Тәрбие сағатының тақырыбы: Мен өз елімнің патриотымын.
Мақсаты:
Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу.
1. Ұйымдастыру.
• Аспаны ашық еліміздің,
Көркі сұлу жеріміздің,
Біз-бақытты баламыз!
Ақпыз,қара, сарымыз,
Ағайынбыз бәріміз!
2. Мұғалімнің кіріспе сөзі:
-Отан – әр адамның жүрегіне жылы тиер қасиетті сөз.Отан –сенің туған елің, туған жерің, дос –жарандарың, туған туысқаның. Отан- бұл өзіңнің тұратын, өмір сүретін, қызмет ететін жерің. Отан адам үшін біреу ғана. Отанды анаға теңейді. Себебі, Отан сендерді анаңдай қорғайды, көмектеседі, күш береді.Біз Отанымызды, елімізді сүйеміз. Біз, Қазақстанның патриотымыз!
Отан деген не, кім қалай түсінеді?
Көп аузынан түспейтін,
Отан деген немене?
Оның тұлға түс кейпін,
Достым білгің келе ме?
Хор: «Ән ұран»
Балалар, Отан дегеніміз не?
Оқушы: Отан өз елің, туып өскен жерің.
Біз қай мемлекетте тұрамыз?
Оқушы: Қазақстан мемлкетінде
Ел басымыздын аты кім?
Оқушы:
Назарбаев Нұрсұлтан Әбішович
Қандай қалаларды білесіндер?
Оқушы:Астана, Алматы, Өскемен, Семей т.б.
Астанамыз қай қала?
Оқушы:Астана қаласы
Валютамыз қалай аталады?
Оқушы:Теңге
Сондай- ақ осы жолы өткен РИО олимпиядасы жөнінде не білесінде?
Оқушы: Қазақстанның олимпиадалық қоржыны, осы жылғы медальдармен қоса есептегенде, 69 медальге жетті. Біздің елде 1992 жылдан бері жазғы және қысқы олимпиаданың 19 чемпионы, 22 күміс, 28 қола медаль иесі бар», – деп атап өтті Нұрсұлтан Назарбаев.Олимпияда Бразилия мемлекетінде өтті.
Естеріңде қалған спортшыларды атайық.
Оқушы: Айта кетейік, Олимпиада чемпионы атағын ауыр атлет Нижат Рахимов, суда жүзуші Дмитрий Баландин және боксшы Данияр Елеусінов жеңіп алды.
Күміс медальға дзюдошы Елдос Сметов, ауыр атлет Жазира Жаппарқұл, боксшылар Василий Левит пен Әділбек Ниязымбетов, сондай-ақ палуан Гюзель Манюрова қол жеткізді.
Қола медальді дзюдошы Отгонцецег Галбадрах, ауыр атлеттер Фархад Харки, Карина Горичева мен Александр Зайчиков, жеңіл атлет Ольга Рыпакова, палуандар Эльмира Сыздықова мен Екатерина Ларионова, боксшылар Иван Дычко мен Дариға Шәкімова алды
- Біздің Отанымыз – Қазақстан Республикасы. Сан ғасырлар бойы ата-бабаларымыз жерін жаудан қорғап, бүгінгі ұрпақ, бізге жеткізді. Қазақстан жер көлемібойынша 9 орында тұр.Қазақстанда үлкен қалалар көп. Олар: Алматы, Астана, Қарағанды, Шымкент, Көкшетау, Қостанай, Ақтау, Павлодар, Ақтөбе, Тараз, Қызылорда, Өскемен, Семей, Талдықорған. Бұлар – әдемі қалалар.
Астана- Отанымыздың бас қаласы, астанасы.Ол Есіл өзенінің жағасында орналасқан. Астана қаласын қазір бүкіл ел біледі. Қазақстан-тәуелсіз, егеменді, көп ұлтты мемлекет. Онда қазақтар, ұрыстар, ұйғырлар, өзбектер, корейлер, украйндер және тағы басқа ұлттардың өкілдері тұрады. Олар тату-тәтті, бірлікте өмір сүріп жатыр.
- Мемлекеттік тіл-қазақ тілі. Қазақ тілін білу-әрбір қазақстандық азаматтың борышы.
Сондай-ақ мемлекетіміздің өз Ата заңы бар. 1993 жылы 28 қаңтарда ҚР тұңғыш Конституциясы қабылданды. 1995 жылы 30 тамызда еліміздің жаңа конститутциясы қабылданды.Адамның өмірін, денсаулығын, тыныштығын мемлекетіміздің Ата заңы қорғайды.
1992 жылы ҚР мемлекеттік рәміздері қабылданды. Олар: ту, елтаңба, гимн.
Қазақстан Республикасының мемлекттік Туы.
Ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Алтын күн, қыран және ою-өрнек біздің
халқымыздың ашық келешегі мен берекесі, тыныштық пен байлықтың белгісі.
Қортынды: - Міне, балалар, бүгін өздеріңді Тәуелсіз еліміздің болашағы екендеріңді, яғни, нағыз азамат екендіктеріңді көрсете білдіңдер. Белгілі ақын атамыз Ж. Молдағалиев:
Өткеніңді еске алсаң,
Өскеніңнің белгісі.
Өткеніңді ұмытсаң,
Өшкеніңнің белгісі,
- деген екен. Сондықтан, халқымыздың бүгінгі уақытқа дейінгі жеткен жетістіктері өздеріңе аманат. Сондай-ақ, еліміздің егемендігін танытатын ресми ерекшелік белгілері: Ана тіліміз, Елтаңбамыз, Туымыз, Ата заңымыз, Әнұранымызды бойындағы бойтұмарындай сақтап қана қоймай, қашанда еліміздің, жеріміздің еркіндігін сақтар мықты ұрпақ, мықты азамат болатындарыңа сенімім мол. Жолдарың ашық, жарқын болсын, Тәуелсіз елдің азаматтары!
