Конспект урока по крымскотатарскому языку Й, й арифлерини язув. «ЙИП», «ЙЫЛДЫЗ» сёзлерни талиль этюв.

Дерс____

Мевзу: Й, й арифлерини язув. «ЙИП», «ЙЫЛДЫЗ» сёзлерни талиль этюв.

Макъсат: Й, й арифлерини язмагъа огретмек. Сес-эджа талиль къабилиетлерини илерилетмек. Язувда гьайрет, джыйнакълыкъ тербиелемек.

Дерснинъ донатмасы: язув дефтери, ресимлер, джедвеллер, арифлернинъ нумюнеси, тахта.

Дерснинъ кетишаты.

1. Тешкилий дакъкъа.

2. Таянч бильгилерини актуаллештирюв.

   1. Субет.

• Хатырланъыз, окъув дерсинде насыл арифни огрендик?

• О насыл сес бильдире? Онынъ характеристикасыны беринъиз.

  2. Сёзлернинъ сес-эджа талили.

Оюн «Арифлер къарышкъан».

• Эки сёз тапынъыз.

«ЙИП», «ЙЫЛДЫЗ» сёзлерни талиль этюв.Схемала-рыны тизюв.

3. Дерснинъ мевзусыны ве макъсадыны еткизюв.

4. Янъы мальземени анълатув.

   1. Уфакъ й арифнинъ язылувыны талиль этюв ве анълатув. Уфакъ й арифи уфакъ и арифи киби языла, амма бир элементнен фаркълана. Бу элемент - бираз ортасында аша тарфкъа батыкълы сызычыкътыр. О эки элементнинъ ортасында иш сатырнынъ тёпедеки сызыгъы устюне языла.

Бойле саювнен языла: «Ве-бир-ве-эки-ве-учь».

3. 2. Пармакъ гимнастикасы

ЙИП

Узун йип бизге керек,

Йипчик уаймакъ керек.

Мына кетен йипчиктен

Япылды чёль чечек.

3. 3. Мустакъиль язув.

   4. Уфакъ й арифни башкъа арифлернен берабер язув.

   5. Физдакъкъа.

   6. Баш Й арифнинъ язылувыны талиль этюв ве анълатув.

Баш Й арифи баш И ариф киби языла, амма бу ариф учюнджи элементнен фаркълана. Бу элемент - бираз аша тарафкъа ортасында батыкълы сызыкътыр. О сагь тарафкъа арекетнен языла. Учюнджи элемент тёпедеки ара сатырнынъ сызыкъ устюне ве ильк язылгьан эки элемент арасына къоюла. Бойле саювнен языла: «Ве-бир-ве-эки-ве-учь».

3. 7. Мустакъиль язув.

   8. Баш Й арифни уфакъ й арифнен берабер язув.

   9. Дефтердеки вазифелернен чалышув,

   10. Сёзлер язув.

«Йип», «йылан» сёзлерни тахтадан кочюрип язув.

V. Дерснинъ нетиджеси.

• Насыл арифнен таныш олдыкъ?

• Анги арифнинъ язылувына бенъзей?

• Насыл фаркъы бар?