Тәуелсіз елім Қазақстан!
Мақсаты: Оқушыларды еліміздің тәуелсіздік алған жылдар ішіндегі жеткен жеңістіктерімен таныстыру,әлем таныған ел екенін дәлелдеу, білімдерін кеңейту.Болашақ ұрпақтың рухани тұлғалық және адамгершілік құндылықтарын дамыту.Отанын сүюге, ел тарихын білуге, еліміздің мемлекеттік рәміздерін қастерлеуге, отанымыздың байлығын қорғауға, елімізді өркендетуге білімді ұрпақ болуға тәрбиелеу.
Көрнекілігі: Қазақ елі суреттері, Қазақстан Республикасының рәміздері: Туы, Елтаңбасы, Әнұраны. Н.Ә.Назарбаевтың суреті.Нақыл сөздер, Қазақстан туралы әндер.
Мұғалім сөзі: Армысыздар құрметті ұстаздар,оқушылар.
Құралбаев С.Е: Мектеп түзел,тік тұр!Қазақстан Республикасының мемлекеттік туы енгізілсін:
-Қазақстан Республикасының әнұраны орындалсын.
Мұғалім:Бүгін оңайлықпен келмеген тәуелсіздігіміздің 24жылдығын атап өткелі отырмыз.Бұл еркіндік оңайлықпен келген жоқ.Қазақ елі еркіндікке жету үшін қаншама қиын-қыстау кезеңдерді бастан кешірді. Мыңдаған жылдық тарихы бар.Қазақстан тәуелсіздік алды. Ал, 1986 жылғы оқиға халықтың есінде мәңгі сақталады.
16 желтоқсанда қазақ жастары Орталық алаңға шығып, Қазақстан тәуелсіздігін талап етті.Осының нәтижесінде 1991 жылы 16 желтоқсанда Қазақстан Республикасы Тәуелсіздігі туралы заң қабылданды.
Айдана Атыңнан айналайын егемен ел,
Тәуелсіз күнің туды кенеле бер.
Мерейің құтты болсын Қазақстан!
Ғасырлар тойы болшы келе берер!
Сұраубай Аружан: Мерекең құтты болсын егемен ел,
Терезең барлық ел мен теңерен ел.
Бабалар мәңгі бақи арман еткен,
Теңдікті,бостандықты иеленгендер.
Балауса: Бостандық құтты болсын ерікті ел,
Айдын көл, көк майсалы көрікті жер
Бостандықты аңсаған батырлардың
Әруағына бас ұрып, тәуеткен жер.
Альбина: Егемен елімнің ертеңі деп,
Елбасы баға берді жастарыма
Оқу оқы, білім ал, елің үшін
Еңбек ет тыным таппай, жан аяма.
Қымбат: Халқымның мақтанышы – алып тұлға.
Әлемнің назары ауды Ақордаға
Бәйтерек–көкке қолын созып тұрған,
Ұқсайды менің асқақ арманыма.
Әскербек Аружан: Ел болдық егеменді, теңдік алып,
Бар әлем қазақ елін болды танып
Қайнауы кенге толы Қазақ елі,
Жыл сайын келеді өсіп қанат жайып.
Қуатхан Аружан: Ел болдық ерік алдық астаналы
Енді кімнен қазағым жасқанады?
Тәуелсіз мемлекеттің шежіресі,
Нұрсұлтанның аты мен басталады.
Хор «Елім менің»
Мұғалім: Кең далалы, кең пейілді қазақпыз,
Құл емеспіз, еркін жанбыз, азатпыз
Ел намысын ешбір жанға бермейіз,
Өмірді алға бастырамыз өрлейміз.
Отан туралы мақал-мәтел білеміз бе?
Мұғалім: Отаным–Қазақстан туған жерім,
Мұнай мен газ болады асыл кенім
Көркейтіп бір өзіңді келе жатқан,
Артамыз ел басына үлкен сенім.
Мұғалім: Бүгін әрбір мемлекеттің ғасырлық тарихына байланысты рәміздері бар.
Мемлекеттік рәміздер–Ту, Елтаңба, Әнұран. Бұл халық бірлігінің белгілері. Мемлекеттік рәміздерді құрметтеу – әрбір азаматтың міндеті.
Ұлжан: Бұлт баспасын күнімді
Тарылмасын өрісім.
Биік ұстау Туымды-
Қасиетті борышым.
Ұлжан: Қазақстан Республикасының мемлекеттік Туы ортасында шұғылалы күн, оның астында қалықтап ұшқан қыран бейнеленген тікбұрышты көгілдір түсті мата. Бұл түс- ашық аспанның,тыныштықтың белгісін көрсетеді. Тудың ортасындағы алтын күн–баршаға ортақ, бәріне нұрын шашып, сәулесін төгеді. Оның жылуы жер бетіндегі бүкіл тіршілік атаулыға ортақ. Алтын күнді қанатымен жебеп, өрге көтер» ұшып бара жатқан қыран құс–ерлік белгісі. Матаның сол жағында ою – өрнегі бар тік жолақ орналасқан. Бұл қазақ елінің әшекейі. Алтын күн, Қыран және ою-өрнек біздің халқымыздың ашық келешегімен бай–берекесі, тыныштықпен байлықтың белгісі.
Ән «Желтоқсан желі» 8-сынып орындауында
Айгерім: Тәуелсіздік көркі олда,
Өркениет өрінде
Нұр төгеді Елтаңба
Ақ Орданың төрінде.
Айгерім: Қазақстан Республикасының мемлекеттік елтаңбасында көгілдір түс аясында шаңырақ бейнелеген.Шаңырақты айнала күн сәулесіндей тарап, уықтар шаншылған. Жарық жұлдыз–Отанымыздың жұлдызы биіктеп, бақыт жұлдызынан нұр шашып тұрғанын бейнелейді.Қанатты тұлпардың баламалық мәні қазақтың аңыз ертегісінен алынған. Аңыз бойынша қанатты тұлпарға мінген алып батыр алты қанат аспанға ұшып, жеті қабат жер астында түсіп халықты қасіреттерден азат еткен, еліміздің азаттығымен жеңімпаздығының белгісі.Бидай сабақтары тоқшылықты, молшылықты білдіреді. Ал төменгі жағындағы «Қазақстан» деген жазу еліміздің ежелден әлемге танымал екенін көрсетеді.
Мұғалім: Кез келген мемлекеттік рәміздің ең маңыздысы - Әнұран. Әнұран мемлекеттік салтанатты ән. Ол халықты әйгілі етеді. Оның сөздерінде халықтың мыңдаған жылғы тарихы, бүгінгі өмірімен келешек арманы айтылған.
Ән «Тәуелсіз Қазақстан»9-сынып орындауында
Мұғалім: Бақтың құсы әр адамға қонып бір
О, Тәңірім, бізді баққа жолықтыр...
Бүгін міне, Тәуелсіздік ағайын,
Әр қазақтың жүрегі боп соғып тұр!
Көрініс: 6-8-9 сыныптар
Ән «Қазақтай ел қайда?» 5-сынып орындауында
Қалым Ұлжанның орындауында «Қазақстаным алға»
Көрініс: 5-сынып
Ән «Атамекен» 6-сынып орындауында
Мұғалім:Көк жүзінде қалықтаған қыранмын,
Бейбітшілік пен бостандық жыр әнім
Самғап жүрсек бостандықта, биікте
Шарықтайды кең көлемде бұл әнім.
Хор «Жаса Қазақстан» 3-сынып орындауында
Хор «Көк тудың желбірегені»
Құралбаев С.Е:Мектеп түзел,тік тұр!
Қазақстан Республикасының мемлекеттік туы салтанатты жиыннан шығарылсын.
Мұғалім: Міне бүгінгі таңда ата-бабаларымыздың қиын жолмен бізге сыйға тартқан тәуелсіздігіміздің арқасында тыныш өмір сүріп келеміз.
Құрметті ұстаздар мен оқушылар тәуелсіздік мерей тойымыз құтты болсын.Амандықта жүздескенше сау болыңыздар!
