Қысқа мерзімді жоспар
Сабақтың тақырыбы:
Астанаға ақ бата.Бата сөз. Диқан Әбілев
Пәні:
Әдебиеттік оқу
Мақсаты:
Астанаға берілген бата мәтіні арқылы, бата сөздердің мағынасын ашу.
Күтілетін нәтижелер:
Пәндік нәтиже:Мәтін мазмұны мен идеясын ашуға, батаның мазмұнына мән бере отырып, талдауға мүмкіндік беру.
Жүйелі іс-әрекет нәтижесі: Жұпта, топта және өз бетімен жұмыстану дағдыларын дамытып, тез, өнімді жұмыс арқылы уақытты пайдалана білу мүмкіндігіне дағдыландыру.
Тұлғалық нәтиже: Өзгенің де пікірін тыңдауға мәдениетті сөйлеуге,сауатты жазып, тіл байлығын арттыруға жағдай жасау.
Керекті жабдықтар:
Оқулық, Астананың суреттері, слайдтар, автордың портреті, постер, стикер.
Сабақ барысы:
Сабақ кезеңдері
Мұғалім әрекеті
Оқушы әрекеті
Кіріспе
2 мин.
5 мин.
І. Ұйымдастыру бөлімі
1. Нақыл сөз. 2. Бата сөз. 3.Мақалдар топшамасы бойынша топқа бөліну
II. Үй тапсырмасын тексеру. «Серпілген сауал»
Оқушылар шеңберде тұрып, бір-біріне доп лақтыру арқылы үйге берілген тапсырманы қорытындылайды.
Оқушылар сабақ басынан қимыл-қозғалыспен бастап, көңіл-күйлері көтеріледі.
Допты лақтыра отырып, ұтып алған оқушы өлең шумағын немесе мақалды айта береді.
Тұсау кесер
1 мин.
1 мин.
2 мин.
ІҮ.Жаңа сабақ. «Бата беру»
тақырыбында видеоролик қарау
Бата беру — [link] Бата сөздер жаттап келу
Күнделіктеріне жазып алады.
Рефлексия
«Сабақ соңындағы сезімім»
Әр оқушы , өзінің сезімін білдіретін суреттің тұсына барып тұрады.
Сабақ бойынша өзіндік талдауым:
Сабақ жоспарын жеті модульді ықпалдастыра отырып құрдым. Сынып оқушыларын ауыз әдебиетінің озық үлгілерін ала отырып,үш топқа біріктірдім.Топтық жұмыстың ережесін қайталай отырып, орындарын ыңғайлап сайлап алуына жағдай жасадым.Табыс критерийін анықтай отырып, басталған сабағым диалогтік оқыту әдісін қамтыды. Оқушылар сабақта не істейтініміз жөнінде айтты.Олардың жауабына өз үлесімді қоса отырып, қосымша ақпараттарды да қостым. Үй жұмысы «Серпілген сауал» допты оқушыларға лақтыра отырып, жауап алудан басталды. Бұл ойынды дөңгеленіп, тұрып орындадық. Алдыңғы тақырыптың толық меңгерілгені айқындалды. Оқушылар Жеті ата- жеті байлық өлеңдері бойынша ұнаған шумақтарын жатқа айтып, «жеті» санына байланысты мақалдарды көптеп орындады. Оқушыларға формативті бағалауды қолданып, мадақтама, қолпаштау білдіріп отырдым. Сыныптағы А деңгейіндегі Н. оқушы мен В деңгейіндегі А. деген оқушылар белсенділік танытты. С деңгейіндегі О. Атты оқушым, жоғарғы деңгейдегі мақалдарды айтса, С пен С атты оқушылар жеті атасын жазып әкеліп таңқалдырды. өткен сабақ осылайша қорытындыланып, жаңа сабақты видеоролик қараудан бастадық. Бұл жерде ой шақыру сәтін АКТ –ны қолдана отырып, уақытты үнемдеп, әрі танымдық қабілеттерін шыңдадым деп есептеймін.Ролик арқылы бата ұғымын қалыптастырдым. Бата қай кездерде беріледі? Деген сұрақтарға С. Есімді оқушым, алыс сапарға аттанған кезде десе, З. есімді оқушым екі жас үйленгенде деген жауап қайырды. А. есімді оқушы дастарханға берілетін бата болады десе, Ж. есімді оқушы бесіктегі балаға берілетін бата түрі болады деп нақтылады. Бата сөзіне нақты сауатты түрде түсінікті өзім беріп, ережесін түсіндірдім. Жаңа тақырыппен күн жадын жаза отырып, оқулықтағы мәтін мен оның авторына тоқталуды жөн көрдім. Авторы туралы түсінікті оқулықтан оқыды, интерактивті тақтадан қосымша мәлімет алды. Ол жұмысты жұпта талдады. Жұптық жұмыста Д. атты оқушым ешқандай түсінігін айтпай, көршісінде тыңдамай отырды. Сабаққа немқұрайлы қарап отырды. Жұптық жұмысты талдай отырып, оқулықтағы мәтінді мәнерлеп, нақышына келтіре тізбектеп оқу жұмысын жүргіздім. Сынптағы З. Ж. С. О. А. Ә. Есімді оқушылар өте жоғарғы деңгейде мәнерлеп оқып берді.Астанаға берілген ақ батаның мән-мазмұнына тоқталып, жіктеп , талдадық. Содан соң шығармашылық тапсырмалар ұсынылды. Оқушылар топта жұмыстанды. «ертеңгі Астана» туралы мәліметтерді ресурс парағынан ала отырып, постерге орналастырды. Әр топ өз спикерлерін сайлап, олар түсіндіру жұмыстарына дайындалды. Берілген уақыт аяқталған кезде топ жұмыстары қорғалды. 1-топта спикер: З. аттты оқушы, 2-топта Д. атты оқушы, 3-топта О. атты оқушы топтың жұмысын жақсы жеткізді.Әр топтың жұмысы «Екі жұлдыз,бір ұсыныс» бағалауы арқылы жүзеге асырылды. Бұл жерде балалар, жай сөйлеммен ғана қысқа қайырған. Осы жерде оқушылардың кең ауқымды, жан-жақты талдауға үйрету керектігін өзіме түртіп алдым. Бұл жерде 2- топтан таңдалып тұрған спикер Д. оқушының дауысы жай болатын. Дауысының жай екенін ескертіп, бірнеше ұсыныс жазылыпты.Постерді қорғаған соң, сабақты қорытындылауға арналған сұрақтарға жауап берді. Қорытынды сұрақтарға белсене жауап берген С. А. М. Б. Д. есімді оқушылар. Әр топтағы оқушыларды бағалаушылардың кестесіне сай бағасын қойдым. Сабаққа қатысқан 24 оқушының 15-і бағаланды. 10 оқушы «5» деген баға алса, қалғаны «4» деген бағаға ие болды. Үйге тапсырмаға бата сөзді жаттау берілді. Рефлексияға «Сабақ соңындағы сезімім» атты баспалдақ арқылы кері байланыс ұйымдастырдым. Барлық бала жоғары сатыда орналасқан баланың қасына барып тұрды. Сабақ соңында С атты оқушы бата беріп, сол батағы барлығы қол жайды. Бұл сабақты барлығы меңгерді деген қорытындыға келдім.
Сабақ бойынша өзгертулер:
Келесі сабақта «Галерея» әдісін жеңіл тақырып бойынша алуды ұйғардым.
№ 43 орта жалпы білім беретін мектеп
Қысқа мерзімді жоспар:
Әдебиеттік оқу.
Тақырыбы: «Астанаға ақ бата»
Мырзашева Н.С.
