Тақырыбы: «Шалқан» ертегісі
Мақсаты: Балалардың өздеріне таныс ертегілерді қысқаша мазмұнын еске түсіре отырып, әңгімелей білуге үйрету.
Білімділігі: Қазақ ертегілері, олардың ерекшелігі, түрлері жөнінде балалардың білімін тексеру.
Дамытушылығы: Балалардың қиялына қанат бітіріп, армандай білуге жетелеу, сөздік қорларын дамыту.
Тәрбиелігі: Мейірімділік, қайырымдылыққа тәрбиелей отырып, халық ауыз әдебиетіне қызығушылық ынтасын көтеру.
Көрнекілігі: Интерактивті тақта, топтастыру сызбалары, ертегі бойынша салынған суреттер, тірек сызбалар.
Түрі: Сахналық.
Әдісі: Шығармашылық жұмыс, сұрақ-жауап, ойын.
Ұйымдастыру кезеңі: Сәлемдесу.
Жұмбақтар шешу: 1. Орманда тұрады өзі бір қу.
Жүрген жері айқай-шу.
(Түлкі)
2. Мұртын сипап күні бойы
Бетін сусыз жуады
Тырсылды аңдып күні бойы
Тышқанды көп қуады.
(Мысық)
3. Адамға серік
Күзетке берік
(Ит)
Авторы (Еркежан): Атай шалқан егіпті. Шалқан үлкен болып өсіпті. Атай шалқанды суырып алмақшы болып ары тартқылайды. Шалқан шықпайды. Атай кемпірін шақырады.
Атай: - Кемпірім, кемпірім көмекке кел!
Автор: Кемпірі көмекке келеді.
Автор: Шалқанды ары-тартқылады, бері тартқылады шалқан шықпай қойды.
Кемпір немересін көмекке шақырады.
Кемпір: Қызым, қызым көмекке кел!
Автор: Шалқанды ары-тартқылады, бері тартқылады шалқан шықпай қойды.
Немересі күшігін көмекке шақырады.
Немересі: Күшігім, күшігім көмекке кел!
Автор: Шалқанды ары-тартқылады, бері тартқылады шалқан шықпай қойды.
Күшік мысықты көмекке шақырады.
Күшік: Мысық, мысық көмекке кел!
Автор: Шалқанды ары-тартқылады, бері тартқылады шалқан шықпай қойды.
Мысық тышқанды көмекке шақырады.
Мысық: Тышқан, тышқан көмекке кел!
Автор: Атай, кемпір, немересі, күшік, мысық, тышқан шалқанды ары-тартқылап, бері тартқылап ақырында жұлып алды.
Қорытынды:
Балаларды мақтап, мадақтау.
