Сабақтың барысы:
Ұйымдастыру кезеңі:
Амандасу. Оқушыларды түгендеу. Оқушылардың зейінін сабаққа аудару. Үй жұмысын сұрау.
2.Негізгі кезең. Бүгінгі сабақтың тақырыбы: «Жануарлар әлемінде».
Балалар, біз бұған дейін өткен Жануарлар әлемінде модулін бүгін қорытындылаймыз. Әртүрлі тапсырмаларды орындап, сайыс түрінде бүгінгі сабағымызды өткіземіз. Сайысымызды бастамас бұрын слайдқа қарап, үй жануарларының аңдардың, құстардың аттарын бір қайталап өтейік (қайталау). (слайд ұсынылған). Алдымен екі топты таныстыру.
1-ші топ- Жүйріктер, 2-топ- Батылдар (мағынасын түсіндіру –жылқы –жүйрік, арыстан-батыл, суреттерін іліп қою) Топ капитандарын жариялау. Сайыс ережелерімен таныстыру, әр сайыста жеңіске жеткен топқа жұлдызша ілінеді, ойын соңында қай топта көп жұлдызша болса, сол топ жеңіске жетеді.
1-сайыс. Орысша сөйлемдерді тез аудару сайысы. Мұғалім екі топқа кезек-кезек сұрақ қояды, топ мүшелері жылдам, әрі дұрыс жауап беруі керек. Жеңіске жеткен топқа екі жұлдызша, артта қалған топқа бір жұлдызша ілінеді.
Сұрақтар: Большая, черная корова. Два индюка ходят. Десять уток лежат. Белый медведь ходит. Трусливый заяц лежит. Большой верблюд стоит. В зоопарке есть лев. В селе есть курица. Красная лиса ходит. В зоопарке есть объезяна. Маленький черный ежик. Маленькая белка сидит. В лесу есть волк. Четыре овца лежат.
2-сайыс. Аңдар мен үй жануарларын жеке-жеке бөліп салу. Үлкен себетте аңдар мен үй жануарлары араласып жатыр, оларды екі себетке бөліп салу керек. «Жүйріктер» тобы үй жануарларын, «Батылдар» тобы тек аңдарды алады, алған жануарлардың атын қазақша атау керек.
3-сайыс. «Вагон құрау» ойыны. Екі топтың әр оқушысына түрлі-түсті вагондар таратылады, олардың артында тапсырма бар- «Түсіп қалған әріпті жаз», оны жазып болған соң, оқушылар вагонды құрайды, қай топ бірінші, әрі дұрыс құрады, сол топ жеңеді, дұрыс орындалмаған вагондар алынып тасталады, вагон саны көп топқа екі жұлдызша, азына бір жұлдызша. Т...лкі Қас...ыр Ешк... Шош...а Мысы... ...йрек Майм...л Ти...н ...теш ...ой Т...йе Үйр...к К...рпі П...л
4-сайыс. «Ненің дауысы?». Аңдарды, үй жануарларын дауыстары арқылы айыру, үнтаспадан аңдардың, құстардың, үй жануарларының дауыстары қосылады, екі топ кезек-кезек ол қай жануардың дауысы екендігін айырады (дауыстар ұсынылған).
5- сайыс. Сөзжұмбақ шешу. Екі топқа сөзжұмбақ беріледі, берілген уақытта екі топ жылдам сөзжұмбақты шешеді, 2-3 минуттық музыка қосып қоюға болады, сол аяқталған кезде оқушылар жазуды тоқтатады. Жауаптарына байланысты жұлдызша ілінеді. (сөзжұмбақ ұсынылған).
6- сайыс. Тест сұрақтарына жауап беру. Екі топтың әрбір оқушысына тест сұрақтары таратылады. Тез, дұрыс жауап берген топ екі жұлдызша, жеңілген топ бір жұлдызша алады. 1. Үй жануарларын тап А) қой, жылқы, түйе Б) қасқыр, түлкі, арыстан 2. Қорқақ аң А) қасқыр Ә) қоян Б) түлкі 3. Күшті аң А) қоян Ә) піл Б) кірпі 4. Үй құстарын тап А) қой, сиыр, ешкі Б) тауық, әтеш, қаз
7- сайыс. Екі топ ауызша бір-біріне сұрақтар қояды. Келесі топ жауап береді. Мысалы, Аю қандай? Піл қандай? Кірпі қандай? т.с.с. (келесі топ аю ақ, піл үлкен деген сияқты жауап қайтарады, бұл жерде оқушылардың сөйлесім әрекетін дамыту жүзеге асырылады)
Сайыс қорытындысын шығару. Жұлдызшаларды санау. Жеңіске жеткен топты құттықтау, оқушылардың ынталандыру үшін мақтау қағаздарын, кішігірім сыйлықтар беруге болады ( қалам, өшіргіш т.с.с. ). Екінші топты да құттықтау.
Үй жұмысын күнделікке жаздыру, 140-153 бет, қайталау. Сабақта алған бағаларын айту. Күнделікке қою. Сабақты қысқаша қорытып, сұрақтар қою. Үй жануарларын ата. Аңдарды ата. Үй құстарын ата. Оқушыларға алғыс айтып, олармен қоштасу.
