ІІІ ТАРАУ
Туған жерім - тұғырым,
Өскен елім - өзегім.
1. Мына өлең жолдарының қайсысы С. Торайғыровтікі
а. Алты қырды ассам да,
Сөздеріңді сыйлаймын
б. Сұңқылдаған көмейі
Сыбызғының үніндей.
в. Бір құдайға сыйынып,
Кел, балалар, оқылық!
2. Қарқаралы өңірінде туған, Ұлы Отан соғысына қатысқан дүлдүл ақын кім?
а. І. Жансүгіров б. Қ. Аманжолов в. С. Жиенбаев
3. Қай ақын Көкшетаудың сұлулығын жырлады?
а. Қ. Аманжолов б. С. Жиенбаев в. І. Жансүгіров
4. Қай шығармада Қажымұрат қайғылы жағдайға душар болды?
а. «Күләш» б. «Алғашқы кездесу» в. «Дегелеңдегі жарылыс»
5. Табиғат құбылыстарын жандандырып, адам кейпінде суреттеуді қалай атайды?
а. Кейіптеу б. Теңеу в. Бейнелі сөз
6. «Теңіз жыры» өлеңінің авторы
а. Қ. Бекхожин б. Қадыр Мырза Әли в. С. Торайғыров
7. Қай өлеңде М. Мақатаевтың туған жеріне деген ыстық сезімі суреттелген?
а. «Отан» б. «Қайран Қазағым-ай» в. «Туған жер»
8. Еңбекқор Ләйлә қай әңгіменің кейіпкері?
а. «Құмырсқалар» б. «Бақшада» в. «Алғашқы кездесу»
9. Мына өлеңдердің қайсысын Кәкімбек Салықов жазды?
а. «Балқаш таңы»
б. «Боз бие немесе тың көтерген жыл»
в. «Сырдың аппақ күріші»
10. Ұзатылатын қыз киетін үшкіл бас киім.
а. атыз б. сәукеле в. кебіс
11. «Ақ боран» әңгімесі қалай басталады?
а. Жадырап көктем туды. Қар қауырт еріді де, аз күнде төңірек қарайып, құрғап шыға келді.
б. Қасымның үйі таудағы отарда тұрады, өзі бауырдағы мектеп-интернатта оқыды.
в. Ол кезде менің аядай ауылым Сарыбел жазығында отыратын.
12. Сағи Жиенбаев қашан дүниеге келді?
а. 1948 жылы б. 1950 жылы в. 1934 жылы
13. Мына өлең жолдарын кім жазған?
Адам да, мал да өзінше
Жүр жадырап далада.
Жаңа жылды қарап тұр
Кәрі де, жас та, бала да.
а. Т. Айбергенов б. С. Жиенбаев в. С. Сейфуллин
14. «Тасбақаның шөбі» әңгімесі қалай басталады?
а. Міне, керемет!
б. Қарабала атқа қонды.
в. Ауылдың алдындағы қара жол қақырай сөгіліпті.
15. Бала Абай қай әңгімеде суреттелген?
а. «Бүлдірген тере барғанда»
б. «Қарабатыр»
в. «Ормандағы оқиға»
Жауап кілті
ІV ТАРАУ
Әдептілік, ар - ұят – адамдықтың белгісі
1. Абай сөзіндегі күллі адам баласын қор қылатын нәрселер надандық, еріншектік және ...
а. жеңілтектік б. ынсапсыздық в. залымдық
2. «Жаңа шыққан жастарға» өлеңінің авторы
а. Ғұмар Құраш б. С. Торайғыров в. Н. Айтов
3. «Үмітпенен жоқ қуған» деп қай өлең басталады?
а. «Жаңа шыққан жастарға»
б. «Оқып жүрген жастарға»
в. «Алтын сөз»
4. Шығыс Қазақстан облысы, Катон – Қарағай ауданында туған жазушы кім?
а. Баубек Бұлқышев
б. Оралхан Бөкей
в. Ақселеу Сейдімбеков
5. «Ана» әңгімесінің авторы
а. О. Бөкей б. А. Сейдімбеков в. Б. Бұлқышев
6. Әйел – Ананың Күншуақ елін аман алып қалғандығы туралы хикаяны кім жазды?
а. А. Сейдімбеков б. М. Сәрсеке в. Б. Соқпақпаев
7. Нан туралы өлеңді кім жазды?
а. Н. Айтов б. Ф. Оңғарсынова в. К. Сауғабаев
8. Қай әңгімеде ағылшын оқымыстысы Джеймс Чедвиктің ашқан жаңалығы туралы айтылған.
а. «Компас» б. «Ғажайып сәуле» в. «Жылқы»
9. М. Әуезовтің тілімен айтқанда, «оқыған азаматтың тұңғышы, қазақ халқының алғашқы көсемі» кім?
а. А. Байтұрсынов б. С. Сейфуллин в. Ө. Тұрманжанов
10. «Аққу, шортан һәм шаян» мысалындағы ой қай мақалға қатысты.
а. «Ойыннан от шығады»
б. «Бірлік түбі – тірлік»
в. «Еңбектің наны тәтті,
Жалқаудың жаны тәтті».
11. Мына кейіпкерлердің қайсысы «Компас» әңгімесінде кездеседі?
а. Темір, Бақыт
б. Қайырболат, Жапар, Жеңіс
в. Қанат, Бодан, Мәкетай
12. Қаһарманның өзімен - өзі сөйлесуі
а. Диалог б. Монолог в. Пейзаж
13. Мына мысалдардың қайсысын Адырбек Сопыбеков жазды?
а. «Сапар мен парта»
б. «Ара мен шыбын»
в. «Аққу, шортан һәм шаян»
14. Мына авторлардың қайсысы жылқышы туралы өлең жазды?
а. М. Жұмабаев б. Н. Айтов в. Ө. Тұрманжанов
15. «Оны Рим, Картова, София, Нью – Йорк, Токио ... дүниенің төрт бұрышы түгел біледі. Ол да сен сияқты ауылдың қара домалақ баласы болатын ...» Әңгімеде кім жайында айтылған?
а. Сәкен Жүнісов б. Ғұсман Қосанов в. Шона Смаханұлы
Жауап кілті
V ТАРАУ
Менің алыстағы достарым
1. Әлемге әйгілі жазушы Шыңғыс Айтматовтың ұлты
а. қазақ б. өзбек в. қырғыз
2. «Атадан қалған тұяқ» әңгімесі қалай басталады?
а. «Ол жарық дүниеге келгелі туған әкесін тұңғыш рет кинодан көрді».
б. «Біздің кемеміз Африка жағасында зәкір тастап, тоқтап тұр еді».
в. «Арғынның атасы арбаға күрең биесін жегіп алып, шөпке баратын».
3. Қай әңгімеде матростар, артиллирист туралы айтылған?
а. «Айша айтқан ән еді»
б. «Акула»
в. «Үш жігіт туралы хикая»
4. «Бөстек» деген не?
а. кішкене доп б. кішкене жастықша в. кішкене үй
5. Эрнест Хемингуэй қай елдің жазушысы?
а. АҚШ б. Франция в. Германия
6. Э. Хемингуэйдің әңгімесі қалай аталады?
а. «Шал мен ит» б. «Шал мен теңіз» в. «Шал мен бала»
7. «Құмырадағы балақан» Қай елдің ертегісі?
а. Жапон елі б. Үнді елі в. Қытай елі
8. Әзілкеш Мюнхаузен қай елдің қаһарманы?
а. Америка Құрама Штаттары
б. Германия
в. Жапония
9. «Мені тек дала кезіп, тоғай аралаған екен деп ойлай көрмеңіз. Менің жұмыр басым не көрмеді дейсіз» деп қай әңгіме басталады?
а. «Дауыл»
б. «Қайтпас, қайсар қалайы солдат»
в. «Китпен кездесу»
10. Не Мауглиге өш еді?
а. Багира б. Шер – Хан в. Акела
Жауап кілті
Пайдаланылған әдебиеттер тізімі:
Жалпы білім беретін мектептің оқу бағдарламасы
(1- 4 –сыныптар, Алматы 1997жыл)
2. С. Рахметова, Т. Әбдікәрімова, Б. Қабатаева Ана тілі 4-сынып, Алматы «Атамұра» 2004ж
3. Ана тілі 3-сынып
4. «Бастауыш мектеп» журналдары.
