Сабақтың тақырыбы: Сан есім.
Сабақтың мақсаты:
1.Білімділік: Оқушыларға сан есім туралы түсінік беру, сан есім заттың санын, ретін білдіретін сөздер екенін түсіндіру, бұрынғы алған білімдерін кеңейту, берік орнықтыру.
2.Дамытушылық: Ғаламшар туралы түсініктерін одан да артық дамыту.
3.Тәрбиелік: Еліміздің ғарышкерлерін құрметтеуге, соларға ұқсап өсуге тәрбиелеу. Көркем,сауатты жазуға баулу.
Сабақтың түрі: саяхат сабақ
Сабақтың типі: өткенді қайталау
Пәнаралық байланыс: математика, ана тілі, дүниетану, сурет, дене шынықтыру
Сабақтың көрнекілігі: Ғарышкерлердің суреттері, Күн жүйесіндегі тоғыз ғаламшардың суреттері.
Сабақтың барысы:
Кезеңдері Уақыт
Мұғалім мен оқушылардың іс-әрекеті
1.Ұйымдастыру.
Психологиялық дайындық
4 мин
Әрбір адам? Туысым, досым, бауырым.
Әрбір сабақ? Үйрену, ұғу, ұлағат.
Әрбір ісің? Тірлік, тірек, адамдық.
Әрбір сөзің? Шындық, бірлік, адалдық.
2. Үй тапсырмасын тексеру.
2 мин
Үйге қандай тапсырма берілді?
Өткен сабақта қандай тақырып өттік?
Сан есім дегеніміз не?
Тағы қандай сөз таптарын білесіңдер?
Сын есім қандай сұрақтарға жауап береді?
Заттың атын білдіретін сөздер қалай аталады?
Етістік деген не?
Дәптерлерін жинап алу.
3. Қызығушы лықты ояту.
Ғаламшарға саяхат.
5 мин
-Күн жүйесінде неше ғаламшар бар?
-Тоғыз ғаламшар бар.
Олар: Меркурий, Шолпан, Жер, Марс, Юпитер,Сатурн Уран,Нептун,Плутон.
Ендеше біз бүгін сол ғаламшарларға саяхат жасаймыз. Осы саяхатқа шықпай тұрып, топқа бөлініп алайық (түрлі-түсті стикерлер арқылы). Әр топ өздерін көліктерін таңдап алсын және топ басшысын сайласын. (Топ басшысы бағалау парақшасы арқылы әр тапсырмаға баға қойып отырады). Топта қалай жұмыс істеу керек? Бір-бірімізге көмектесіп отырамыз.
І топ (Луноход-1) ІІ топ (Интеркосмос-1)
Кәне, бәріміз саяхатқа дайынбыз ба?
Ендеше сәт сапар!
Әр ғаламшар сендерге өз тапсырмаларын дайындапты,біз соларды дұрыс орындап өз білімдерімізді көрсетуіміз керекпіз.
Сұрақтарға ауызша жауап бер.
-Ғарыш әлеміне кім бірінші рет ұшты? (Гагарин Юрий Алексеевич)
-Ғарышқа Қазақстанның қай жерінен ұшады? (Байқоңыр)
-Қазақстаннан ғарышқа қай қазақ бірінші болып ұшты? (Әубәкіров Тоқтар Оңғарбайұлы )
-Тағы қандай ғарышкерлерді білесіңдер? (Мұсабаев Талғат Амангелдіұлы)
Дәптерімізді ашып, бүгінгі күн ретін жазайық та сапарымызды бастайық.
4. Негізгі бөлім
23 мин
Бірінші ғаламшар Меркурий.
Меркурий ғаламшары сендерге мынадай тапсырма дайындапты:
Бағандағы сөздердің төртіншісі артық,қайсысы?
үш дөңгелек қызыл үлкен
үстел барды кітап гүл
жүз жиырма отыз бір тәтті
Екінші ғаламшар Шолпан.
2. Шолпан ғаламшарының тапсырмасы:
Оқулықпен жұмыс.184 – бет.1-жаттығу.
Мәтінді түсініп оқы. Сөйлемдегі цифрларды сөзге ауыстырып, мәтінді көшіріп жаз. Екі сөзден тұратын сан есімнің астын сыз.
Сен білесің бе?
Дронт – Жер бетінен жойылып кеткен құс. Олардың 3 түрі болды. Салмағы – 20 кг. Олар ұша алмайтын. Өсімдіктермен қоректенген. Ұясына 1 ғана жұмыртқа салатын. Оны кезекпен 49 күн басып отырған.
Үшінші ғаламшар Жер.
3. Жер ғаламшарының тапсырмасы:
185-бет. 2-жаттығу. Сурет бойынша мәтін құрастыр. Мәтінге ат қой. Құрастырған әңгімен мәтіннің қай түріне жатады? Сан есімдерді тап. Оларға сұрақ қой. сан есімдердің қай сөз табымен байланысып тұрғанын сызба арқылы көрсет.
Төртінші ғаламшар Марс.
4. Марс ғаламшарының тапсырмасы:185-бет. 3-жаттығу. Берілген сан есімдерді зат есімдермен тіркестіріп жаз. Осы сөздерді қатыстырып бірнеше сөйлем құрастыр.
Жеті, үш, отыз, төрт, мың, тоқсан, жиырма бір.
Бесінші ғаламшар Юпитер.
5.Юпитер ғаламшарының тапсырмасы:
Сергіту сәтін жасау.
Алтыншы ғаламшар Сатурн.
6. Сатурн ғаламшарының тапсырмасы:
186-бет. 5-жаттығу. Өлеңді түсініп оқы. Қойшының қойы қозыларымен қосып есептегенде нешеу болды? Қарамен жазылған сөздерді қандай санмен ауыстырып айтуға болады?
Қанша қойым бар?
Былтыр болды жалқы қойым,
Егіз қозы тапты оным.
Биыл және өзі туды,
Тағы екі қозы туды.
Қос қозысы былтыр туған,
Биыл бір-бір қозы туған.
Сонда бәрі «Неше?» деші –
Жүйріктерің есептеші. (10қой)
Е. Елубай
Жетінші ғаламшар Уран
7. Уран ғаламшарының тапсырмасы: Сематикалық карта.
Сөз тап тары құлпынай
елу бес
дәмді
сағат
барды
аласа
бесінші
оқып отыр
Зат есім
+
+
Етістік
+
+
Сын есім
+
+
Сан есім
+
+
Сегізінші ғаламшар Нептун.
8.Нептун ғаламшарының тапсырмасы:
Бір таңбалы сандарды бір бөлек, екі таңбалы сандарды бір бөлек сөзбен жазыңдар.
20,5, 12, 3, 67, 8, 91,4, 10, 1, 44
Екі таңбалы сандар қалай жазылады? Екі таңбалы сандардың ішінде бір сөзбен ғана берілген қандай сан?
Біртаңбалы сандар: бес,үш,сегіз,төрт,бір.
Екі таңбалы сандар: жиырма, он екі,алпыс жеті, тоқсан бір, он, қырық төрт,
Екі таңбалы сандардың ішінде бір сөзбен ғана берілген сөздер: жиырма, он.
5. Қорытынды бөлім
5 мин
Тоғызыншы ғаламшар Плутон
9. Плутон ғаламшарының тапсырмасы бүгінгі сабағымызды қорытуға арналған. «Қол соғу» ойыны
Ойынның мақсаты: оқушылардың сан есім туралы алған білімдерін тереңдету, айтқанды мұқият тыңдауға үйрету.
Ойынның шарты:
-Мен сендердің нені дұрыс есте сақтап қалғандарыңды тексеремін. Зат есім, етістік, сын есім, сан есімді білдіретін сөздерді айтамын. Сендер тек сан есімді айтқанда ғана қол соғасыңдар.
Мысалы: қала, орамал, үшінші, екі, қырық жеті, ақылды, көйлек, бір, оқырман, жүрді, жүз, кетті, жаз, елеу, алтау т.б
6. Үй тапсырма сын беру
1 мин
4-жаттығу, 185-бет.
7.Рефлексия
2 мин
| 8. Бағалау. | 2 мин | Бағалау парақшасы арқылы топ басшысының бағалауы. |
