1 сыйныфка әдәби укудан эш программасы

33 нче мәктәпнең

беренче квалификацион категорияле татар теле һәм әдәбияты укытучысы

Ахунова Гөлнур Габдулла кызының

1 нче В, З, И сыйныфлары (рус төркемнәре) өчен

әдәби укудан эш программасы

Түбән Кама, 2016 нчы ел

1 нче сыйныфлар өчен әдәби укудан эш программасы түбәндәге документларга нигезләнеп төзелде:

1) Татарстан Республикасы Түбән Кама муниципаль районы “Инглиз телен тирәнтен өйрәнүле №33 нче гомуми урта белем бирү мәктәбе” белем бирү учреждениесенең 2016 нчы елның 3нче августыннан 295нче номерлы приказы нигезендә расланган эш программасы турында нигезләмәсе;

2) Татарстан Республикасы Түбән Кама муниципаль районы “Инглиз телен тирәнтен өйрәнүле №33 нче гомуми урта белем бирү мәктәбе” белем бирү учреждениесенең уку планы һәм 2016-2017 нче уку елының календар уку графигы;

- “Инглиз телен тирәнтен өйрәнүле №33 нче гомуми урта белем бирү мәктәбе” белем бирү учреждениесенең 2014 нче елның 29нчы августыннан 164/3нче номерлы приказы нигезендә расланган төп белем бирү программасының эчтәлеге һәм үзләштерү нәтиҗәләренә таләпләр;

- Россия Федерациясе мәгариф һәм фән Министрлыгының 2009 нчы елның 6 нчы ноябреннән 373 нче номерлы приказы ("Об утверждении и введении в действие федерального государственного образовательного стандарта начального общего образования"); Россия Федерациясе мәгариф һәм фән Министрлыгы тарафыннан расланган 2010 нчы елның 26нчы ноябреннән , 2015 нче елның 31 нче декабреннән 1576 нчы номерлы приказы нигезендәге үзгәрешләр белән;

Эш программасы Р.З.Хәйдәрова, Г.М. Әхмәтҗанова, Л.А.Гыйниятуллина. Күңелле татар теле. 1 нче сыйныф. –Казан, «Татармультфильм» нәшрияты, 2013нче ел УМКын кулланып тормышка ашырыла

1. Әдәби уку предметы буенча укучылардан көтелгән нәтиҗәләр

Укытуның шәхескә кагылышлы нәтиҗәләре:

• укуга карата теләк-омтылыш, җаваплы караш булдыру;

• татар теленә карата ихтирамлы караш булдыру һәм аны яхшы өйрәнү теләге тудыру;

• әйләнә-тирә табигатькә дөрес караш булдыру;

• кешеләр белән аралаша белү культурасы тәрбияләү;

• гаделлек, дөреслек, яхшылык, мәрхәмәтлелек һәм аларның киресе булган сыйфатларны тану, бәяләү;

• алган белем һәм осталыкны тормышта максатчан кулланырга өйрәнү.

Метапредмет нәтиҗәләре:

Танып-белү нәтиҗәләре:

• әдәби әсәрне дөрес аңлап уку;

• дөрес нәтиҗәләр чыгару, гомумиләштерү;

• үз фикереңне исбатлый һәм яклый алырга күнектерү;

• әсәр хакында дөрес фикер йөртә алу.

Регулятив нәтиҗәләр:

• дәреснең темасын, проблемасын, максатын мөстәкыйль таба белү;

• план буенча эшли белү;

• үз фикерләреңне мөстәкыйль дәлилләү;

• үзанализ һәм үзбәя булдыру.

Коммуникатив нәтиҗәләр:

• иптәшеңне тыңлый, ишетә белү, ишеткәнен үз фикере белән чагыштыру;

• нәтиҗәгә килгәнче, төрле карашларны өйрәнү һәм дөрес юлны сайлау;

• үз фикереңне телдән һәм язма формада башкаларга җиткерә белү;

• килеп чыккан проблемаларны уртага салып хәл итү;

• төркемнәргә берләшү, бер фикергә килә белү;

• өлкәннәр һәм яшьтәшләрең белән продуктив уртак гамәл оештыру;

• текст буенча сораулар бирә белү.