Открытый урок на тему Өрнек. 10-а (1класс)

Күні:

Сынып: 1

Пән: математика

Сабақтың тақырыбы: Өрнек 10 - а
Сабақтың мақсаты:
1. Білімділік: Әріпті өрнектердің мәнін таба білуге, амалдарды орындауға қалыптастыру. Есептің шартына байланысты сұрақтар қоя білуге, шешуін табуға үйрету.
2. Дамытушылық: Оқушылардың білім деңгейлерін арттыру. Логикалық ойлау, шығармашылық қабілеттерін дамыту. Жылдам есептей білу қабілеттерін арттыру, нығайту.
3. Тәрбиелік: Оқып, білім алуға талпынуға, ізденімпаздыққа баулу. Еліміздің көркейіп, дамуына үлесін қосатын, білімді азаматтар болуға тәрбиелеу.
Сабақтың көрнекі құралдары: смаилектер, карточкалар, суреттер (құстар, жануарлар, алма, гүлдер,
Сабақтың әдіс - тәсілдері: Түсіндіру, сұрақ - жауап, ойын, «мозаика», «бағдаршам»
Сабақтың түрі: жаңа сабақ.
Пәнаралық байланыс:

Сабақтың барысы:

І. Ұйымдастыру кезеңі.

Оқушылармен амандасып, түгендеу, сабаққа дайындығын тексеру.

Психологиялық дайындық:

Қонақ күту – салтымыз,
Оқып, біліп жатырмыз.
Келген қонақ сіздерге,
Сәлем бердік жалпымыз.

• Күлімде күн, күлімде,

Күлсін барлық бала шат.

Берекелі бүгіндей,

Бейбіт болсын болашақ, - дей келе, бүгінгі сабағымызды бастаймыз.

ІІ. Үй тапсырмасын тексеру. (ауызша тексеру әдісі)

(Тақтаға аю мен пілдің суреті ілінеді)

• Балалар, қараңдаршы бізге бүгін көптеген қонақтар келіп отыр. Солардың бірі аю мен піл. Олар екеуі алма бағынан алма теріп келе жатып, жолда алмаларын шашып алыпты. Оларға алмаларын жинауға көмектесеміз бе?

• Ендеше, санды өрнегі бар алманы аюдың себетіне, ал әріпті өрнегі бар алманы пілдің себетіне салуымыз керек.

• Сонымен, балалар, санды өрнек дегеніміз не?

• Ал әріпті өрнек дегеніміз ше?

ІІІ. Жаңа сабақ.

• Мына үстелден әрқайсымыз бір бөлшектен алуымыз керек. Кезектесіп, тақтаға бөлшектерді қосамыз. Ненің суреті шықты? (қарлығаш)

• Далада қай мезгіл? (көктем)

• Көктеммен бірге елімізге нелер оралады? (құстар)

• Осындай құстардың бірі – қарлығаш. Қарлығаш құсы туралы не білеміз? (Қарлығаш киелі құс. Оның құйрығы айыр болады.)

• Бүгінгі біздің сабаққа да қарлығаш ұшып келіпті. Кәнекей, оның бізге не әкелгенін көрейік. (10 – а)

• Бұл, біздің бүгінгі сабағымыздың тақырыбы. Біз сендермен сабақта 10 – а деген өрнекпен танысамыз және әріпті өрнекті санды өрнекке айналдырып, мәнін табамыз.

• Барлығымыз дәптерімізді ашамыз және бүгінгі күнді және сабақ тақырыбын жазамыз. (дәптермен жұмыс)

Кітаппен жұмыс. 167 бет.

• №1. Кестені толтыр. (дәптермен жұмыс)

  Бізге 10 – а деген өрнек берілген. Осы өрнектің мәнін табу үшін, не істейміз? (а-ның орнына сандарды қоямыз)

• Ендеше, бір-бірлеп тақтаға шығып өзімізге ұнаған гүлді таңдаймыз және оның артындағы санды а-ның орнына қойып, өрнектің мәнін табамыз.

  №3. Есепті шығар. (дәптермен жұмыс)

  Аулада 6 қарағай және 4 қайың өсіп тұр. Аулада неше ағаш өсіп тұр?

  • Есептің шартын оқимыз. Есеп неден тұрады? (шарты, сұрағы, шешуі, жауабы)

  • Дәптерімізді ашамыз да, есептің шартын жазамыз. Сұрағын белгілейміз. Шешуін табамыз да, жауабын жазамыз.

  №2. (дәптермен жұмыс)

  а мен 1 сандарының қосындысын жаз. а-ның орнына бір таңбалы қандай сандарды қоюға болады? Мәні ең үлкен және мәні ең кіші санды өрнектерді жаз.

  • Балалар, бізге а + 1 деген қосынды берілген. Бұл әріпті өрнекті санды өрнекке айналдырып, мәнін табуымыз керек. Ол үшін не істейміз?

  • Әріптің орнына сандарды қоямыз.

  • Сендердің алдарыңда 0-ден 9-ға дейінгі сандар берілген. Осы сандарды а-ның орнына қойып, мәнін табуларың керек.

  • Енді, сендермен карточкалық жұмыс жүргіземіз. Әрқайсысыңа логикалық тапсырмалар берілген, осы тапсырмаларды жылдам, әрі дұрыс орындап шығуларың керек.

  Логикалық тапсырмалар:

  1. Ағашта 4 құс отыр, 2 торғай, қалғаны қарға. Неше қарға отыр? ( 2 ) 

  2. Терезеде үш жасыл қызанақ жатыр еді, бір күннен кейін олар қызарды. Неше жасыл қызанақ қалды? ( 0 )
  3. Сен, мен және ол. Нешеуміз? ( 3 )
  4. Аслан 4 жаста, Дариға 9 жаста. Кім үлкен, кім кіші? ( Аслан кіші, Дариға үлкен )
  5. Көлден ұшты 7 қаз
  Қайтып қонды 2 қаз
  Қонбады оның нешеуі? ( 5 )

  - Әрқайсымыз бір сұрақтан оқып, жауабын береміз.

  Сергіту сәті:

  • Балалар, далаға көктем келіп, ағаштар жасыл түске боянуда. Кәнекей, бәріміз өлең жолдаын оқып берейік.

  • Тербеледі ағаштар,

  Алдымнан жел еседі.

  Кіп-кішкентай ағаштар,

  Үп-үлкен болып өседі.

  • Балалар кеше ғана қыркүйек айында сендер кіп-кішкентай ағаштар секілді кішкентай болғансыңдар, ал қазір сендер де ағаш секілді өсіп кетіпсіңдер. Жуыр арада 1-сыныпты тәмәмдап, болашақ 2-сынып болғалы отырсыңдар, 
    ендеше білімімізді көрсететін кез келді, сондықтан миға шабуыл жасап жіберейік.

  • Мен қойған сұрақтарға, алдарыңдағы сандар көмегімен жауап берулерің керек.

  Миға шабуыл:

  • 2-мен 3-тің қосындысы нешеге тең? ( 5 )

  • 6-мен 4-тің айырмасы нешеге тең? ( 2 )

  • Сандар қатарында 7-ден кейін қандай сан тұрады? ( 8 )

  • Ал 5-тің алдында қандай сан тұрады екен? ( 4 )

  • 8 – 7. Мәні неше болады? ( 1 )

  • 1 + 2. Мәні неше болады? ( 3 )

  • Барлығы неше бір таңбалы сандарды білесіңдер? ( 9 )

  • 10-нан 4-ті азайтса неше болады? ( 6 )

  • 0-ге 10-ды қосса ше? ( 10 )

  ІҮ. Сабақты бекіту. (өздік жұмыс)

  • Бүгінгі өткен тақырыпты бекіту мақсатында, мына карточкалық жұмысты орындаймыз.

  - Карточкалық жұмысты аяқтаған болсақ, санның құрамын қайталап өтейік. Тақтада берілген үйшіктерге тиісті сандарды қойып шығыңдар.

  Ү. Қорытынды.

  - Бүгін біз сендермен қандай тақырыппен таныстық?

  - Санды өрнек дегеніміз не?

  - Әріпті өрнек дегеніміз ше?

  - Сабағымыз сендерге ұнады ма?

  - Бүгінгі сабақта қандай көңіл-күйде болдық?

  - Осы көңіл-күйде бүгінгі сабағымызды аяқтаймыз.

  ҮІ. Үй тапсырмасын беру.

  • Үйде, мына карточкалық тапсырмаларды орындап келіңдер.

  І-нұсқа:
  1) 10 – а
  а=1
  а=3
  а=4
  2) 10 саны мен а-ның айырмасын жаз.
  ІІ-нұсқа:
  1) а+7
  а=1
  а=2
  а=3
  2) 10 саны мен а-ның қосындысын жаз.

  ҮІІ. Бағалау.

  • Алдарыңдағы бағдаршамдар көмегімен, әр оқушы қасындағы баланы бағалауы керек. Егер де ол «5»-ке жауап берді деп ойласаңдар жасыл түсті, «4»-ке жауап берді деп ойласаңдар сары түсті, ал «3»-ке жауап берді дегендеріңіз қызыл түсті көрсетулерің керек.