Пәні:Қазақ тілі 3-сынып
Тақырыбы: Сөйлем мүшелерінің байланысы
Сабақтың мақсаты: Сөйлем туралы алған білімдерін арттырып кеңейту, сөйлем ішінен тұрлаулы мүшелерді тауып, дұрыс сұрақ қоя білуге дағдыландыру, қай сөзбен байланысып тұрғанын ажырата білуді қалыптастыру. Шығармашылық ойлау қабілетін дамытып, сөздік қорларын, тілдерін жетілдіру. Сөйлем мүшелерінің байланысын іс-жүзінде меңгереді; Дамытушылық: Оқушылардың ойлау қабілеттерін, сөздік қорларын молайту; мәнерлеп сөйлеуге , көркем жазу дағдыларын арттыру. Тәрбиелік: үлкендерді сыйлауға, өз тілін құрметтеуге тәрбиеленеді. Білімді, ынталы болуға, елін, табиғатты сүюге тәрбиелеу.
Сабақтың түрі: ашық сабақ
Сабақтың әдісі: түсіндіру, талдау, әңгімелесу, жинақтау, ойлау,сұрақ-жауап, бағалау,жұптық,синквейн,венн диаграмма, жұптар бірін-бірі бағалау
Сабақтың көрнекілігі: кестелер, мақалдар, нақыл сөздер, қима қағаздар, оқулық.
Пәнаралық байланыс: әдебиеттік оқу, дүниетану
Сабақтың барысы: 1. Ұйымдастыру кезеңі.
2. Психологиялық дайындық:
- Қайырлы күн достым, Қайырлы күн болсын.
Біздің алар бағамыз , Кілең бестік болсын!
– Қазір қандай сабақ екенін еске түсірейік:
Қазақ тілім – өз тілім, ана тілім
Абай, Мұхтар сөйлеген дана тілім.
Қастерлейді ұл-қызың мәңгі сені,
Болашағым, бақытым, дара тілім.
3. Үй жұмысын тексеру: 82-жаттығу . Сөйлем мүшелеріне талдау.
4. Жаңа сабақ. Дәптерлермен жұмыс. Бүгінгі күнді жазу.
- Көркем жазу минуты: Пп Пенал ........
- Сөздік жұмыс: Сөздерді қатесіз көшіріп, сөз құрамына талдау: 1-жұп алғашқы алты сөзді, 2-жұп келесі алты сөзді.
Ұшақ, үшінші, жүрді, дәмді, жылдар, оқыды, көгілдір, жаңалықтар, кітапхана, Досжан, әсемпаз.
5. «Бой сергіту» - ойыны. Өткенді қайталау:
- Сөйлем нені білдіреді?
- Сөйлем нелерден тұрады?
- Сөйлемнің бірінші сөзі қалай жазылады?
- Сөйлем мүшелері дегеніміз не?
- Бастауыш деген не? – сұрақтары - ?
- Баяндауыш деген не? – сұрақтары -?
- Тұрлаулы мүшелер деген не?
- Тұрлаусыз мүшелер деген не?
6. Бүгін сөйлем мүшелерінің байланысын анықтауға үйренеміз.
Тақтада сөйлем: - Мен туған елімді сүйемін.
Тапсырма: тұрлаулы және тұрлаусыз мүшелерін тауып, сөйлем мүшелерінің байланысын сызбамен көрсетіңдер. ( жұптық жұмыс)
- Біз қай елде тұрамыз?
- 16 желтоқсан қандай күн?
- Тәуелсіздік алғанымызға неше жыл болады?
- Әңұранның авторлары кім? - Елтаңбаның авторлары кім?
- Туымыздың авторы кім?
7. Оқулықпен жұмыс. 84 бет. 84-жаттығу
1 жұп– 1-ші жұмбақты шешеді;
2 жұп – жұмбаққа сөйлем құрайды
- Сергіту сәті: Қоян шықты далаға
Жан-жағына қарады
Отырды, тұрды, секірді,
Орнына келіп отырды.
8. Ауызша жаттығу Ребусты шешу. ( Шаңғы). Осы сөзбен сөйлем құрастыру.
9. Жазбаша жаттығу 88-жаттығу Сөйлем құрап, сөйлем мүшелерінің байланысын сызбамен көрсету.
10. Жатқа жазу. Мақал: Ақыл жастан шығады,
Асыл тастан шығады.
Әр жұптар мақалдың мағынасын ашу.
11. Өз бетінше 89-жаттығу Жазбаша.
12. Шығармашылық жұмыс: Мәтінді аяқтап жаз:
Қыс келді. Малшылар малдарын қораға кіргізді. ..............................................................................................................
• Жазбаша мәтін құрылуының бес жолды стратегиясы бойынша жұмыс.
Тақырыбы: «Табиғат»
Қорытынды: - Сөйлем мүшелерінің байланысын қалай анықтауға болады? - Венн диаграмма құрастыру :
Рефлексия «Күн сәулелері» - Барлығымыз өзімізді күн сәулесіміз деп елестетіп көрейік. Әрбір күн сәулесіне бүгін сабақта не білгеніңді жазып іл.
Бағалау. Жұптар бірін-бірі бағалау
Үйге тапсырма: 86-жаттығу84 бет.
