнұр Есмағанбетқызы
Оқушылар назарын сабаққа аудару.
Психологиялықдайындық: (Құстардың дауысн бар музыканы қосу)
Армысың, алтын күн! (күнге қарап бас иеді)
Көгілдір көк аспан! (аспанға қолдарын жаяды)
Бармысың құстарым! (құстарға қол бұлғайды)
Қанатты достарым! (құсша қанат қағады)
Суларым таза ма? (оң қолын оң жаққа созады)
Талдарым аман ба? (сол қолын сол жаққа созады)
II. Үй тапсырмасын тексеру
1.Жануарлар тіршілігі үшін не қажет?
2.Олар немен тыныс алады?
3.Топырақта нелер тіршілік етеді?
4.Топырақтың барлық қуыстарын не толтырып тұрады?
5.Су бетін мұз басқанда ауа өте ме?
6.Балықтар ойыққа не үшін жиналады?
7.Ұзақ су ішпей жүретін жануарды ата.
8.Салқын түссе жорғалаушылар, қосмекенділер, жәндіктер не істейді?
9.Қандай жыртқыш жануарларды білесің?
III. Үй тапсырмасы мен жаңа сабақты байланыстыру.
«Ой қозғау» стратегиясы
Жануарлар тіршілік ету үшін не қажет? (Қорек, мекендейтін орта)
Олай болса, бүгінгі сабағымыздың тақырыбы – Жануарлар немен қоректенеді?
III. Жаңа сабақты түсіндіру:
Ендеше бүгін біздер жануарлардың немен қоректенетінін білетін боламыз.
Құмырсқалар - илеуде тіршілік етеді. Олар зиянды жәндіктермен қоректенеді. Бір илеудің құмырсқалары тәулігіне 20 000 зиянкес жәндікті құртады. Олар бір - біріне көмектеседі.
Аю - қоңыр түсті, аяғы күшті, тырнағы өткір, тісі мықты, ірі аң. Аю алуан түрлі азықтармен - шөппен, ағаш тамырымен, жидек, саңырауқұлақ, жәндіктердің дернәсілімен, балықпен қоректенеді. Бірақ аюдың негізгі азығы - ұсақ аңдар.
Бұлан - Қазақстандағы ең ірі тұяқты жануар. Оның биіктігі 2 метрге, салмағы 600кг-ға дейін жетеді. Еркегінің күрек тәрізді орасан зор мүйізі болады, ұрғашысы мүйізсіз болып келеді. Жазда шөппен қоректенеді, ал қыста ағаш пен бұтаның бұтақтарын жейді.
Түлкі - Қазақстанның барлық жерінде кездеседі. Түлкінің терісі ашық сары, сұрғылт қызыл түс болады. Негізінен тышқандармен, тоқалтіспен қоректенеді. Жерге ұялайтын құстардың ұясын іздеп тауып, жұмыртқасы мен балапандарын жейді
Тоқылдақ – жазда да, қысты да ағаштың діңін тоқылдатумен болады. Ол ағаш қабығының астынан дернәсілдерді жейді. Оның тұмсығы мықты болады, тұмсығымен ағаштың қабығын оңай теседі, сөйтіп саңылаудағы жәндіктерді құртады. Оны «орман дәрігері» деп атайды.
Дәптермен жұмыс. (Тірек-сызба)
Дәптерімізді ашайық,
Қолға қалам алайық.
Қаламменен дәптерге,
Әдемі етіп жазайық!
Дәптерімізді қиғаш қойып, денемізді тік ұстаймыз. Қатесіз, асықпай жазамыз.
Сәйкестендіру сауалнамасы
Тиін-------------- Қарағай ,шыршаның бүрі.
Қанқыз------------ ағаш, бұта жапырақтары.
Құр------------- Ағаш, бұта.
Жұлдызқұрт-------------- Өсімдік бітесі.
Ит----------- ет.
Тауық-----------бидай, жүгері дәндері.
Тиын --------- ---Жаңғақ
Аю -------------Жеміс жидек , бал
Сергіту сәті.
Қобаңдаған аюдың
Құлпынайы көп екен.
Теріп, теріп алайық
Қалтамызға салайық.
Ойын:"Көзім көреген"
Балалар мен сендермен "Көзім көреген" ойынын ойнайық. Тақтада әріптер берілген сол әріптер тізбегінің ішінен жануар атын табамыз. Қолымыздағы фломастермен астын сызамыз.
Жұмбақ шешу:
Екі басы жұдырықтай, Ортасы қылдырықтай.
(Құмырсқа)
Қанаты бар ұшпайды, Жұрт айламен ұстайды
(Балық)
Жер бетінде жатқан арқан, Ұстауға оны бәрі қорыққан.
(Жылан)
Кішкентай ғана бойы бар,
Айналдырып киген тоны бар. (Қой)
Жаз бойы орман кезеді, Жеміс-жидек тереді.
Апан –оның іні
Қысқы ермегі-ұйқы (Аю)
Тоқылдатып мазаны ап ,
Ағаштарды тазалап.
Ормандарды емдейді,
Зиянкесті жазалап. (Тоқылдақ)
Халық «қу» деп,
Қылған күлкі
Айласы көп
Бұл не? (Түлкі)
Екі басы жұдырықтай,
Ортасы қылдырықтай (Құмырсқа)
“Сен білесің бе?
Қызықты мәліметтер
Қолтырауынның майы жасыл түсті болады
Кейбір қарлығаш ұшып бара жатып ұйықтай алады екен
Кенгуру мен Эму артқа қарай жүре алмайды
Төрт тізесі бар жалғыз аң- піл
Құмырсқалар ешқашан ұйықтамайды
Жыландар қоректенбей 3 жылдай ұйықтай алады
Көртышқан күнде өзінің салмағындай мөлшерде қоректенді. Бір нарсе жемесе өледі
Жануарларға байланысты қандай тыйым сөздерді білесіңдер?
Малды теппе
Құмырсқаның илеуін бұзба
Аққуды атпа
VI.Топпен жұмыс :
1 –топ
Жануарлар туралы
Не білеміз?
2 - топ
Жаз мезгіліндегі жануарлар
тіршілігі.
3 - топ
Жануарлар туралы өлең, тақпақтар айту.
VII. Бекіту:«Кім жылдам?»
Балалар "Кім жылдам" ойынын ойнайық. Мен үй жануарларын айтсам, сендер қол шапалақтайсыңдар.(түйе, сиыр, ешкі, қой, жылқы, ит, мысық)
Ал жабайы жануарларды айтсам, аяқтарымызды тыпырлатамыз.(аю, қасқыр, түлкі, қоңыз, қоян, тиын, бұғы, кеміруші)
Тақтада ілінген жануарлардың артындағы сұрақтарға жауап беру
- Артқа қарай жүре алмайтын жануар?
- Төрт тізесі бар жалғыз аң?
- Ешқашан ұйықтамайтын жәндік?
- Тамақ ішпей 3 - жылға дейін ұйықтайтын не? - Қандай жануарлар ұзақ уақыт тіршілік ете алады?
- Жәндік қоректі жануарларды ата? - Жануарлармен қоректенетін аңдар мен құстарды ата.
- Қандай жануарлар ұзақ уақыта сусыз тіршілік ете алады?
-Жәндікқоректі жануарларды ата.
Қорытынды
Бүгін қандай тақырып өттік?
Жануарлардың тіршілік мекендерін ата.
Құрлықта да суда да ерткін тіршілік ететін жануарларды қалай атаймыз?
Бүгінгі сабақ ұнады ма?
«Бағдаршам» әдісі арқылы. [pic]
Мысалы:
• Қызыл түс – түсінген жоқпын; (Сол қолын көтереді)
• Сары түс – түсінген тәріздімен/сұрақтар бар;(Оң қолын
көтереді)
• Жасыл түс – барлығы түсінікті (Шапалақтау)
VI. Үй тапсырмасы: Оқулықта берілген мәтінді оқу.
VIIІ. Бағалау: Жарайсыңдар, балалар! Бүгінгі сабаққа белсенді қатысқан оқушыларға қолымдағы смайликтерді таратамын. Сабақ аяқталды! Сау болыңдар!
Әдіскер:____________
Мұғалім:___________
Баға:______________
